Benjamin Disraeli, graf Bikonsfild (1804.21.12 — London — 1881.19.4) — Buyuk Britaniya bosh vaziri (1868 va 1874—1880), Konservatorlar partiyasining rahbari; yozuvchi. 1852, 1858—59, 1866—68 yillarda moliya vaziri. D. hukumati mustamlaka-bosqinchilik siyosatini olib borgan (1878 yil Kiprni bosib olgan, Misrni egallab olish uchun zamin hozirlagan). "Koningsbi" (1844), "Sibilla yoki Ikki millat" (1845) kabi siyosiy romanlarida sotsial ziddiyatlarni yumshatishda aristokratiyaga yetakchi oʻrin ajratgan[1].