Pahila Panna

Fiji Hindi Wikipedia Ii ek free jankari de waala Encyclopedia hae Isme koi bhi likhe sake hae Fiji Hindi Wikipedia me abhi 10,146 article hae.

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Fiji       Fiji ke Hindustani       Fiji Hindi       Fiji me football      Girmit      Parrhai likhai    Dunia ke des    Dunia ke log    Dunia ke itihass    Science aur technology     Jaruri article

Fiji Hindi Wiktionary

Aaj ke featured article Rhine, 39th jahaaj rahaa jisme girmitya logan ke India se Fiji lawa gais rahaa. Ii jahaaj 1,691 ton garrhu, loha ke banaa paal waala jahaaj rahaa jiske Port Glasgow ke Russel & Company, Nourse Line khatir banais rahaa aur jiske 10 December 1885 ke launch karaa gais rahaa. Ii jahaaj 257.2 lamba, 38.3 feet chaurra aur 23.1 feet gahiraa rahaa aur iske naam Germany ke Rhine nadii se aais hai. Iske jaada kar ke girmitya logan ke British colonies me lae jae khatir kaam me lawa jaat rahaa. 30 August 1900 ke Rhine 491 girmitya logan ke lae ke Fiji aais rahaa. 1907 me Rhine ke New Brunswick, Canada ke R.C. Williams ke becha gais rahaa. 1909 me iske fir se W.H. Chandler ke becha gais, jon, Rhine Shipping Company, Montreal, Canada me chalaat rahaa. 1911 me Rhine Shipping Company ke aur 1915 me Boston ke W. McKissock ke aur 1923 me E.P. Reiss ke becha gais. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar 12 November - Fiji ke Solicitor-General, Sharvada Sharma, ke kaam se nikaal ke uske jagah Preetika Prasad ke rakkhaa gais hae. 6 August - High Court ke Judge, Kamal Kumar ke Fiji ke Chief Justice banaawa gais. 13 July - Justin Narayan, jiske mai-baap Fiji me paida bhais rahin, Australian Master Chef Competition ke jiitis 21 February - Suva ke ANZ Stadium me 29th Champion versus Champion (CVC) series Suva aur Labasa ke biich me khela gais. Pahila game 1-1 draw rahaa aur duusra game me Labasa 2-1 se jiit ke CVC supercup ke paanchwa dafe jiitis. 21 January - Kamlesh Prakash ke Fiji khatir India ke nawaa High Commissioner bnaawa gais hai. Prakash pahile UAE ke Ambassadar rahaa aur Delhi me Yogesh Punja ke jagha liis hai. 16 January - United Nations me Fiji ke permanent representative, Nazhat Shameem Khan ke 2021 ke khatir UN Human Rights Council ke president chuna gais. 6 December - Labasa ke Subrail Park me Suva, Nadi ke 1 - 0 se harae ke 2020 ke Football Association Cup Tournament ke jiit liis. 2017 ke Archive Aaj se sau saal pahile, 1921 me... 1 January - Vashist Muni, Wailialai, Ba me ek meeting karis jisme 3,000 Hindustani logan rahin. Sadhu ji Hindustani log ke batais ke uu logan India laute ke khatir aapan ghar aur jamiin nai beche. 11 February - Ba ke Hindustani majuur apne se harrtaal kar din. Harrtaal puura Weatern Division me fail gais. CSR harrtaal kare waala majuur se milis aur CSR ke 16 demand dewa gais. 23 March - Vashist Muni ke arrest kar dewa gais jab uu Rewa jaawat rahaa, kaaheki sarkar sochat rahaa ki uu harrtaal ke Rewa me barrhae maangat rahaa. Uske Fiji se deport kar dewa gais rahaa. Uske arrest ke dui din baad Suva ke Government House pe bijli giraa aur jar gais. April - Indian Franchise Commission ii sifaris karis ki Hindustani logan dui jan ke Legislative Council ke khatir chune ke mauka mile ke chaahi. 2 April - 245 Girmitya logan jon ki India laut gain rahaa, aur jon ki chaahe Fiji me paida bhain rahaa, nai to, jiske palwaar nai to property Fiji me rahaa, ke sarkar Fiji lautar liis. 24 April - Fiji me census lewa gais aur Fiji ke 157,266 ke abaadi me se 60,634 (36.8%) Hindustani rahin. 31 December - 1921 me 3,795 girmitya logan India laut gain, jis me se 3,183 Calcutta gain aur 612 Madras gain. Pahile waala saal: 1908 1909 1910 1911 1912 1913 1914 1915 1916 1917 1920

Aaj ke featured chapa Fiji Crested Iguana (Brachylophus vitiensis), Fiji me dui rakam ke iguana me se ek hai. Duusra iguana hai, Banded iguana (Brachylophus fasciatus). Duuno species iguana ke ek species me se evolve bhain hai jon ki South America se raft me bahe ke Fiji pahucha rahin. Fiji Crested Iguana ke 1979 me pahila dafe, University of the South Pacific ke Dr John Gibbons paais rahaa. Fiji Crested Iguana ke Banded iguana se antar iske male pe tiin patra ujjar band se karaa jaae sake hai jab ki Banded iguana me mota, chakla, blue band rahe hai. Fiji Crested Iguana duusra species se baraa hai, iske pithi me spiny "crest" hai aur ii aapan rang badal ke karia kar le sake hai. Ii iguana ke khali Yadua Taba Island me pawa jaae hai kahe ki huan pe bakrri nai hai jon ki iguana ke rahe waala jagah ke barbaad kar de hai. Pahile ke featured article: Medhak — Bougainvillea — Bulbul

Duusra bhasa 100,000 + English  •  Català (Catalan)  •  Česká (Czech)  •  中文 (Chinese)  •  Dansk (Danish)  •  Deutsch (German)  •  Español (Spanish)  •  Esperanto  •  Français (French)  •  Italiano (Italian)  •  Magyar (Hungarian)  •  日本語 (Japanese)  •  Nederlands (Dutch)  •  Norsk (Norwegian Bokmål)  •  Polski (Polish)  •  Português (Portuguese)  •  Русский (Russian)  •  Română (Romanian)  •  Slovenčina (Slovak)  •  Suomi (Finnish)  •  Svenska (Swedish)  •  Türkçe (Turkish)  •  Українська (Ukrainian) 20,000 + العربية (Arabic)  •  Български (Bulgarian)  •  Bosanski (Bosnian)  •  Cymraeg (Welsh)  •  Ελληνικά (Greek)  •  Eesti (Estonian)  •  Euskara (Basque)  •  Galego (Galician)  •  עברית (Hebrew)  •  हिन्दी (Hindi)  •  Hrvatski (Croatian)  •  Bahasa Indonesia (Indonesian)  •  Íslenska (Icelandic)  •  한국어 (Korean)  •  Latina (Latin)  •  Lëtzebuergesch (Luxembourgish)  •  Lietuvių (Lithuanian)  •  Македонски (Macedonian)  •  Bahasa Melayu (Malay)  •  Norsk (Norwegian Nynorsk)  •  فارسی (Persian)  •  Shqip (Albanian)  •  Slovenščina (Slovenian)  •  Српски (Serbian)  •  தமிழ் (Tamil)  •  ไทย (Thai)  •  Tiếng Việt (Vietnamese)  •  ქართული (Georgian) 1,000 + Afrikaans  •  Asturianu (Asturian)  •  Беларуская (Belarusian)  •  Kaszëbsczi (Kashubian)  •  Frysk (Western Frisian)  •  Gaeilge (Irish)  •  Interlingua  •  Lojban  •  Kurdî (Kurdish)  •  Kernewek (Cornish)  •  Māori  •  Bân-lâm-gú (Southern Min)  •  Occitan  •  संस्कृत (Sanskrit)  •  Scots  •  Tatarça (Tatar)  •  اردو (Urdu) Walon (Walloon)  •  יידיש (Yiddish)  •  文言 (Classical Chinese) 100 + Nehiyaw (Cree)  •  словѣньскъ (Old Church Slavonic)  •  gutisk (Gothic)  •  ລາວ (Laos) Sab Wikipedia ke suchi – Bhasa khatir ek saathe kaam karo – Nawaa bhasa me Wikipedia suruu karo