Syrien

Amtssproch	Arabisch
Haptstod	Damaskus
Stootsform	Presidiale Voiksrepublik
Stootsobahapt	President Baschar al-Assad
Regiarungschef	Wael Nader al-Halqi
Flächn	185.180 km²
Eihwohne	20.102.361 (Juli 2006)
Dichtn	108,6 Einwohner pro km²
Bruttoinlandsprodukt nominal (2009)	52.524 Mio. US$ (69.)
Brutto­inlands­produkt pro Eihwohna	2.579 US$ (112.)
Index vo da menschlichn Entwicklung	0,742 (107.)
Währung	Syrische Lira
Unabhängigkeit	17. Aprui 1946
Nationaihymne	Humat ad-Diyar
Zeidzone	UTC+2 / UTC+3 (uma Aprui-Oktoba)
Kfz-Kennzoachn	SYR
Internet-TLD	.sy
Telefonvoawoi	+963

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Syrien is a Stoot in Asien und grenzt an Israel, Jordanien, Libanon, Türkei und Irak.

Gschicht

De remische Provinz Syria is 63 v. Kr. grindt wor und is recht reich und wichti gwen. Noch da Islamisiarung anno 634 hod de Heaschoft iwa des Gebiet efta gwexlt. Anno 1930 is de Syrische Republik zan eascht Moi grindt und 1946 unobhengi worn. Seid am Stootsstreich anno 1963 is Syrien a Oaparteinstoot, dea wo vo da Baath-Partei regiad wead.

Biagakriag

Im Fruahjoar 2011 is noch ana Reih vo Demonstrationa za an Biagakriag kema. Seiddem is as Land de facto zasticklt. Wobei da Großtei vo da Beväikarung und de wichtigstn Städt vo da Syrischn Regiarung vo da Baath-Partei beheascht wead. Da flächnmassi gresste Tei, dea wo ned so vui Leit lem owa an Haffa Ej- und Eadgasquejn liegn, is mehrane Joar vom Islamischn Stoot beheascht worn. Des sognennde Kalifat is owa zua Zeid am zammbrecha. Des liegt voa oim do dro, dass Russland und Iran de Syrische Regiarung militearisch untastitzn und de USA de Kurdn. De Kurdn nehma zua Zeid (2017) de Stod Raqqa eih, de wo land de Haptstod vom IS Kalifat wor. Weidane Gebiet san vo tiaknfreinlichn Dschihadistn besetzt worn, voa oim de Provinz Idlib. En Noadn vo da Provinz Aleppo hod de Tiakei bsetzt (mid da Stod Al Bab), an Haffa Kurdn san vo de Tiakn aus dem Gebiet vatriem worn. Im Sidn vo Syrien gibts no gmassigte islamistische Gruppm, de wo vo da USA untastitzt wean und an Großtei vom Grenzgebiet za Jordanien bsetzt hom.

Religion

De Religion setzt sich zusamm us

• 75 Prozent sunnitische Muslime
• 15 Prozent Kristn
• 6 Prozent Nusairier
• 2 Prozent Drusen
• 1 Prozent schiitische Muslime

Im Netz

 Commons: Syrien – Sammlung vo Buidl, Videos und Audiodateien

 Wikimedia-Atlas: Syrien – geografische und historische Koartn