Montana

State of Montana Stato di Usa Chefurbo Helena Maxim granda urbo Billings Oficala linguo Angliana Surfaco 381 156 km² Habitanti Denseso di habitantaro 967 440 (2008) 2,51 hab./km² Guberniestro Steve Bullock Divenis stato ye la 8ma di novembro 1889 Posto-kodal abreviuro MT Reto www.mt.gov

Montana esas Usana stato. Lua vicina stati esas Nordal Dakota e Sudal Dakota este, Wyoming sude, ed Idaho weste e sud-weste. Norde jacas Kanada.

Bazala fakti pri Montana.

Historio

Diversa indijena populi ja vivis en la regiono di nuna Montana mili di yari ante nun. Kande Europani arivis en la regiono, ol habitesis dal populi Cheyenne, Crow, ed altri.

Ye la 30ma di aprilo 1803 Usa obtenis la regiono kom parto di kompro di Louisiana de Francia. Usana Senato ratifikis la kompro ye la 20ma di oktobro sam yaro, e la sequanta dio ol permisis Usana armeo okupar la regiono.

Ye la 26ma di mayo 1864 Montana divenis Usana teritorio.

Ye la 25ma di junio 1876, en la teritorio di Montana, la batalio di Little Bighorn eventis. La 7ma Kavalrio di la armeo di Usa, komandita da George Armstrong Custer, kombatis trupi di la tribui Lakota, Norda-Cheyenne ed Arapaho. La trupi di la indijena tribui esis vinkoza; de la 700 homi di la 7ma Kavalrio, 268 esis ocidata, inkluzante Custer. Ca batalio esis notinda evento di la Granda Sioux-milito di 1876, iniciita da la refuzo di indijena tribui cedar teritorio ad Usa.

Ye la 8ma di novembro 1889 la teritorio di Montana divenis stato.

Geografio

Mapo di Montana kun lua precipua urbi e stradi.

Kun 380 850 km² Montana esas poke plu granda ke Japonia e poke min granda ke Paraguay. Ol esas la 4ma vasta stato di Usa, pos Alaska, Texas e Kalifornia. Adnorde, Montana havas 877 km di frontieri kun Kanada.

La maxim alta monto dil stato esas Granite Peak kun 3.901 metri di altitudo.

Precipua artiklo: Listo di urbi en Montana