Zagreb
Coordenadas: 45°49′0″N 15°59′0″L / 45.81667, -15.98333
| Zagreb | |||
|---|---|---|---|
| |||
 | |||
| Vista aérea da cidade | |||
| Localización | |||
  Zagreb | |||
| País |  Croacia | ||
| Condado | Cidade de Zagreb | ||
| Xeografía | |||
| Altitude | 158 msnm | ||
| Superficie | 641 km² | ||
| Demografía | |||
| Poboación | 790.017 hab. (2011) | ||
| Densidade | 1.200 hab/km² | ||
| Outros datos | |||
| Código postal | HR-10000, HR-10020, HR-10040, HR-10090, HR-10110 | ||
| Alcalde | Milan Bandić | ||
| Páxina oficial de Zagreb | |||
Zagreb é a capital de Croacia, nela viven 779.145 habitantes (2001), 1.200.000 contando a área metropolitana que inclúe Samobor, Velika Gorica e Zaprešić. A cidade localízase na aba do macizo Medvednica, nas beiras do río Sava. A Universidade de Zabreg que se fundou en 1669 é a máis importante do país. A cidade divídese en 16 distritos (gradske četvrti)
Historia[editar | editar a fonte]
Aínda que a rexión estivo habitanda cando menos dende o Neolítico, a primeira mención a Zagreb data do 1094, ano no que o rei húngaro, Ladislau, fundou un mosteiro e ao seu arredor xurdiu un asentamento.
A cidade desenvolveuse en torno á zona norte da catedral católica, e a partir da fortaleza de Gradec no monte veciño. Actualmente Gracec é o barrio de Gornji Grad, onde se pode atopar un dos mellores núcleos conservados urbanos de Croacia. A diocese e a fortaleza foron atacados polos mongois no ano 1242. Como sinal de gratitude por ofrecerlle refuxio fronte os invasores, o rei Bela IV de Hungría e Croacia outorgoulle a Gradec a Bula Dourada, que outorgaba ós cidadáns da vila autogoberno e autonomía, así como seu propio sistema xurídico. De acordo coa lenda, Bela deixou ós habitantes de Gradec un canón para que o disparasen cada día e que non se enferruxase. Dende o 1 de xaneiro de 1877 o canón e disparado desde a torre Lotrscak en Gric para marcar as doce do mediodía.
A praza do Gornji Grad está dominada pola igrexa gótica de San Marcos. Foi construída a finais do século XIV e concluíse a comezos do século XV. O campanil barroco foi engadido posteriormente.
A diocese de Zagreb e a vila de Gradec a miúdo disputaron polo uso e posesión de terras e muíños. Algunhas veces tamén se enfrontaron por razóns políticas. O termo de Zagreb foi utilizado polos barrios da diocese dende o século XVI, cando a cidade se converteu no centro político de Croacia e da Eslavonia, unión que se reforzaría décadas máis tarde. En 1850 Gradec e Zagreb uníronse baixo o seu primeiro alcalde, Janko Kamauf.
O ferrocarril foi introducido en Zagreb en 1860. Os barrios da clase obreira situábanse entre a vía do tren e o río Sava, mentres que a construción de barrios residenciais en torno ó sur de Medvednica foron rematados entre as dúas guerras mundiais.
A zona entre a vía do tren e o río Sava foi urbanizada despois da Segunda Guerra Mundial. A mediados da década de 1950 a construción de novas residencias no sur do río Sava comezou, dando lugar á Nova Zagreb. A cidade tamén se expandiu cara o oeste e cara o leste, incorporando as comunidades de Dubrava, Podsused, Jarun e Blato, entre outras.
A estación ferroviaria de mercadorías e o aeroporto internacional Pleso, foron construídos na marxe sur do río Sava. A zona industrial máis grande da cidade atópase precisamente no sueste, entre o Sava e a rexión de Prigorje.
Durante a época na que Croacia estivo dentro do Imperio Austrohúngaro, a cidade tamén se chamaba Agram, a súa denominación xermánica.
Clima[editar | editar a fonte]
Zagreb posúe un clima continental. Na cidade os veráns son quentes e húmidos e os invernos son fríos. A temperatura media no inverno é de 1 °C e no verán é de 20 °C. O mes de maio é un dos máis quentes, con temperaturas por riba dos 30 °C. As nevadas son comúns nos meses de inverno, dende decembro a marzo, a choiva e a saraiba son común no outono (dende outubro a decembro).[1]
| Xan | Feb | Mar | Abr | Maio | Xuño | Xullo | Agost | Sep | Oct | Nov | Dec | |
|---|---|---|---|---|---|---|---|---|---|---|---|---|
| Choivas (mm) | 52 | 48 | 56 | 68 | 83 | 95 | 79 | 79 | 79 | 93 | 86 | 67 |
| Temp Min.(°C) | -3 | -3 | 1 | 5 | 9 | 13 | 14 | 14 | 11 | 6 | 2 | -1 |
| Temp Max. (°C) | 3 | 5 | 11 | 15 | 20 | 23 | 25 | 25 | 22 | 15 | 8 | 3 |
Demografía[editar | editar a fonte]
Zagreb é a maior cidade de Croacia, sendo a única cidade do país cunha área metropolitana de máis dun millón de habitantes. A área metropolitana da cidade ten unha poboación de 1.088.841 habitantes, e inclúe algunhas pequenas cidades como Samobor, Velika Gorica e Zaprešić. O censo oficial da cidade sen a súa área metropolitana é de 779.145 habitantes. Segundo os datos do departamento de policía da cidade, o cal baséase no número de persoas que fixeron a petición para poder votar na cidade, esta ten unha poboación de 973.667 habitantes. O maior grupo étnico da cidade son os croatas constituíndo o 91,94% da poboación (censo do 2001). O mesmo censo tamén recolle outras minorías como os serbios (18.811) que constitúen o 2,41% da poboación, os bosníacos que con 6.204 cidadáns fan o 0,8 % da poboación, 4.030 musulmáns de calquera país da ex-Iugoslavia (0,52%), 3.389 albaneses (0,43%), 3.225 eslovenos (0.41%), 1.946 xitanos (0,25%), 1.131 montenegrinos (0,17%), 1.315 macedonios (0,17%), entre outras minorías.[2]
Economía[editar | editar a fonte]
Algúns dos maiores potenciais para o desenvolvemento de Zagreb son a calidade da súa terra, a súa situación de transito favorable e infraestrutura totalmente municipal, a súa man de obra cualificada e expertas nos eidos da ciencia, da educación, da saúde, dos negocios, da banca e doutras institucións, tamén inflúe a súa tradición nalgúns servizos, e o tamaño e a calidade da economía da cidade.
As pólas máis importantes da industria de Zagreb son: a produción de dispositivos e aparellos eléctricos, a súa produción química, farmacéutica, téxtil, a elaboración de comida e bebida, e a produción e elaboración do tabaco. Zagreb é un importante centro internacional de industria/comercio e negocios, así como un lugar de paso de transportes entre a Europa do leste e a Europa central.
A cidade de Zagreb ten o produto interior bruto per capita máis elevado de Croacia, con $15850 no 2006 (a media europea era do $28114. Porén, os ingresos medios e os prezos aínda son máis baixos que no resto de Europa.
No 2005 a taxa media de desemprego en Zagreb roldaba o 8%, a metade da media nacional. Zagreb, é unha cidade relativamente grande situada na ruta máis rápida que conecta a Europa central coa Europa do sueste, posúe un gran potencial para os investimentos e o desenvolvemento.
Administración metropolitana[editar | editar a fonte]
De acordo coa constitución de Croacia, a cidade de Zagreb, como capital do país, posúe un status especial. Tendo un goberno propio e autónomo. Os seus corpos administrativos da cidade son a Asemblea da Cidade como corpo representativo, e o alcalde e gobernador da cidade como corpo executivo.
Os membros da asemblea son elixidos nas eleccións, e son eles os que elixen ó alcalde e ós membros do goberno da cidade. O goberno da cidade está formado por 11 membros propostos polo alcalde á Asemblea.
O goberno local da cidade está organizado por 17 distritos.
Distritos da cidade[editar | editar a fonte]
Os principais distritos ("gradske četvrti" en croata) son:[3]
| No. | Distrito | Área (km²) | Poboación (2001) | Densidade de poboación |
|---|---|---|---|---|
| 1. | Donji Grad | 3 | 45.108 | 14.956,2 |
| 2. | Gornji Grad - Medveščak | 10 | 36.384 | 3.593,5 |
| 3. | Trnje | 7 | 45.267 | 6.146,2 |
| 4. | Maksimir | 14 | 49.750 | 3.467,1 |
| 5. | Peščenica - Žitnjak | 35 | 58.283 | 1.651,3 |
| 6. | Novi Zagreb - Istok | 17 | 65.301 | 3.947,1 |
| 7. | Novi Zagreb - Zapad | 63 | 48.981 | 782,5 |
| 8. | Trešnjevka - Sjever | 6 | 55.358 | 9.498,6 |
| 9. | Trešnjevka - Jug | 10 | 67.162 | 6.828,1 |
| 10. | Črnomerec | 24 | 38.762 | 1.593,4 |
| 11. | Gornja Dubrava | 40 | 61.388 | 1.524,1 |
| 12. | Donja Dubrava | 11 | 35.944 | 3.321,1 |
| 13. | Stenjevec | 12 | 41.257 | 3.387,3 |
| 14. | Podsused - Vrapče | 36 | 42.360 | 1.175,1 |
| 15. | Podsljeme | 60 | 17.744 | 295,2 |
| 16. | Sesvete | 165 | 59.212 | 358,3 |
| 17. | Brezovica | 127 | 10.884 | 85,4 |
Cidades irmás[editar | editar a fonte]
A cidade de Zagreb está irmandada coas seguintes cidades:[4]
Maguncia, Alemaña A(1967)
San Petersburgo, Rusia (1968)
Tromsø, Noruega (1971)
Kyoto, Xapón (1972)
Cracovia, Polonia (1975)
Lisboa, Portugal (1977)
Pittsburgh, Estados Unidos de América (1980)
Shanghai, China (1980)
Budapest, Hungría (1994)
Viena, Austria (1994)
Saraxevo, Bosnia e Hercegovina (2001)
Liubliana, Eslovenia (2001)
Notas[editar | editar a fonte]
- ↑ "Zagreb Climate Data". Consultado o 2006-07-02.
- ↑ "Zagreb ethnic minorities (Census 2001)". Consultado o 2007-01-20.
- ↑ "Zagreb population by city districts (Census 2001)". Consultado o 2006-07-02.
- ↑ "Zagreb sister cities". Arquivado dende o orixinal o 28 de setembro de 2007. Consultado o 2007-02-17.
Véxase tamén[editar | editar a fonte]
Ligazóns externas[editar | editar a fonte]
Capitais dos países membros da Unión Europea | ||
|---|---|---|
 | ||
