Apple Inc.

Apple Inc.
Datuak
Izen ofiziala	Apple Inc.
Izen laburra	Apple
Mota	enpresa, negozioa, Marka, kapital irekiko enpresa, Korporazioa eta teknologia konpainia
Jarduera sektorea	Software fabrika, consumer electronics (en) , banaketa digitala, elektronika, informazio eta komunikazio teknologiak eta mobile phone industry (en)
Herrialdea	Ameriketako Estatu Batuak
Jarduera
Kidetza	Alliance for Open Media, World Wide Web Consortium, Wi-Fi Alliance, SD Association (en) , CVE Numbering Authorities (en) , Zigbee Alliance (en) , Wireless Power Consortium, Camera & Imaging Products Association (en) , American Chamber of Commerce in Germany (en) , BITKOM (en) , Initiative D21 (en) eta Zentralverband Elektrotechnik- und Elektronikindustrie (en)
Honen parte	Nasdaq 100 Index, Dow Jones Industrial Average, Big Tech (en) eta S&P 500
Eskumendekoak	FileMaker, Inc. (en) , Anobit (en) , Beats Electronics (en) , Braeburn Capital (en) , AuthenTec (en) , FingerWorks (en) , Prismo Graphics (en) , Raycer (en) , SchemaSoft (en) , Apple (Germany) (en) , Apple (Israel) (en) , Claris (en) , Apple Store, Apple Sales International eta Siri Inc. (en)
Enplegatuak	115.000 (2015eko uztaila)
Ekoizpena	Apple TV (en) , Apple Watch, IPad, iPod, iMac (en) , MacBook (en) , Mac Pro (en) , Mac Mini (en) , hardware, networking hardware (en) , AirPods (en) , HomePod (en) , iPod Touch (en) , iPhone (en) , iPhone 3G (en) , iPhone 3GS (en) , iPhone 4 (en) , iPhone 4S (en) , Iphone 5, iPhone 5C (en) , iPhone 5S (en) , iPhone 6 (en) , iPhone 6 Plus (en) , iPhone 6S Plus (en) , iPhone 7 Plus (en) , iPad Pro (en) , MacBook Pro (en) , Apple Pencil (en) , iPhone 6S (en) , iPhone 7 (en) , Apple Pay (en) , iPhone X, software, iPhone XS (en) , PDA, ordenagailu pertsonal, Tableta, wearable computer (en) , iPhone XR (en) , iPhone 11 Pro (en) , IPhone 11 (en) , iPhone 11 Pro Max (en) eta iPhone SE (2nd generation) (en)
Negozio dibisioak	Anobit (en) , Apple Store eta Apple Support (en)
Agintea
Lehendakaria	Arthur D. Levinson (en)
Zuzendari exekutiboa	Tim Cook (en)
Zuzendaritza-taldea	Arthur D. Levinson (en) , Andrea Jung (en) , Ronald Sugar (en) , James A. Bell (en) , Al Gore, Bob Iger (en) eta Susan Wagner (en)
Egoitza nagusi  –  ( – )	«Apple Park» 1 Apple Park Way Cupertino (Kalifornia) 37.33464175°N 122.00896778°W / 37.33464175; -122.00896778
Legezko forma	U.S. corporation (en)
Jabea	The Vanguard Group (en) , BlackRock, Government Pension Fund Global (en) eta Berkshire Hathaway (en)
Zeren jabe	Imagination Technologies (en) eta Apple corporate shuttle (en)
Ekonomia
Aktiboak	351.002.000.000 US$ (2021)
Kapital berekia	63.090.000.000 US$ (2021)
Diru-sarrerak	365.817.000.000 US$ (2021)
Irabazi garbia	94.680.000.000 US$ (2021)
Ustiapen-mozkina	108.949.000.000 US$ (2021)
Burtsa-kapitalizazioa	2.470.000.000.000 US$ (2021eko abuztuaren 24a)
Balore-burtsa	NASDAQ eta Tokyo Stock Exchange (en)
Historia
Sorrera	1976ko apirilaren 1a
Sortzailea	Steve Wozniak Ronald Wayne (en) Steve Jobs
Sorlekua	Los Altos
Jasotako sariak	National Design Awards
webgune ofiziala TikTok: apple

Apple Incorporated hardware- eta software-ekoizle estatubatuarra da. Cupertinon (Kalifornia) du egoitza nagusia. Macintosh ordenagailuak, iPod musika-erreproduzigailuak, iPhone telefono mugikorrak, iPad tablet PCa eta Mac OS X sistema eragilea haren produktu ezagunenak dira. Enpresarako, hezkuntzarako, administraziorako eta etxerako sistema informatiko pertsonalak ekoizten eta saltzen ditu. Produktuok munduko 120 herrialdetan baino gehiagotan salgai daude: aipagarrienak, besteak beste, ordenagailu pertsonalak, inprimagailuak, monitoreak, eskanerrak, softwarea eta sarean lan egiteko loturak dira. Appleren lantegi nagusiak Estatu Batuetan, Irlandan eta Singapurren daude.

Historia

Enpresa 1976an sortu zuten Steven Jobsek eta Steve Wozniakek, konputagailuetarako zirkuituak saltzeko xedearekin hasieran, baina 1977an elkarte bat antolatu zuten Jobs, Wozniak eta Mike Markkula bazkide berriak eta ordenagailu pertsonal bat merkaturatu zuten, Apple II izenekoa. 1982. urtean, ordenagailu pertsonal gehien saltzen zituen enpresa izatera iritsi zen. Hurrengo urtean, Lisa ordenagailua aurkeztu zuten, eta hartan oinarriturik, Macintosh ordenagailu pertsonala atondu zuten, tresna merke eta soila, erabiltzaile arruntentzat bereziki aproposa.

Lehen Macintosh ordenagailua, 1984an merkaturatua.

1985ean botere-borroka gertatu zen John Sculley zuzendari exekutiboaren —bi urte lehenago kontratatua zen— eta Steve Jobsen artean: horren ondorioz, Jobsek enpresa utzi eta NeXT Inc. sortu zuen.

1986an bulegotikako lehen produktuak kaleratu zituzten, eta eragin handia izan zuten autoedizioaren alorrean. Lehen urteetan, 1985 inguru arte, arrakasta handia izan zuen Applek, baina ondoren funtsezko aldaketak gertatu ziren (bazkideak, etab.). 1990ean, Macintosh ordenagailu berriak atera ziren merkatura, bezero gehiago erakartzeko asmoz, eta sistemaren softwarea handitu zuten. 1991. urtean International Business Machines Corporation (IBM) enpresarekin bat egin zuen Applek, zenbait proiektu aurrera eramateko. 1992an urrats handia egin zuten konputagailuetan, Macintosh PowerBook, Appleren lehenengo ordenagailu eramangarria sortu zutelarik, eta handik bi urtera lehen PowerPC ordenagailuak agertu ziren, Apple, IBM eta Motorola enpresen elkarlanari esker; ordenagailu horiek aurrerapen handia ekarri zuten ahalmen eta errendimendu aparta eskaintzen zutelako zuten preziorako. Iraultza handia eragin zuten, halaber, AppleTalk izeneko produktuarekin.

1989 eta 1991 urteen arteko garaia Macintosh-en lehen urrezko sasoitzat hartzen da. Haren ondoren, hala ere, erortzea etorri zen. Sasoi horretan Applek kontsumitzaileei zuzendutako beste hainbat produktu asmatu zituen, kamera digitalak, CD erreproduzigailu eramangarriak, bideo-kontsolak, etab. Ez zuen arrakastarik lortu haiekin, eta enpresaren akzioak asko erori ziren.

iPod gailuen familia: iPod Shuffle, iPod Nano, iPod Classic, eta iPod Touch.

1996an, orduko zuzendari Gil Ameliok, enpresa hobetzeko hainbat estrategia probatu ondoren, NeXT enpresa eta haren NeXTSTEP sistema eragilea erostea aukeratu zuen, eta horrela, Steve Jobs enpresara itzuli zen, aholkulari gisa. 1998ko abuztuaren 15ean, Applek Macintosh familiaren ondorengotzat hartu zen ordenagailu berria aurkeztu zuen: iMac ordenagailua. Diseinu zaindua, teknologia modernoa eta marketin-kanpaina egokia uztartuz, 800.000 ale saldu ziren lehen bost hilabetean.

iMac ordenagailua arrakastara itzultzeko lehen urratsa izan zen. Haren ondoren, 2001eko urriaren 23an, iPod musika-erreproduzigailua iritsi zen eta berehala arrakasta ikaragarria izan zen: ehun milioi ale saldu ziren sei urtean. iPod-en osagarri, 2003an iTunes musika-denda sortu zuen, abestiak $0,99 dolarrean deskargatzea eskainiz. Zerbitzua merkatuko nagusia bihurtu zen.

2005ean Jobsek iragarri zuen PowerPC prozesagailuak utzi eta ordenagailu berrietan Intelen arkitektura zeukaten txipak erabiliko zituela.

2007tik aurrera, beste bi produktu arrakastatsu agertu ziren: iPhone telefono eramangarria eta iPad tableta.

2011ko urriaren 5ean, Steve Jobs, Applen azken aldiko arrakastaren eragile nagusitzat jo zena, Kalifornian hil zen, pankreako minbizia diagnostikatu ziotenetik zazpi urte igaro ondoren.

IOS7 eguneratzea.

Kanpo estekak

• (Ingelesez) Apple-ren webgune ofiziala

Kanpo estekak

• Datuak: Q312
• Multimedia: Apple Inc.