Século II

século I < século II > século III

Este século abrangue o tempo entre o ano 101 e o 200 da era cristiá.

Acontecementos importantes

Será este o verdadeiro século de ouro da historia do Imperio Romano. De 96 a 192 sucédense no trono imperial os cinco bos emperadores (Nerva, Traxano, Hadriano, Antonino Pío e Marco Aurelio). É o tempo da pax romana e do desenvolvemento das cidades máis afastadas da capital. O proceso de sucesión é pacífico.

Muralla de Hadriano

Europa

• Os saxóns e os frisios instálanse ao norte do río Elba e na ribeira do mar do Norte. Son piratas que saquean as costas galas e bretoas.

Imperio Romano

• 193 - trala morte de Cómodo, Septimio Severo instaura a dinastía dos severos amparándose na forza militar..
• 120-150 - os búlgaros migran cara Europa.
• 122-132 - Constrúese a Muralla de Hadriano.
• 144 - Marciano, rexeitado pola Igrexa de Roma, funda o marcianismo.
• 167-175 - Primeira guerra contra os marcomanos.
• 178-180 - Segunda guerra contra os marcomanos (a que aparece na película Gladiator).

Oriente Próximo

• 132-135 - Segunda revolta xudía, dirixida por Simón bar Kokhba.
• Destrución definitiva de Xerusalén e construción de Aelia Capitolina no seu lugar.
• Hadriano decide a expulsión dos xudeus.
• Múdaselle o nome a Xudea para Palestina. O Estado xudeu desaparece até 1948.
• 135 Diáspora xudía

África do Norte

• A comezos do século introdúcese o dromedario na África romana. A súa utilización permite restablecer relacións entre a África negra e a África do Norte.
• Os misioneiros orientais introducen o cristianismo en Cartago, obtendo numerosas conversións entre as comunidades xudeas. A mediados de século os misioneiros proveñen de Italia. A fins de século a influencia do cristianismo esténdese até as vilas da Numidia ao tempo que comezan as primeiras perseguicións.
• Esténdese o cultivo da viña e a oliveira por África do Norte en paralelo ao do trigo. Aumenta o número de cabalos, así como de bacas e ovellas. Daquí proveñen moitas das bestas selvaxes que se levan ao circo.

Asia central

• Dinastía Pugyei no Tíbet. A sociedade estrutúrase en clans dirixidos por señores independentes e aliados polo matrimonio. Nos Anais chineses Tíbet coñécese como Tufan.

India

• Influencia helenística na arte búdica de Gandhara.
• A dinastía Pandya reina no sur do río Indo (até o século XIV).
• A dinastía Chera reina no sur do Indo (Kerala) até o século X.

Extremo Oriente

• Inicio da metalurxia nas illas do suloeste asiático.

América

• Cultura moche na costa norte do Perú (100-700). Centrada no val do río Moche e de Chicana, ampliará máis tarde o seu territorio por conquista militar do val de Pascasmayo até os do río Santa e Nepena ao sul.
• Civilización de mogollon-hohokam no sur dos Estados Unidos (Arizona), até o século XIII.

Personaxes destacadas

• Nerva
• Traxano
• Hadriano
• Antonino Pío
• Marco Aurelio
• Cómodo
• Plinio o Novo
• Galeno (Pérgamo, 131 - Roma, 201), médico grego, anatomista e compilador dos coñecementos médicos do seu tempo.
• Plutarco
• Tolomeo (cara 90-cara 180), astrónomo e matemático grego.
• Suetonio
• Luciano de Samosata (cara 120-cara180), retórico e escritor.
• Ireneo de Lión (cara 130-202), pai da Igrexa, bispo de Lión e teólogo

---

Este artigo sobre efemérides é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---