Օգտագործելու եք հայտի ներկայացման այն նույն ձևը, որը գործում է բոլոր այլ փորձառությունների համար։ Երբ հասնեք Գտնվելու վայրը քայլին, նշեք Այո, սա առցանց փորձառություն է վանդակը։ Այնուհետև մեր թիմը հնարավորինս շուտ կուսումնասիրի ձեր հայտը և 2–4 շաբաթվա ընթացքում կտեղեկացնի հաստատման կամ մերժման մասին։

Առավել գրավիչ և ներառական առցանց փորձառություններն ընդամենը 1–2 ժամ և նվազագույն պարագաներ են պահանջում մասնակցության համար։ Բացի այդ, առցանց փորձառության ծախսերն ընդհանուր առմամբ ավելի քիչ են, քան ֆիզիկական մասնակցությամբ փորձառության դեպքում, ուստի ձեր գները պետք է արտացոլեն այդ հանգամանքը։ Պահանջվում է նաև տեսախցիկ և հուսալի ինտերնետ կապ, որպեսզի կարողանաք հոսքային եղանակով աուդիո և վիդեո փոխանցել փորձառության ընթացքում։

Դուք կօգտագործեք Zoom հարթակը, որը միանգամից բոլոր հյուրերին թույլ է տալիս միանալ փորձառությանը, ակտիվացնում է աուդիոն և վիդեոն, որպեսզի յուրաքանչյուրը կարողանա շփվել, և առաջարկում է այլ գործիքներ, որոնք ձեզ կօգնեն հյուրընկալել։ Երբ ձեր առցանց փորձառությունը հաստատվի, կստանաք անվճար Zoom հաշիվ գրանցելու հրավեր։ Գրանցվելուց հետո ստուգեք ձեր ինտերնետ կապը՝ միանալով փորձնական հանդիպմանը, և ծանոթացեք հարթակի գործառույթներին։

Ճիշտ ինչպես ֆիզիկական մասնակցությամբ փորձառությունների դեպքում, առցանց փորձառությունները հյուրերին ծանոթացնում են փորձառու հյուրընկալողների հետ, տալիս են նոր մարդկանց հանդիպելու ու նրանց հետ շփվելու հնարավորություն և առաջարկում են հեռավար ձևաչափ բոլոր նրանց համար, ովքեր գտնվում են կարանտինում և տանը։ Մարդիկ կարող են առցանց փորձառությունների միանալ տնից կամ աշխարհի ցանկացած կետից․ միակ պայմանը ինտերնետի առկայությունն է։ Մասնակցելու համար պետք չէ լինել որևէ կոնկրետ տեղում կամ բերել շատ բաներ։