Fabola

Famai bola no sambua mai-mai nilau mangoguna'ö sambua bola nitifa ba danö lafa sebolo. Famai bola no ara tebörögö, i'otarai ngaotu fakhe si no numalö (abad 2 dan 3 SM). Oföna sibai lamaikö ia ba mbanua Sina me inötö Musim Semi dan Musim Gugur (770-476 SM). Famai bola me luo da'ö latötöi ia 蹴鞠 cuju ba Li Kehai, ba labali'ö ia sambua botoŵa ba wonönö fatahana ma fa'abölö ba zaradadu khöra. Tehaogö bola cuju moroi ba guli gurifö nisösö bakhania bu. Fa'ato zi famai bola andrö da'önö niha. Ba dalu danö lafa no labe'e gawa. Sabölö oya mame'e bola ba gawa nudu da'ö zi möna. Goi-goi nifatörö simane nifalua ndrege ma'ökhö, ya'ia da'ö tebai lababaya faoma tanga ma tebai göna danga.

Gawa

Ba wamaisa bola, gawa andre sambua naha ba wozago ba zi dombua angowuloa zi fabola. So zago gawa la, lawa'ö kipö, ba halöŵönia ba wanaha ena'ö lö möi bola ba gawa nizagonia. Ba wamaisa bola ndraono ba danö niha, itaria lö badödöra hewisa gawa sindruhu, fokonia so duturu geu ma so zandrala sitobali tandra wa so gawa, zadi da'ö tenga taha-tahara ba wamaisa bola. Sindruhu wano möi ba dödöra ba wa'omasi ba wamaisa bola, hewa'ae lö göi ni'ila niha sibai hewisa wa'apadera, ba dörö meno sa'ae oi la'ila ba tivi ba teda'ö mbörö irege monönö wa'omasira ba wamaisa bola.

Bola ba Danö Niha

Ba Danö Niha, iraono, satua oi omasi fabola, ba abölö sa'ae ndraono. He moteu, ba lalau famai bola ba lapanga, me no möi badödöra wa'omasi. Ba lö sa'ae tatu hewisa wamaisara, hulö asala omuso manö dödöra. Ba no sa'ae tobali sambua famaha'ö ba zekola göi ia, me no möi fabola andre sambua angolifa wamahaö ba ndraono sekola. Fabola si no la'osara'ö ba zi sagörö ulidanö, fa'ato sambua angowuloa zifabola, ya'ia da'ö felezara niha. So zo sago gawa, so sifataha föna gawa, ba so ziso ba dakera kambölö lapanga, ba samösa zokafaloini ya'ira, same'e khöra gambara hewisa wolohera bola misa ba gawa laŵa. Na fabola zi dombua angowuloa zifabola, ba i zago ira wasi, samaigi hadia manö zalua ba wabolasa, itolo nasa ia sozago ngai lapanga. Inötö ni'oguna'ö bawabolasa, ya'ia da'ö dua kali öfa wulu a lima meni, ba so maifu ginötö wolombase. Ba namoguna lanönö ginötö, fefu moroi khö wasi, ba da'a lalau na no sa'ae irugi wamadöni haniha nomora sara ba watandrisa fabolasa da'ö.

Ba danö niha, no sa'ae tobali mai-mai sabölö omasi niha ya'ia da'ö fabola. Hiza lö tatu khöra he tenga bola gitö fokonia si zitola nitifa ba latifa. Hulö zimanö wa'omasira wamaisa bola andrö. Baero da'ö fabola bada'a tenga ha ba lapanga sabe'e, asese göi iraono ba danö niha, lalau fabola ba dalu deu toho, ba wa'omasira wamaisa ba wa'aelo lapanga. Ba na latörö atö lala, ba gofu hada'ia manö ziso ba lala hasambalö wa nitifa ofeta föna nomo. Lö sala na lamane niha, famai bola khö ndraono soroi ba danö niha, haogö wanaha börö me ya'ira fefu fagölö sagabe'e töla, no fatandro-tandro mbisi, irege na faondra, ba tola amaingö dödö niha.