Wikipidia:Mambabak sabuting tungkaran
 |
Pahatian: Tungkaran naiya lain bak karasik. Amun Pian handak mancuba manyunting, pakai bak karasik, yaitu tungkaran nang disadiaakan khusus sagan uji cuba manulis wan manyunting di Wikipidia. |
Wikipidia adalah sabuting Wiki, nang ba-arti siapa gin kawa mambabak artikal nang kada dilindungi. Amun handak, silakan cuba bak karasik di sia.
Mambabak sabuting tungkaran Wiki itu nyaman ja: Klik haja tab babak di hapat atas (atawa tautan babak di higa kanan atawa bawah) sabuting tungkaran Wiki. Ini akan mambawa Pian ka sabuting tungkaran lawan kutak naskah nang baisi naskah nang kawa dibabak gasan tungkaran itu. (Amun Pian handak ba-ikspirimin wara, gawi di tungkaran bak karasik Naskah kandal kami, lainan di sia. Pian kawa mambuka bak karasik di lalungkang atawa tab lain supaya kawa manjanaki naskah ini wan kulihan parcubaan Pian di bak pasir.)
Mulalah mangatik, wan habis tu tulisakan kasimpulan babakan handap di kamar halus di bawah kutak pambabakan. Klik Itihi titilikan gasan ma-itihi kaya apa parubahan Pian pacangan ditarapakan, imbahtu picik "Simpan tungkaran". Tagantung sistim Pian, mamicik "Enter" pas kutak pambabakan kada aktif (parhatan kadada kursor mangatik di dalamnya) pina baisi epek nang sama lawan mamicik picikan "Simpan tungkaran". Manyumbanglah pusitip lawan manulis panjalasan nang bujur-bujur baguna gasan urang lain haja.
Pian jua kawa ma-klik tab "pamandiran" (atawa tautan "Pandirakan tungkaran ini") gasan manjanaki tungkaran tungkaran pamandiran nang basangkutan, nang ba-isi kumintar-kumintar pasal ungkaran ngitu matan pamakai Wikipidia nang lainnya. Klik pada tab "+" (atawa "Babak tungkaran ini") hagan manambahi kumintar Pian.