Ana səhifə
Hamının redaktə edə biləcəyi azad ensiklopediya olanVikipediyaya xoş gəlmisiniz!
Hazırda Azərbaycan dilində 179.341 məqalə mövcuddur. |
|
Hazırda Azərbaycan dilində 179.341 məqalə mövcuddur.
Peterhof — Rusiya ərazisində yerləşən şəhər. Peterhof, Petrodvorets rayonunun bir hissəsi olaraq bələdiyyə mərkəzi və Sankt-Peterburqun federal əhəmiyyətli şəhəri hesab olunur. Fin körfəzinin cənub sahilində yerləşir. Sankt-Peterburqun qərbində, dəmir yolu ilə 29 km məsafədə yerləşən böyük və əhəmiyyətli bir turizm, elm və təhsil mərkəzidir.
Şəhərdə "Yeni Peterhof", "Köhnə Peterhof" və Oktyabr DY-nun və Baltik xəttinin "Universitet" stansiyaları yerləşir. Fin körfəzinin əsas liman şəhərlərindən biridir. Əhali sayı - 73,2 min nəfərdir (2010-cu ilin siyahıyaalmasına görə). Peterhofun əsası 1710-cu ildə, imperatorun şəhərdənkənar iqamətgahı kimi qoyulmuşdur. Şəhər statusu 1762-ci ildə verilmişdir. Şəhərdə dünya memarlığının ən məşhur abidəsi, XVIII—XIX əsrlərə aid "Peterhof" muzey-qoruq kompleksi yerləşir. 2005-ci ildən şəhər "Naukoqrad" (yəni elm mərkəzi) statusunu əldə etmişdi. |
Vorren qədəhi — B.e.-nın 5-15-ci illərinə aid olan gümüş qədəhdir. Qədəh üzərində iki eynicinsli əlaqə səhnəsi təsvir edilmişdir. Qədəhin Yəhudi müharibəsi dövrünə aid olan və Fələstin ərazisindən aşkarlanmış dəfinədən əldə edilməsi güman olunur. Qədəh 1999-cu ildə Britaniya muzeyi tərəfindən 1.8 milyon funt-sterlinqə alınmışdır ki, bu da o zaman üçün muzeyin ən bahalı birdəfəlik alışıdır. Qədəh adətən Yuililər-Klavdilər sülaləsi dövrünə (b.e. I əsri) aid edilsə də, bu tarixləndirməyə şübhəylə yanşanlar da vardır.
Qədəh ilk müasir sahibi olan Edvard Perri Vorrenin adı ilə adlandırılmışdır. Vorren öz sənət kolleksiyası ilə məşhur olmuş, onun kolleksiyasına Rodenin "Öpüş" və Kranaxın "Adəm və Həvva" əsərləri də daxil olmuşdur. Vorren qədəhi Romada art-dilerdən 1911-ci ildə, £2,000 qiymətinə almışdır. Qədəh Romaya Yerusəlimdən gətirilmiş, orada isə Battir şəhəri ərazisindən (qədim Bethther) imperator Klavdinin sikkələri ilə birlikdə aşkarlandığı və ehtimal ki, Yəhudi müharibəsi dövründə basdırıldığı deyilmişdir. |
Fullmetal Alchemist fəsillərinin siyahısı — yapon manqaka Hiromu Arakava tərəfindən yazılmış və hazırlanmışdır. Manqa seriyasının yayımlanması 2001-ci ilin avqustunda "Square Enix"-in "Monthly Shonen Gangan" jurnalında başlanılmış, 2010-cu ilin iyulundakı nəşri ilə (2010-cu ilin iyununda nəşr olunmuşdur) başa çatmışdır. Bu müddətdə manqa seriyasının 108 fəsli nəşr olunmuşdur. Manqa Edvard və Alfons Elrik adlı iki əlkimyagər qardaşın başına gələn hadisələrdən bəhs edir. Onlar ölmüş analarını geri qaytarmağa çalışarkən itirdikləri bədən üzvlərini geri qaytarmaq üçün fəlsəfə daşının axtarışına çıxırlar. Edvard orduya qatılır və ordunun tərkibində ikən ordunun da daşın axtarışında olduğunu öyrənir. |
- Ardem Pataputyan və Devid Culius fiziologiya və tibb üzrə Nobel mükafatının qalibləri elan olunublar.
- Fumio Kişida (şəkildə) Yaponiyanın sayca 100-cü baş naziri seçilib.
- Facebook sosial şəbəkəsi və onun törəmə şirkətləri Messenger, Instagram, WhatsApp yeddi saatdan çox müddət ərzində bütün dünyada əlçatmaz olub.
- Mamadi Dumbuya dövlət çevrilişindən sonra Qvineyanın müvəqqəti prezidenti olaraq and içib.
- Rusiyanın Perm Dövlət Universitetində baş verən silahlı hücum nəticəsində azı 6 nəfər ölüb.
- Keçmiş Əlcəzair prezidenti Əbdüləziz Buteflika 84 yaşında ölüb.
Digər günlər: 17 oktyabr – 18 oktyabr – 19 oktyabr
- Cənubi Koreya müğənnisi Hvasanın (şəkildə) televiziyada yediyi yeməklərin və istifadə etdiyi əşyaların Cənubi Koreyada populyarlaşdığı və daha çox satıldığı müşahidə olunmuş, bu hala "Hvasa effekti" adı verilmişdir.
- 200 metr uzunluğunda olan Kəlbəcər-Laçın avtomobil tuneli Azərbaycanda avtomobil nəqliyyatı üçün nəzərdə tutulmuş ən uzun tuneldir.
- 1968-ci ildə italyan mühəndis Corcio Roza tərəfindən qurulmuş və heç bir dövlət tərəfindən tanınmamış Roz adası Respublikası haqqında 2020-ci ildə Netflix tərəfindən komediya-dram filmi çəkilmişdir.
- Alman bəstəkar Feliks Mendelson 1829-cu ildə Şotlandiyada yerləşən Finqal mağarasını ziyarət etmiş və mağaradakı qəribə exodan təsirlənərək "Finqal mağarası" uvertürasını yazmışdır
- Rusiyanın Orenburq vilayətində yerləşən və adını girişdə yerləşən bir heykəldən alan Qara delfin islahedici koloniyasında təhlükəsizlik o qədər güclü qorunur ki, binada məhkum sayından daha çox gözətçi var.
Vikimedia Fondunun digər layihələri
- Vikilüğət Lüğət
- Vikisitat Sitatlar
- Vikikitab Azad dərsliklər və təlimat kitabları
- Vikimənbə Azad əsər kitabxanası
- Vikixəbər Azad xəbər mənbəyi
- Vikiversitet Tədris materialları
- Vikinövlər Bioloji növlərin sistematikası
- Mediaviki Viki proqram təminatının təkmilləşdirilməsi
- Vikiverilənlər Ortaq verilənlər bazası
- Vikianbar Ortaq media anbarı
- Vikisəyahət Azad səyahət təlimatçası
- Meta-Viki Vikimedia koordinasiya mərkəzi