en historio
dum decembro:
50, 100 e 150 yari ante nun …
2 di decembro 1971. Mars 3 dolce atingis la surfaco di Marso; ol esis la unesma kosmosondilo qua facis lo. 90 sekundi pos arivo, ol komencis transmisar a la navo qua adportabis la sondilo e qua esis en orbito cirkum Marso. Un imajo, montranta nula detali, transmisesis. Pos plusa 20 sekundi, transmisado cesis, pro nesavata kauzo; forsan lo relatis la forta polvo-sturmo qua eventis ye ta periodo. La sondilo kontenis vehilo por voyajar sur la surfaco di Mars, ma to ne esis utiligata.
5 di decembro 1921. Western Australian Airways, kompanio qua establisis l'unesma reguloza flugi en Australia, kreesis da Norman Brearley. Kom pilotisto il servabis en la mondomilito; pos la milito il kompris du aeroplani en Anglia ed aranjis olia transportado ad Australia. L'unesma komercala flugo di la kompanio eventis en novembro 1922. En 1928 ol ganis l'unesma inter-statala kontrato di aero-posto en Australia, inter Perth ed Adelaide. En 1936 la kompanio divenis parto di Australian National Airways.
24 di decembro 1871. En Kairo, l'opero Aida da Giuseppe Verdi, lokizita en anciena Egipta rejio, esis unesmafoye pleata. Ol esis komisita da la Khediv di Egiptia por la rejala opero-domo. Ol esis intencita por celebrar l'aperto di la domo, ma la cenaji e kostumi por la produkturo, facita en Paris, ne povis atingar Kairo pro la Francia-Prusia milito; do l'unesma opero vidita en la domo, ye 1 novembro 1869, esis Rigoletto da Verdi. La tardigita unesma pleado di Aida esis sucesoza. Olua unesma pleado en Italia eventis ye 8 februaro 1872 en La Scala, Milano.
|
|
|
Kunlaborez! +/-
 München, e la parko ube eventas Oktoberfest. München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|
