頭版

粵文維基百科

海納百川有容乃大
人人都寫得嘅自由百科

有 100,347 篇文章

是日正文

統計學係數學嘅一個子領域，專係研究點樣喺各個科學領域嗰度搜集、分析、演繹、同埋呈現數據。喺用統計方法嚟研究啲乜嗰陣，個科學家會（一）先講明咗佢研究緊乜嘢變數；（二）跟手就揾一個特定嘅總體嚟研究；（三）由呢個總體嗰度抽個樣本出嚟；（四）喺個樣本度收集數據，睇吓個樣本入面每一個個體喺啲變數嗰度嘅數值係幾多；（五）用某啲統計分析方法嚟去揾出柞變數之間有乜嘢關係。

例如有個生物學家想研究吓狼嘅獵食行為同佢哋身處地方嘅氣候之間有冇乜嘢啦掕。喺呢份研究入面，（一）佢所研究緊嘅變數就包含咗喺「啲狼嘅獵食行為」同「啲狼身處嘅地方嘅氣候」入面；（二）佢會將成個世界嘅狼擺埋一齊研究；（三）但係世界上噉多隻狼，攞嗮佢哋嚟研究太嘥時間，所以佢就用隨機抽樣－隨機噉由全世界嘅狼嗰度抽一部份嘅出嚟研究；（四）跟住佢就要向個樣本收集數據，用各種嘅方法去量度樣本入面嘅每一隻狼嘅獵食行為（好似係佢每日用咗幾多個鐘頭獵食、食咗幾多公斤嘅嘢食呀噉）同埋佢身處地方嘅氣候（好似係嗰個地區落雨落得有幾密同埋平均氣温等等）；（五）攞完數據之後就用各種嘅統計分析嚟去計吓呢柞變數之間有乜嘢啦掕。同樣嘅做法喺物理科學同社會科學嗰度都會用。

到咗現代，統計學經已係科學研究上走唔甩嘅一個部份，幾乎所有大學科學學科嘅本科課程都會教少少統計學嘅嘢。(成篇文章……)

以前嘅正文：地球 – 物理 – 香港文化

歸檔 – 提名 – 全部72篇正文...

你知唔知...

...有機化合物係產生生命嘅基礎物質？
...TVBuddy（圖）係電視廣播有限公司嘅吉祥物？
...電子遊戲業界有遊戲引擎呢種軟件開發環境嚟方便人製作遊戲？
...平南王尚可喜為咗超度十日屠廣州嘅死難者，而募資擴建咗河南海幢寺，後尾朝廷指定做外商遊覽嘅景點？
...恐怖故仔呢個文學體裁局部屬於推想型故仔？
...響大角咀咁多個選區入面，唯獨櫻桃選區係由建制派勝出？
...孔子個老豆叔梁紇曾經一個人舉起城門，放已經衝咗入城嘅士兵出返嚟？
...紂王、宋微子啟嘅老豆係子羨？

提名 – 歸檔 – 寫新文

是日靚畫

維爾紐斯係立陶宛共和國嘅首都同最大嘅城市。維爾紐斯古城被列為世界文化遺產。

圖片來自：Mastaart
舊圖 - 更多正圖...

時人時事

黎巴嫩首都貝魯特黃昏嘅時候碼頭貨倉發生大爆炸。死傷人數不停咁增加。到而家有七十幾人死亡，同四千幾人受傷。政府話可能係有成差唔多三千噸嘅易燃嘢冇跟安全手則亂咁擺。但係美國總統話有可能係恐怖襲擊。
隸屬香港政府嘅幾位選舉主任宣佈12位參選立法會嘅泛民主派人士提名無效，當中包括四位現任議員楊岳橋、郭家麒、郭榮鏗同埋梁繼昌，仲有另外八位參選人黃之鋒、岑敖暉、袁嘉蔚、梁晃維、鄭達鴻、何桂藍、劉穎匡同埋鄭錦滿。
人大常委兜過香港立法會直接頒佈香港國家安全法。英國首相宣佈中方違反中英聯合聲明。
北韓炸咗開城工業地區嘅兩韓聯絡辦公室，朝鮮半島形勢又惡化。
武漢肺炎大爆發蔓延到全世界，已經有超過800萬人確診，至少43萬人病死。
英國終審法院裁定1970年代北愛爾蘭政府違法禁錮新芬黨領袖傑利亞當斯（圖），並撤銷亞當斯嘅越獄案底。
面書新成立嘅全球獨立監督委員會（The Oversight Board），負責獨立處理 FB 同 Instagram 有拗撬嘅內容。
以色列議會修訂以色列基本法入面有關內閣組成嘅條文，批准內塔尼亞胡同班尼甘茲所帶領嘅兩個黨團組成權力共享政府。

維基新聞^{（英｜中）} – 訃聞 – 更多時人時事…

是日好文

日本地理：日本係東亞島國，由四個大島同埋6852個島仔組成，2005年佢全部面積有成37萬7915 km²。四大島由北到南分別係北海道、本州、四國同埋九州，呢幾個地域叫做「日本本土」而唔會另喺後面加個「島」字。四大島之中，本州最大份，比其他三個大島加埋重要多。

歸檔 – 提名 – 全部正文 – 全部好文...

當年今日

8月19號：阿富汗獨立日

1991年：蘇聯發生八月政變，副總統亞納耶夫（圖）宣佈成立「緊急狀態委員會」接管國家權力，並軟禁總統戈巴卓夫，揭開蘇聯解體序幕。
1994年：中國中央國家機關首次招考公務員。
2003年：聯合國駐伊拉克辦事處受汽車炸彈襲擊，22死百幾人傷。
2005年：馬英九喺7月16號嘅2005年中國國民黨主席選舉贏出後，爾日接任中國國民黨主席。
2017年：一個低壓區喺硫磺島西南面海域形成。爾個低壓區後尾發展成超強颱風天鴿，喺珠江三角洲一帶造成災難性破壞。

上幾日：8月18號 – 8月17號 – 8月16號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.