بولی

بولی اپݨی سوچ یا گل نوں دوجیاں نوں دسن دا اکّ ول اے۔ بولی انساناں دی خاص صفت اے۔ایدے وچّ سوچ تے فیر سوچ نوں بولی دی مورت دینا ہے گا اے۔ اس توں ود آوازاں نوں مورت دی شکل دینا تے اونہاں نوں جوڑ کے لفظ یا شبد بنانا۔

بولی شبداں یا بولاں نال مل کے بندی اے تے اے بول اک ترتیب نال بولے جاندے نیں یا لکھے جاندے نیں تے اس ترتیب نوں گرامر کیندے نیں۔

سعاب لایا گیا اے جے دنیا چ 6000 دے نیڑے بولیاں نیں۔

بولی نوں سمجن دی پہلی کوشش پنجاب وچ پانینی نے اج توں 2500 ورے پہلاں کیتی جدوں اونہے سنسکرت وچ گرامر تے کتاب لکھی۔ پاننی ٹیکسلا، پنجاب دا رہن آلا سی۔