Bit
Biten multiploak | ||||||
---|---|---|---|---|---|---|
SI aurrizkia | IEC 60027-2 | |||||
Izena (Ikurra) |
SI Estandarra |
Erabilpena informatikan |
Izena (Ikurra) |
Balioa | ||
kilobit (Kb) | 103 | 210 | kibibit (Kib) | 210 | ||
megabit (Mb) | 106 | 220 | mebibit (Mib) | 220 | ||
gigabit (Gb) | 109 | 230 | gibibit (Gib) | 230 | ||
terabit (Tb) | 1012 | 240 | tebibit (Tib) | 240 | ||
petabit (Pb) | 1015 | 250 | pebibit (Pib) | 250 | ||
exabit (Eb) | 1018 | 260 | exbibit (Eib) | 260 | ||
zettabit (Zb) | 1021 | 270 | zebibit (Zib) | 270 | ||
yottabit (Yb) | 1024 | 280 | yobibit (Yib) | 280 |
Bita, informatikako oinarrizko unitatea da. Bit batek "0" edo "1" egoera logikoa izan dezake; askotan 0-ari gezurrezko egoera eta 1-ari egiazkoa egokitzen zaizko, nahiz eta batzuetan alderantziz ere izaten den. Oinarrizko eragiketa logikoak egin daitezke: NOT, AND, OR, NAND, NOR eta XOR. Beraien bitartez, multzokatuz, zenbakiak(osokoak nahiz errealak), karaktereak eta konplexuagoak diren datu egiturak ere errepresentatu daitezke.
Definizioa[aldatu | aldatu iturburu kodea]
Bita Binary digit-en akronimoa da (digitu bitarra). Bit bat sistema bitarreko digitu bat da.
Zenbakitzeko sistema arruntean hamar digitu erabiltzen ditugun bitartean, sistema bitarrean bi soilik erabiltzen dira, 0 eta 1. Hots, bit batek 0 edo 1 balio har dezake. Bit bat errazago ulertzeko pentsatu dezakegu bonbila bat dela, eta hau, piztuta edo itzalita egon daitekeela.
Halaber, beste gauza asko adierazi ditzake digitu batek: egia edo gezurra, iparra edo hegoa, gizona edo emakumea, irikita edo itxita, e.a. Guk adierazi nahi duguna. Nahikoa da egoeratako bati "0" eta besteari "1" bat esleitzea. Adib: itzalita (0) eta piztuta (1).
Bit-en konbinazioak[aldatu | aldatu iturburu kodea]
Bit batekin bi balio bakarrik adierazi ditzakegu, normalean 0 eta 1 adierazten dituzte. Informazio gehiago adierazteko gailu digital batean, bit kopuru haundiagoa behar dugu. Bi bit erabiliko bagenitu lau konbinazioak edukiko genituzke:
- 0 0 - Biok itzalita daude
- 0 1 - Lehena itzalita dago, bigarrena piztuta
- 1 0 - Bigarrena itzalita dago, lehena piztuta
- 1 1 - Biok piztutak dira
Lau konbinazio hauekin lau balio desberdin adierazi ditzazkegu, adibidez, urdina, berdea, gorria eta magenta koloreak.
Bit segidak erabiltzen edozein balio kodifikatu dezakegu, zenbakiak, hitzak eta irudiak. Lau bitek nibble bat sortzen dute eta 24 = 16 balio desberdin adieraz ditzazke, zortzi bitek okteto bat sortu eta 28 = 256 balio desberdin arte adieraz ditzazke. Orokorki, n bit kopuru batekin 2n balio desberdin arte adieraz ditzazkegu.