en historio
dum januaro 50, 100 e 150 yari ante nun …
27 di januaro 1972. En Atlanta, Georgia Usa, l'opero Treemonisha da Scott Joplin (1868–1917) esis unesmafoye pleata. Il kompletigis la verko en 1910, e pagis por olua edito en versiono por voci e piano. Ol esis audata en quaza pre-pleo en 1915, kun Joplin kom pianisto; ol pose obliviesis, e l'orkestrala parti perdesis. L'unesma cenala produkturo en 1972, kun nova orkestrala parti, esis bone recevata.
5 di januaro 1922. La explorero Ernest Shackleton mortis en Suda-Georgia, survoye di expediciono ad Antarktika. Il esis duktisto di du antea expedicioni ad Antarktika. En 1909 Shackleton e tri altra membri di ilua expediciono atingis lia maxim proxima disto, 180 km de la suda polo, latitudo 88° 23' S. Ol tatempe esis la maxim fora sudala poziciono atingita da irgu. En posa expediciono il intencis irar trans Antarktika, de la Weddel-maro a la Ross-maro. La navo divenis kaptita en la glacio di la Weddell-maro, ante ke la voyajo sur tero povis komencar; pos pasir la vintro di 1915 en la glacio, la navo esis aplastata. Pos plura aventuri, omna membri dil expediciono esis salvata en 1916.
6 di januaro 1872. En Moskva, la pianisto e kompozisto Alexander Skriabin naskis. Ilua patro esis diplomacisto. Il studiis ye la Konservatorio di Moskva, ube il esis gradizata en 1892. Dum plura yari il esis pianisto e docero en Moskva; pose il facis turi en Europa ed Usa, pleante e kompozante. En 1909 il retrovenis a Rusia. Il divenis interesata pri teozofio, ed ilua idei por kompozuri divenis grandioza e mistika. Famoza kompozuri de ca lasta periodo inkluzas la Poemo di extazo por orkestro, e Prometeo: la Poemo di Fairo, por piano ed orkestro; ca kompozuro anke originale inkluzis koloro-orgeno, qua produktas diversa kolori relatata la muziko.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|