Bosh Sahifa

Har kim hissa qoʻsha oladigan ochiq ensiklopediya

Oʻzbekcha Vikipediyadagi maqolalar soni: 138 666
22-yanvar 2022-yil, shanba

Bugungi tanlangan maqola

Muhammad Shohmurod (1741-yil (yoki, 1742/43-yil; 1749-yil), Buxoro, Buxoro xonligi — 1800-yil 30-noyabr, Buxoro, Buxoro amirligi) — Buxoro amirligi hukmdori (1785—1800). Mangʻitlar oʻzbek sulolasining birinchi hukmdorlaridan biri va ushbu sulolaning birinchi amiri. Davlat arbobi va sarkarda. Buxoro xonligida otaliq va viloyatlarda hokim vazifalarini bajargan. Mangʻitlar oʻzbek sulolasi vakillari orasida eng nufuzli oʻrinni egallagan hamda zamondoshlari va kelgusi avlodlar tomonidan Amiri Maʼsum — Begunoh amir, Umari soniy — Ikkinchi Umar, Gʻoziy, Jannatmakon yoki Amiri Jannatmakon nomlari bilan ulugʻlanadi. Amir Shohmurod Buxoro amirligida 4 ta: moliya, sud, maʼmuriy va harbiy sohalarda islohotlarni amalga oshirgan. Davlat boshqaruvida adolatni bosh tamoyil qilib olib, shariat normalariga toʻgʻri kelmaydigan barcha soliqlarni bekor qildirgan. Koʻplab XVI—XVII asrlarga tegishli vaqf hujjatlarini qayta koʻchirtirgan; amaldagi yoki butunlay faoliyat koʻrsatmayotgan va yoʻqolgan vaqf hujjatlarini qayta ishga solgan. Uning davriga kelib aholisi kamayib, qishloq darajasiga tushib qolgan Samarqand qayta qurilgan. Amir Shohmurod Samarqandni qayta qurish tarxini oʻzi chizgan. U shaharda 24 ta mavze qurdirib, davlatning sharqiy viloyatlaridan bu yerga koʻplab oilani koʻchirib keltirgan. Shu ishlarning natijasi oʻlaroq, shahar gavjumlashib, iqtisodiy va madaniy ahvol ancha tiklangan. Amir Shohmurod oʻzidan oldingi hukmdorlar Arkda qurdirgan binolardan keraklilarini qoldirib, qolganini esa buzdirib, ulardan chiqqan qurilish materiallarini Buxoro shahri ichkarisi va tashqarisidagi masjidlarga ishlatgan. Amir Shohmurod shaxsi ziddiyatli boʻlib, u haqida koʻpgina mualliflar turlicha fikr bildirishgan.

(Davomi...)

Nomzodlar (0) | Arxiv | Oʻzgartirish

Bugungi yaxshi maqola

Koʻkaldosh madrasasi (Koʻkaltosh madrasasi) — Oʻzbekiston Respublikasi Buxoro viloyati Buxoro shahrining tarixiy markazida, Labihovuz ansamblining shimoli-sharqiy tomonida joylashgan 2 qavatli madrasa inshooti. Buxoro xonligining poytaxtida 1568/69-yilda Qulbobo koʻkaldosh tomonidan bunyod etilgan madrasa, shu davrdan boshlab, hozirgi kungacha Markaziy Osiyoning eng yirik madrasasi maqomini oʻzidan saqlab turibdi. Buxoro xonligi, Buxoro amirligi va Buxoro xalq sovet respublikasining oʻziga xos Fanlar akademiyasi (Dor ul-fununi) boʻlgan. Hozirda Buxoroda eng ogʻir ahvolda qolib ketgan madaniy meros obyektlaridan biri boʻlib, unda ayollar goʻzallik saloni, video-montaj ustaxonasi, ofislar, doʻkonlar, hunarmandchilik ustaxonasi va hujra-muzeyi joylashgan. Aksariyat hujralari taʼmirtalab ahvolda qolib ketgan. Koʻkaldosh madrasasining vaqf hujjatlari ilk bora professor Muso Saidjonov tomonidan oʻrganilib, oʻzbek tiliga tarjima qilingan. Keyinchalik, hujjatlar Abdusattor Jumanazar tadqiqotlari davrida qayta oʻrganib chiqilgan. Madrasaning bizgacha ikkita vaqf hujjati yetib kelgan. Biri asl (1593—1594-yillarda tuzilgan), ikkinchisi Buxoro amirligi hukmdori Amir Shohmurod (1785—1800) davrida koʻchirilgan nusxa. Asl nusxa charm gʻilofli, oʻram shaklida, tili forsiy, nastaʼliq xatida yozilgan. Koʻchirma nusxa ham asliga mos.

(Davomi...)

Nomzodlar (0) | Arxiv | Oʻzgartirish

Yangiliklar

COVID-19 pandemiyasi

„Eng yaxshi aktyor“ nominatsiyasida Oscarni olgan ilk qora tanli aktyor Sidney Poitier (tasvirda) 94 yoshida vafot etdi.
Nigeriyaning Zamfara shtatida jangarilar tomonidan amalga oshirilgan hujumlar oqibatida 200 dan oshiq kishi halok boʻldi.
Yonilgʻi narxi keskin koʻtarilishi ortidan kelib chiqqan norozilik namoyishlari fonida Qozogʻiston hukumati isteʼfoga chiqdi.
Odil Ahmedov futboldagi faoliyatini yakunladi.

Boshqa yangiliklar

Oʻzgartirish

Bilasizmi...

Therese Forster (suratda) yetti yoshida vafot etgan otasi Georg Forsterning asarlarini tahrir qilgan.
New York shahridagi Cartier binosi $100 hamda marjon shodasi evaziga sotib olingan.
Lurie bolalar shifoxonasi 2012-yil iyun oyida Chikagodagi yangi joyiga koʻchish chogʻida, 10 soat ichida 200 ga yaqin bolani koʻchirib oʻtkazgan.
Vikipediyaning bir yillik daromadi Facebookning bir kunlik daromadi bilan teng.
Oʻzbekiston davlat avtomobil raqamlari baʼzan avtomobildan qimmat boʻlishi mumkin.
Zimbabve — dunyoning eng qashshoq mamlakatidir.
Koreya Respublikasida marhum oʻzbek diniy arbobi ismi bilan atalgan masjid bor.
Hijriy yil hisobini Umar ibn Xattob joriy etgan.

Kelgusi sonni tayyorlash | Arxiv | Oʻzgartirish

Bugun

22-yanvar

565 — Yustinian I Yevtixiyni Konstantinopol patriarxligidan boʻshatishga erishdi.
1861 — Anri Muo Kambodjada Angkor-vat ibodatxona majmuasini topdi (suratda).
1863 — Rossiya imperiyasida Yanvar inqilobi boshlandi.
1905 — Sankt-Peterburgda Qonli yakshanba (1905).
1919 — Ukraina yagona davlatga birlashdi.
1944 — Antanta ittifoqchi qoʻshinlari Rimga tushirildi.
1991 — SSSRda pul islohoti oʻtkazildi.
2005 — Kim Ke Gvan KXDR yadro quroliga egaligini taʼkidladi.

Kelgusi sonni tayyorlash | Loyiha | Oʻzgartirish

Tanlangan tasvir


Tinch okeani ustida parvoz qilayotgan Amerika Qoʻshma Shtatlari havo kuchlari B-2 Spirit samolyoti (2006-yil may)
Arxiv – Koʻproq tanlangan tasvirlar