Televiziono
Televiziono esas la komuniko di movanta imaji inter distanta loki per filo- o radio-difuzi. En televizion-difuzo, centrale preparita programi difuzesas a multa individua recevili, ma klozita sistemi es kreskante importanta. Ofte son-signalo transmisesas kun imaj-informo.
Generale, televizion-kamero uzesas por formacar imajo dil ceno transmisenda e konvertar ol aden elektronikala signali. Ici es ampligata e transmisata, sive direte per filo (klozita-cirkuito) o kom radio-ondi, a recevilo ube la ceno es rikonstruktata kom imajo sur la skreno di tubo katod-radiala.
Nam esas neposibla transmisar tota imajo samtempe, l'imajo formacita dal kamero skanesas kom serio de 525 horizontala linei. La spektero vidas l'imajo kom toto pro l'efekto di persistana vido.
En kolor-televizono la lumo enirante la kamero analizesas aden reda, blua e verda kompozanti, la tri primara kolori di lumo. En la kolor-recevilo ca informo uzesas por direktar tri elektron-radii, qui ecitas la mozaiko de reda, blua e verda fosfor-punti qui riproduktas la kolor-imajo.
L'unesma praktikala televizion-sistemo demonstresis en London en 1926 da John Logie Baird.
Analogika televiziono-sistemi dil mondo[redaktar | redaktar fonto]
- Nord- e Sud-Amerika, Japonia uzas NTSC (525 linei, 30 imaji/sek)
- Francia, Aljeria, Rusia, Hungaria uzas SECAM (625 linei, 25 imaji/sek)
- Cetera Europa, Afrika, Australia uzas PAL (625 linei, 25 imaji/sek)
Nombrala (?) sistemi di televiziono dil mondo[redaktar | redaktar fonto]
En fino di la yari 1980ma on komencis developar nombrala sistemi di televiziono. Ta sistemi permisas transmitar imaji kun granda qualeso sen subisar interferi de elektrala equipadi e de atmosferala descharji. Nune existas quar sistemi di nombrala transmiso:
- DVB-T - Kreita ed uzata en Europa (inkluzite Rusia) ed en parto di Afrika, India, Australia, Kolumbia, edc.
- ATSC - Kreita en Usa ed uzata en Kanada, Mexikia, Sud-Korea, parto di Central Amerika ed kelka landi en Pacifiko.
- ISDB-T - Kreita en Japonia, perfektigita en Brazilia ed adoptita en granda parto di Sud-Amerika e Filipini.
- DTMB - Kreita e developita en Populala Republiko di Chinia.
Televiziono-kanali en mondo[redaktar | redaktar fonto]
- Al-Jazira, Katar.
- BBC (British Broadcasting Corporation), Unionita Rejio.
- CBC (Canadian Broadcasting Corporation)/Radio-Canada, Kanada.
- DR (Danmarks Radio), Dania.
- DW (Deutsche Welle), Germania.
- TV5, Francia
- NRK, (Norsk Rikskringkasting), Norvegia.
- ORF, (Österreichischer Rundfunk), Austria
- RAI, Italia.
- SVT (Sveriges Television), Suedia.
- YLE (Yleisradio), Finlando.