 Napiling artikulo
 Si Fernando Cueto Amorsolo (Mayo 30, 1892 - Abril 26, 1972) ay isa mga pinakamahalagang artista ng sining sa Pilipinas. Si Amorsolo ay isang pintor ng mga larawan ng mga tao at tanawing pambaryo ng Pilipinas. Kilala siya sa kaniyang pagiging malikhain at pagkadalubhasa sa paggamit ng liwanag. Ipinanganak sa Paco, Maynila, nakatapos siya ng pag-aaral mula sa Paaralang Pansining ng Liseo ng Maynila noong 1909. Bagaman nakapaglakbay sa ibang mga bansa, kung saan namulat ang mga mata ni Amorsolo sa mga dayuhang pamamaraan ng pagguhit at pagpinta, naging adhikain niya ang makalikha ng mga larawang makabayan at puno ng kasaysayan. Sa panahon man ng kapayapaan o digmaan, nanatili ang diwang ito sa isipan ni Amorsolo, na nagbunga naman ng mga dibuhong may pagpapahalaga sa paghubog, pag-unlad, at pagtatala ng tunay at natatanging katauhan, ngiti, damdamin at kaluluwa ng mga mamamayang Pilipino. Dahil sa mga gawa at gawain ng kaniyang malikhaing mga kamay, sa tulong ng pinsel at pintura, tinagurian si Amorsolo bilang unang Pambansang Alagad ng Sining ng Pilipinas. Isinilang si Fernando Amorsolo noong Mayo 30, 1892 sa Paco, Maynila kina Pedro Amorsolo, isang tenedor de libro, at Bonifacia Cueto. Lumaki si Amorsolo sa Daet, Camarines Norte, kung saan nakapag-aral siya sa isang paaralang pampubliko at tinuruang bumasa at sumulat ng wikang Kastila sa bahay.
Napiling larawan
Ang natibidad ni Jesus, natibidad ni Cristo, kapanganakan ni Cristo o kapanganakan ni Jesus ay nilalarawan sa mga ebanghelyo ng Bibliya na Lucas at Mateo. Sumasang-ayon ang dalawang salaysay na ipinanganak si Jesus sa Bethlehem sa Judea, na tinakdang ikasal ang kanyang inang si Maria sa isang lalaki na nagngangalang Jose, na nagmula sa lahi ni Haring David at hindi amang pambiyolohiya ni Jesus, at dulot ng dibinong pamamagitan ang kanyang kapanganakan. Batayan ang natibidad para sa pistang Kristiyano ng Pasko tuwing Disyembre 25, at gumaganap ito ng isang pangunahing papel sa panliturhiyang Kristiyanong taon. Maraming mga Kristiyano ang tradisyunal na pinapakita ang mga maliliit na mga belen sa kanilang mga tahanan na isinasalarawan ang eksena sa natibidad, o dumadalo sa mga Palabas ng Natibidad o mga Paskong pagtatanghal na nakatuon sa siklo ng natibidad sa Bibliya. Ang pinainam na mga pinapakitang natibidad na tinatawag na "mga eksenang creche", na tinatampukan ng mga estatwang kasing-laki ng tao, ay isang tradisyon sa panlupalop na mga bansang Europeo tuwing Kapaskuhan.
May-akda ng larawan: Uoaei1
|
 Mga kasalukuyang pangyayari
 - Nailagay ang Brisbane sa lockdown sa loob ng tatlong araw upang pigilin ang pagkalat ng COVID-19 pagkatapos masuri ang isang tagalinis sa isang otel pangkuwarantena na may isang bagong bariyante ng SARS-CoV-2. Ipinagbawal ng Hilagang Teritoryo at Tasmania ang mga manlalakbay mula Brisbane.
- Nilagpasan ni Elon Musk si Jeff Bezos ng mga $ 4 na bilyon upang maging pinakamayamang tao sa buong mundo.
- Sa kabila ng pagsalakay sa Kapitolyo ng Estados Unidos, sinertipika ng Kongreso ng Estados Unidos ang pagkahalal ni Joe Biden (nakalarawan sa kaliwa) bilang Pangulo ng Estados Unidos at ni Kamala Harris (nakalarawan sa kanan) bilang Pangalawang Pangulo. Nakatanggap sina Biden at Harris ng 306 na botong pangeleksyon habang nakakuha sina Donald Trump at Mike Pence ng 232. Itatalaga sa tungkulin ang mga nanalo sa Enero 20.
- Pinalaya ng piskal ng Lungsod ng Makati ang tatlong suspek na naunang inaresto kaugnay sa kontrobersyal na pagkamatay ni Christine Dacera, isang tagapasilbi sa eroplano (flight attendant).
- Sinalakay ng libo-libong mga manggugulo na maka-Trump, na armado ang ilan, ang Kapitolyo ng Estados Unidos, na nagdulot sa paglikas ng mga naroon sa loob. Idineklara ng alkalde ng Washington, D.C. na si Muriel Bowser ang isang panggabing curfew sa buong lungsod. May mga pagputok, at hindi bababa sa anim na tao ang nasugatan. Isang babaeng tagasuporta ni Trump ang namatay dulot ng mga sugat sa pagkabaril sa kanya, sang-ayon sa pulis. Maraming kasapi ng Kongreso na tinawag ito bilang isang tangka ng kudeta. Ipinakalat ang FBI, pulis at Pambansang Guwardiya mula sa Maryland, Virginia at sa D.C. mismo upang pigilan ang kaguluhan. Ginamit din ang mga bombang usok at wisikang paminta. Naiulat ang maraming pinaghihinalaan bombang tubo, kabilang sa punong-himpilan ng Partido Republikano.
 Alam ba ninyo
|
.jpg)
· 
· 
