Muhammad Zaini Abdul Ghani
Kyai Haji Muhammad Zaini 'Abdul Ghani (كياهى حاجي محمد زيني عبد الغني) atawa Syaikhuna al-Alim al-Allamah Muhammad Zaini bin al-Arif billah 'Abdul Ghani bin 'Abdul Manaf bin Muhammad Seman bin Muhammad Sa’ad bin 'Abdullah bin al-Mufti Muhammad Khalid bin al-'Alim al-'Allamah al-Khalifah Hasanuddin bin Syaikh Muhammad Arsyad al-Banjari nang bagalar Al-'Alimul 'Allamah Al 'Arif Billaah Bahrul Ulum Waliy al-Qutb As Syeekh Al Mukarram Maulana (biasa dikiyau Abah Guru Sekumpul atawa Tuan Guru Ija) (lahir 11 Februari,1942 – maninggal 10 Agustus,2005 pada umur 63 tahun) adalah Ulama Banjar nang sangat kharismatik wan takanal di Kalimantan, khususnya di Martapura wan Banjarmasin. Sidin dilahirakan pada malam Rabu 27 Muharram 1361 Hijriyah atawa bartapatan pada tanggal 11 Februari 1942 di disa Dalam Pagar (wayahini masuk ka dalam kacamatan Martapura Timur, Kabupatin Banjar) dari pasangan laki-bini Abdul Ghani bin H. Abdul Manaf lawan Hj. Masliah binti H Mulya. Muhammad Zaini Abdul Ghani marupakan anak partama, sadangkan ading sidin bangaran H.Rahmah. Waktu masih halus, sidin dikiyau urang Qusyairi. Guru Sekumpul marupakan katurunan ka-8 dari ulama basar Banjar, Maulana Syekh Muhammad Arsyad bin 'Abdullah Al Banjari.