頭版

粵文維基百科

海納百川有容乃大
人人都寫得嘅自由百科

有 122,460 篇文章

是日正文

世界語（Esperanto，又叫做「希望語」，因為Esperanto喺呢隻語言嘅意思係「希望」），舊譯萬國新語、愛斯不難讀，係最為廣泛使用嘅人工語言。波蘭眼科醫生柴門賀夫喺對佢進行咗十年嘅創作工作後喺1887年創立咗呢個語言嘅基礎。

世界語嘅命名來自Doktoro Esperanto（希望博士），呢個係柴門賀夫第一次出版《第一本書》時所用嘅筆名。最早，柴門賀夫幫呢個語言改嘅名只係「La Lingvo Internacia」，意思係「國際語言」。20世紀早期，當世界語啱啱傳入中國嗰陣，有人將佢音譯為「愛斯不難讀」，都有叫「萬國新語」嘅。後嚟重有人借用日本人嘅意譯名「世界語」，一直用到家陣。

世界語嘅定位係國際輔助語言，唔係用嚟代替世界上已經存在嘅語言。柴門霍夫嘅目標係創立一種簡單易學而靈活嘅語言，一種普世嘅第二語言，用嚟促進世界和平同國際了解，消除仇恨同埋戰爭，實現平等、博愛嘅人類大家庭。而家一啲世界語者仍然抱住噉樣嘅期望，但嘅人只係想用佢嚟同外國人打交道同埋了解其它國家同文化。

據估計約1000人以世界語為母語。世界語喺人工語言之中係目前唯一有俾人作為母語嘅。大概有十萬至兩百萬人能夠流利使用世界語，並散居世界各地。世界語有文學作品、歌曲同電影，聯合國教科文組織喺1954年推薦學習使用（1985年被聯合國教科文組織推薦畀聯合國成員國），2007年成為歐洲共同語言參考標準（CEFR）嘅第32種語言。雖然到而家仍無任何國家畀世界語官方地位，但世界各地好多學校都有提供世界語學習課程、維基百科、Facebook、Firefox、Ubuntu都有世界語版本，其中維基百科世界語版嘅文章數量喺各語言之中排第32（喺2005年係第8名），Google翻譯亦自2012年2月22號開始增列世界語（稱為「國際語文」）。印尼嘅外交學院，亦將世界語列為年輕外交官學習嘅語文之一。(成篇文章……)

以前嘅正文：漢藏語系 – 順化 – 劉賓雁

歸檔 – 提名 – 全部74篇正文...

你知唔知...

...喺數學入邊，無論係代數、分析定幾何都會用到商空間嘅概念？
...歌劇工作者興用聲種嘅概念嚟將歌手分類？
...Creepypasta 呢種恐怖故仔作品通常會特登寫到好似都市傳說噉？
...劉易斯咸美頓攞過七次一級方程式嘅世界冠軍，可以同一級方程式傳奇人物舒麥加齊名？
...研究指，智商嘅遺傳度似乎會隨住年紀而提升？
...喺編程哥爾夫入邊，參賽者要用最短嘅程式碼嚟完成任務？
...太平塔（圖）係佛山市入面，保存得比較好嘅大明樓閣式磚塔？
...順峯山公園係順德新十景入面，有「順峯攬勝」個名嘅景區？

提名 – 歸檔 – 寫新文

是日靚畫

永香冰室係香港一間舊式茶餐廳，喺土瓜灣炮仗街29號，1959年開張，餐室大致保留住嗰個年代嘅裝潢。

圖片來自：Lord Jaraxxus
舊圖 - 更多正圖...

時人時事

俾澳洲政府取消咗簽證嘅祖高域喺澳洲嘅法院上訴失敗，冇得打2022年澳洲網球公開賽。
湯加發生海底火山爆發（圖），引發咗海嘯。
《立場新聞》喺畀香港警察國安處抄舖同拉咗幾名高層後，宣佈停止運作。
大埔公路大圍段有巴士翻側，一死十一傷。58歲巴士司機涉嫌危險駕駛導致他人死亡被捕。
小濠灣污水處理廠有4名工人被困沙井，其中一名女工送院後不治，其餘三名傷者有一個係女工嘅老公。
比利時研究發現口罩有可能致癌物質「二氧化鈦」，歐盟就話冇證據顯示口罩有致癌風險，呼籲民眾繼續戴口罩防疫。
網球名將彭帥喺社交平台度曝光自己被中國前副總理張高麗性侵後開始有咗長期嘅情人關係，瘋傳網絡引發咗熱議，喺中國大陸網絡平台相關資訊同關鍵字好快被封殺。
廿四歲嘅疑犯服部恭太喺東京京王線列車車廂內縱火並用刀襲擊乘客，造成最少17人受傷。

維基新聞^{（英｜中）} – 訃聞 – 更多時人時事…

是日好文

佐治華盛頓（George Washington，1732年2月22號—1799年12月14號）係美國第一位總統，同時亦係世界上第一位叫「總統」嘅國家元首。由於佢喺美國獨立戰爭同建國上，都扮演重要角色，所以稱之為美國國父。

歸檔 – 提名 – 全部正文 – 全部好文...

當年今日

2月14號：情人節

1918年：蘇聯開始使用格里曆（公曆）。
1924年：IBM（圖）開鋪。
1958年：伊拉克、約旦宣佈成立阿拉伯聯邦。
1961年：第一個人工合成嘅化學元素：鐒。
1974年：香港廉政公署成立。

上幾日：2月13號 – 2月12號 – 2月11號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.