Plaatsjiisk

"Plaatsjiisk" uun ööder spriakwiisen

Sölring  Öömrang  Fering  Halunder  Halifreesk  Mooring  Wiringhiirder  Karhiirder  Gooshiirder

Tekst üüb Öömrang

Plaatsjiisk
Snaaket uun	Sjiisklun, Holun, Denemark, Ruslun, Kasachstan, Kirgisistan, Kanada, USA, Meksiko, Belize, Brasiilien, Boliiwien an Paraguay
Spreegern	amanbi 8 miljuunen temelk gud; ferstenen faan 12 bit 30 miljuunen, 1 bit 4 miljuunen üs mamenspriak
Wedenskapelk iindialang	Indogermaans Germaans Waastgermaans Plaatsjiisk
Amtelk Stant
Amtspriak faan	Sjiisklun Sjiisklun
Gudkäänd manertaalspriak uun:	Sjiisklun Sjiisklun Neederlunen Neederlunen
Spriak-Ufkörtang
ISO 639-1:	–
ISO 639-2:	nds
ISO 639-3:	nds

Plaatsjiisk as en waastgermaans spriak, diar uun Nuurdsjiisklun an uun't uasten faan a Neederlunen snaaket woort. A plaatsjiisk spriakwiisen san nai mä holuns, fresk an ingelsk.

Efter süüden tu wurd a madelsjiisk spriakwiisen snaaket. Det spriakgrens woort Benrather Linie näämd.

Widjer am a süüd, süüden faan't Speyerer Linie san't a boowersjiisk spriakwiisen.

A Neederfrenkisk spriakwiisen (Kleverluns<23>, Uastbergisk<31> uun't nuurduasten an Limborags <30> uun't süüden) tääl tu't Plaatsjiisk, oober uk al tu a Rheinisk weier.

Iindialang

Plaatsjiisk spriakwiisen uun Sjiisklun sant 1945.

• Neederfrenkisk (23,30,31)
• Westfeelisk (9 bit 17)
• Uastfresk Plaatsjiisk (5, Nuurdneedersaksisk)
• Oldenborags (4, Nuurdneedersaksisk)
• Hannoversk (18)
• Oner-Ialewsk (3, Nuurdneedersaksisk)
• Holstiansk (2)
• Schleswigs (1)
• Mecklenborags (32)
• Nuurd- an Madelmarkisk (33, 34)

Ferglik mä ööder spriaken

Plaatsjiisk	Ingelsk	Holuns	Däänsk	Sweedsk	Norweegs	Sjiisk	Nuurdfresk (öömrang)
Water	water	water	vand	vatten	vann	Wasser	weeder
Vader/Vadder	father	vader	far	far	far	Vater	faader (*)
Pann/Panne	pan	pan	pande	panna	panne	Pfanne	poon
Salt	salt	zout	salt	salt	salt	Salz	saalt
Melk	milk	melk	mælk	mjölk	mjølk	Milch	moolk
Kopp	cup	kop	kop	kopp	kopp	Kopf (Tasse)	kop

(*) Eegentelk: "aatj", öömr. "faader" ment hdt. "Pate", engl. "godfather"

Plaatsjiisk ↔ huuchsjiisk konsonanten

(nd. = plaatsjiisk uun Sjiisklun, nied. = plaatsjiisk uun Holun, hdt. = huuchsjiisk, engl. = ingelsk)

k → ch :

• nd. (an nied.) ik ↔ ich an kaken ↔ hdt. kochen
• nd. (an nied.) maken an engl.: to make ↔ hdt. machen

d → t :

• nd. (an nied.) dag an engl. day ↔ hdt. Tag

oober d → d : (wan ingelsk th)

• nd. dat, Doorn – nied. dat, doorn an engl. that, thorn ↔ hdt. das, Dorn

t → s :

• nd. (an nied.) dat, wat, eten an engl. that, what, eat ↔ hdt. das, was, essen

t → z :

• nd. Tied, Timmermann an nied. tijd, timmerman ↔ hdt. Zeit, Zimmermann

t → tz :

• nd. sitten – nied. zitten an engl. sit ↔ hdt. sitzen

p → f :

• nd. slapen of slopen – nied. slapen an engl. sleep ↔ hdt. schlafen
• nd. Schipp – nied. schip an engl. ship ↔ hdt. Schiff

p → pf :

• nd. Peper – nied. peper an engl. pepper ↔ hdt. Pfeffer

v, w, f → b :

• nd. wief, wiewer – nied. wijf an engl. wife ↔ hdt. Weib, Weiber
• nd. leev, leewer nied. lief ↔ hdt. lieb, lieber

s → sch:

sm → schm:

• nd. smeeren, Smeer an sweedsk smörja ↔ schmieren, Schmiere

sl → schl:

• nd. slapen an engl. sleep ↔ schlafen

sw → schw:

• nd. Swien → Schwein

st → scht:

• nd. steen an engl. stone ↔ schtein („Stein“)

sp → schp:

• nd. spitz ↔ schpitz („spitz“)

Wikipedias

 Wikipedia üüb Plaatsjiisk (Sjiisklun)

 Wikipedia üüb Needersaksies (Holun)

Ferwisang efter bütjen

• Plattmakers wurdenbuk

Germaans spriiken

Afrikaans | Deensk | Färöisk | Fresk (Nuurdfresk, Waastfresk, Saaterfresk) | Holuns | Ingels (Kriol, Pitcairn-Ingels, Tok Pisin)
Isluns | Jidisk | Noorsk (Bokmål, Nynorsk) | Plaattjiisk | Tjiisk (Wilmesaurisk, Unserdeutsch) | Sweedsk
Ütjstörwen: Gootisk | Norn | Ualfresk | Ualingels | Ualnoorsk | Yola