Paralelaj studsesioj en Kvinpetalo la 19-23an de oktobro

Afiŝita en 22 Septembro 2020 de La redakcio

kvinpetaloPraktikado de la lingvo plurnivela kun Catherine Kremer. La kurso koncernas komencintojn kaj progresantojn… Studado en etaj grupoj, adaptita pedagogio, familieca etoso. Catherine Kremer, profesia ĉiĉeronino, zorgos pri la paroliga kurso en Kvinpetalo. Ŝia plej ŝatata temo por paroligi homojn estas “turismo”.
Venu kaj kunportu anekdotojn aŭ legendojn pri via regiono. Aldone, se vi posedas malnovajn dokumentojn pri viaj prauloj kaj familianoj, ekzemple, fotojn, ne hezitu kunporti ilin: ni organizos laborgrupetojn ĉirkaŭ tiuj temoj. Multaj ludoj estas antaŭviditaj!
Legi plu →

Vizitoj 110
Afiŝita en Esperantujo | Etikedigita , , , , , , , , , | Lasi komenton

Deklaro de UEA okaze de la Internacia Tago de Paco 2020

Afiŝita en 21 Septembro 2020 de La redakcio

Tago de PacoLa temo de la nunjara Internacia Tago de Paco, festata ĉiujare la 21an de septembro, estas “Formante Pacon Kune”. La jaro 2020 estas ankaŭ la okazo de la 75-a datreveno de la fondiĝo de Unuiĝintaj Nacioj, starigita, laŭ la vortoj de sia Ĉarto, por “savi estontajn generaciojn de la plago de milito”.
Legi plu →

Vizitoj 104
Afiŝita en Esperantujo, Mondo | Etikedigita , , , , , | Lasi komenton

Interkultura Novelo-Konkurso

Afiŝita en 21 Septembro 2020 de La redakcio

Interkultura Novelo-KonkursoInterkultura Novelo-Konkurso (INK) estas konkurso organizata de Akademio Literatura de Esperanto kaj aǔspiciata de Universala Esperanto-Asocio, celanta instigi aktualan novelan kreadon de aŭtoroj el diversaj kulturoj. Sama temo, malsamaj vidpunktoj, malsamaj historioj… La temo de la konkurso estis voĉdonita rete: “KOVIM-19: Kiel ĝi ŝanĝis nin”. Aŭtoroj estas invitataj verki novelojn pri ĉi tiu temo kaj sendi ilin per reta formularo antaŭ la 20a de junio 2021.
Legi plu →

Vizitoj 152
Afiŝita en Esperanto-Kulturo | Etikedigita , , , , | Lasi komenton

Universitataj kursoj de Esperanto

Afiŝita en 20 Septembro 2020 de La redakcio

kursojJam de longa tempo funkcias ĉe www.edukado.net la eblo registri universitatajn kursojn pri Esperanto aŭ interlingvistiko. Nia ĉefa celo estas multigi tiajn kursojn tra la mondo. Ili levas la prestiĝon de Esperanto kaj instigas homojn lerni la lingvon. Pro tio bonvolu iri al la paĝo https://edukado.net/kursejo kaj registri vian kurson. En tiu paĝaro, se vi iras al la fundo de la paĝo kaj premas la vorton “statistiko”, vi trovas bildajn statistikojn pri la registritaj kursoj.
Legi plu →

Vizitoj 153
Afiŝita en Esperantujo | Etikedigita , , , | Lasi komenton

Du mondaj tagoj en septembro

Afiŝita en 19 Septembro 2020 de La redakcio

pacotagoLa 21an de septembro: Tutmonda Tago de la Paco. Ni uzu tiun Tagon por pensi pri nia vivo, nia agado, nia laboro, nia nutrado, provante trovi la plej bonajn solvojn por ni mem, nia familio, nia vilaĝo aŭ kvartalo. Ni uzu tiun Tagon por iri al konatulo aŭ parenco kaj diskuti provante solvi malnovajn konflikton kaj retrovi serenecon, atingi pacon. Ni uzu tiun Tagon por paroli pri respekto kaj solidareco okaze de nia instruado ; tekstoj pri tiaj temoj ne mankas.
Legi plu →

Vizitoj 102
Afiŝita en Esperantujo, Mondo | Etikedigita , , | Lasi komenton

Gaja kaj aktiva Esperanto-semajnfino en Rottweil

Afiŝita en 18 Septembro 2020 de La redakcio

RottweilGaja? Aktiva? Kio estos aparta en tiu Rottweil’a Esperanto-kunveno la 23-25an de oktobro? Tempoj ŝanĝiĝas kaj Esperanto-eventoj kun ili. Ne nur koronviruso, sed ankaŭ la diĝitigo devigas nin al adapto de la metodoj. Komprenu – ho jes: kunprenu viajn maskojn, higieno estos imperativo ankaŭ en Rottweil. Kunprenu ankaŭ vian kreokapablon. Ĉar ni lernos tie unu de la alia, ni havos ne tradicistilan, sed interkomprenan, do aktivan seminarion.
Legi plu →

Vizitoj 136
Afiŝita en Esperantujo | Etikedigita , , , , , | Lasi komenton

Francio: Pri MLA por 55 mil lernejoj

Afiŝita en 17 Septembro 2020 de La redakcio

MLALa 15an de septembro la komisiono “Esperanto en lernejojn de la asocio Espéranto-France sendis al la 55 mil bazlernejoj de Francio retmesaĝon pri la Multlingva Akcelilo (MLA) ĉe Lernu.net https://lernu.net/fr/instruado/lecionoj. Kelkaj lernejestroj jam afable respondis, ke ili deziras partopreni en la metodo. Espereble post kelkaj semajnoj aŭ monatoj junuloj povos krei kontaktojn kun aliaj lernejoj en la lando aŭ eĉ en aliaj landoj!
Legi plu →

Vizitoj 182
Afiŝita en Esperantujo | Etikedigita , , , , , , , , , | Lasi komenton

Svisaj Esperanto-Tagoj okazos malvirtuale

Afiŝita en 16 Septembro 2020 de La redakcio

svisaj

Finfine, post la deviga koronvirusa paŭzo ni denove povas reale renkontiĝi en Svislando. Estas por ni ĝojo inviti vin al la Svisaj Esperanto-Tagoj 2020, kiuj okazos la 17-18an de oktobro 2020 en Zuriko (Centro Karl der Grosse, Kirchgasse 10).
Legi plu →

Vizitoj 119
Afiŝita en Esperantujo | Etikedigita , , , , , | Lasi komenton

Koruso de emeritoj kantis Esperante en Pekina parko

Afiŝita en 15 Septembro 2020 de La redakcio

koruso

Matene de la 5a de septembro, emerita koruso kantis en Esperanto en la parko Binhe de Pekino kun partopreno de pli ol tridek homoj. Ili kantis la himnon La Espero kaj la kanzonon Mia lando kaj mi en Esperanto kaj ekzerciĝis en Esperanta parolado.
Legi plu →

Vizitoj 129
Afiŝita en Esperantujo | Etikedigita , , , , , , , | Lasi komenton

Luis Obando kaj Jahir Cataño: Indiĝena Romanco

Afiŝita en 14 Septembro 2020 de La redakcio

indiĝena romanco

Luis Obando kaj Jahir Cataño (Kolombio) gajnis la unuan lokon en la oka Eŭropa Festivalo de Esperantaj Kantoj, kiu okazis en 2020 kadre de la Monda Festivalo de Esperanto (MondaFest’ 2020), per la kanto Indiĝena Romanco en la kategorio “Aĝo 19-54 koruso/ensemblo”. La prezento de la premiitoj de la oka Eŭropa Festivalo de Esperantaj Kantoj okazis la 12an de septembro ĉe http://ecem.com.pl/.
Legi plu →

Vizitoj 190
Afiŝita en Kulturo | Etikedigita , , , , , , , , | Lasi komenton

UEA fariĝis ĉefa partnero de KAEST 2020

Afiŝita en 13 Septembro 2020 de La redakcio

KAESTLa Konferenco pri Aplikoj de Esperanto en Scienco kaj Tekniko (KAEST) estas la plej grava memstara evento pri la uzo de Esperanto por sciencaj kaj fakaj celoj. La unua KAEST (sub la nomo AEST) okazis en 1978, organizita de ĉeĥaj esperantistoj. Ekde 2010 ĝin organizas E@I.
Legi plu →

Vizitoj 117
Afiŝita en Esperantujo | Etikedigita , , , , , , | Lasi komenton

Andreo Cseh naskiĝis antaŭ 125 jaroj

Afiŝita en 12 Septembro 2020 de La redakcio

CsehAntaŭ 125 jaroj, la 12an de septembro 1895 naskiĝis Andreas Gregorius Joannes Cseh (prononcu: Ĉe, 1895-1911-1979), rumania, poste nederlanda romkatolika pastro kaj religia instruisto, kaj esperantisto, konata en Esperanto kiel Andreo Cseh kaj Andreo Ĉe – la plej fama Esperanto-instruisto inventinta sian rektan metodon por instrui Esperanton; sekretario de Internacia Centra Komitato de la Esperanto-Movado (1924-29), kunfondinto de Universala Ligo (1942), fondinto kaj redaktoro de La Praktiko (1932-63, kun milita paŭzo), vicprezidanto de la Akademio de Esperanto (1951-63); honora membro de UEA (1933).
Legi plu →

Vizitoj 161
Afiŝita en Aleksander Korĵenkov, Historio de Esperanto | Etikedigita , , , , , , , | Lasi komenton

Premio Grabowski 2020 al Bertilo Wennergren

Afiŝita en 11 Septembro 2020 de La redakcio

Premio GrabowskiLa Fondaĵo Antoni Grabowski (FAG) estis kreita sur la bazo de grandanima donaco de Adam Goralski (1912–2005). Ĝia regularo estis novformulita en 2017. La fondaĵo, portanta la nomon de “la patro de la Esperanta poezio” Antoni Grabowski, celas subteni la Esperantan kulturon per premioj kaj subvencioj. La Juĝkomisiono de FAG, kiu de 1984 aljuĝas premiojn ĉiun duan aŭ trian jaron, nun konsistas el Jesper Lykke Jacobsen, István Ertl kaj Mariana Evlogieva. La administradon de la Fondaĵo prizorgas la Centra Oficejo de UEA.
Legi plu →

Vizitoj 197
Afiŝita en Esperantujo | Etikedigita , , , , , | Lasi komenton

KAEST 2020: virtuala Konferenco pri Aplikoj de Esperanto en Scienco kaj Tekniko

Afiŝita en 10 Septembro 2020 de La redakcio

KAEST

KAEST ĉi-jare okazos enrete pere de la interreta platformo “Retevent”, per kiu okazis ankaŭ la Virtuala Kongreso de UEA kaj kelkaj aliaj ĉi-someraj aranĝoj (IJK, SES, VEKI). Ĝi okazos ekde la 1a ĝis la 4a de oktobro 2020.
Legi plu →

Vizitoj 181
Afiŝita en Esperantujo | Etikedigita , , , , , , | Lasi komenton

Interlingvistika simpozio okazos virtuale

Afiŝita en 9 Septembro 2020 de La redakcio

simpozioLa Interlingvistikaj Studoj (Etnolingvistika Instituto, Novfilologia Fakultato, Adam Mickiewicz Universitato en Poznano, Pollando) organizas sian kvinan internacian interlingvistikan simpozion la 17-18an de septembro 2020 en Poznano en virtuala formo. La ĉefa temo estas “Rolo de lingvoj en interkultura komunikado”. Dum la du tagoj okazos 60 fakaj prelegoj en tri paralelaj blokoj. La tri laborlingvoj de la simpozio estas Esperanto, angla kaj la pola.
Legi plu →

Vizitoj 187
Afiŝita en Lingvoj | Etikedigita , , , , , , , , | Lasi komenton

Lasta ŝanco aliĝi kaj spekti la Virtualan Kongreson

Afiŝita en 8 Septembro 2020 de La redakcio

Virtuala KongresoSe vi ne jam spertis la Virtualan Kongreson de Esperanto (VK) aŭ ŝatus (re)spekti programerojn, jen la lasta ŝanco: por ebligi al ĉiuj partopreni tiun unikan virtualan festenon de Esperanto, UEA plilongigis la unikan VK-sperton ĝis la fino de la Monda Festivalo de Esperanto (MondaFest’ 2020), la 20an de septembro.
Legi plu →

Vizitoj 140
Afiŝita en Esperantujo | Etikedigita , , , , , , | Lasi komenton

250 tagoj de ĉiutaga informado en nia retejo

Afiŝita en 7 Septembro 2020 de La redakcio

250 tagojHieraŭ, la 6an de septembro en nia novaĵretejo aperis komuniko pri la Belartaj Konkursoj de UEA. Tio signifas, ke en nia retejo ekde la 1a de januaro dum 250 sinsekvaj tagoj ĉiutage aperas almenaŭ unu nova teksto. Ĉi tiu retejo estis lanĉita la 2an de septembro 2010 kiel La Balta Ondo. Ekde tiam (sen kalkuli ĉi tiun tekston) en ĝi aperis 2 mil 285 tekstoj, averaĝe kvar aŭ kvin tekstoj ĉiusemajne. Ilin akompanis 3 mil 447 bild(et)oj.
Legi plu →

Vizitoj 223
Afiŝita en Aleksander Korĵenkov, Esperantujo, Halina Gorecka | Etikedigita , , , , | Lasi komenton

Rezultoj de la Belartaj Konkursoj de UEA en 2020

Afiŝita en 6 Septembro 2020 de La redakcio

Belartaj

Dimanĉe la 6an de julio, kadre de la Monda Festivalo de Esperanto (MondaFest’ 2020), en bunta kaj elstare kunmetita virtuala festo-ceremonio, la Komisiono pri Belartaj Konkursoj de UEA diskonigis la rezultojn ĉijarajn. Miguel Gutiérrez Adúriz, Sekretario de la Belartaj Konkursoj bonvenigis la spektantojn kaj anoncis, ke la konkurson partoprenis 151 verkoj el Afriko, Azio, Eŭropo kaj Ameriko. La prezidanto de la Belartaj Konkurso, Miguel Fernández en malferma parolado anoncis la baldaŭan aperon de Antologio de Mikronoveloj partoprenintaj en la Belartaj Konkursoj, kiuj fariĝas 70-jaraj en 2020. Omaĝe al ĵus forpasinta poetino Júlia Sigmond li deklamis ŝian poemon Doloro. La tutan ceremonion eblas re-spekti en la kanalo de UEA en Jutubo, UEAviva: https://youtu.be/t8l1nRyo6a8La diversajn premiojn disdonitajn anoncis laŭvice membroj de la diversaj juĝantaj triopoj. Jen la tuto el la premioj:
Legi plu →

Vizitoj 214
Afiŝita en Esperanto-Kulturo | Etikedigita , , , , , | Lasi komenton

“La pesto” de Camus baldaŭ en nia lingvo

Afiŝita en 5 Septembro 2020 de La redakcio

pestoEn la jaro de la pandemio oni sentis la mankon de ĉefverko de la franca literaturo: La pesto (1947) de la Nobel-laŭreato Albert Camus. Tion relegis kaj decidis esperantigi Marie-France Conde Rey. “La stimulon donis precipe la tradukarta kurso de Kultura Centro Esperantista. Lastfoje c-ino Perla Martinelli instigis la partoprenantojn en tiu valora kaj bonetosa aranĝo traduki ion tuj post la reveno hejmen. Mi obeis, kaj elektis la romanon de Camus”.
Legi plu →

Vizitoj 254
Afiŝita en Esperanto-Kulturo | Etikedigita , , , , , , | Lasi komenton