Pontevedra WordCamp rematou, dous días de formación e comunidade, noraboa a organización, patrocinadores e voluntarios. Aproveitando a Mesa de Traducións do Contributor Day, da primeira WordCamp de Galicia, fixemos a primeira reunión de tradución de WordPress o galego, Que mellor momento que este!!
O rematar fixemos foto de grupo, non estamos todos, alguns tiveron que sair un pouco antes. (Prometemos tentar facela antes, na próxima reunión)
Primeira reunión do equipo de tradución WordPress Galicia. Únete a nos.
Nesta primeira reunion,asistiron:Carlos Macías, Carlos Longarela, Daniel Ledo, Lhosca Arias, Manuel Lois, María Fosado, María Sierra, Antón Méixome, María Saez, Óscar Aguado, Óscar Abad, Antonio Sangiao, Pilar Mera e eu mesmo, que xa me olvidaba, (Víctor Quesada).
Agradecer a organización do WordCamp Pontevedra a sua colaboración e a todos os que se acercaron a mesa para contribuir de forma totalmente voluntaria para garantir que esta plataforma e o maior número dos seus plugins e temas esté dispoñible para todos en galego.
Coa tua axuda, aspiramos a crear un equipo ainda maior, para axudar a crecer e mellorar, a biblioteca de recursos en galego para WordPress.
Como coordinador xeral da tradución o galego, agradecer a todos, a participación, enerxía e entusiasmo amosados, e invitarvos a manternos en contacto para continuar avanzando nesta labor.
Algunha vez viches un plugin en inglés ou español, e gustaríache telo en galego?
Se queres contactar con alguén da comunidade e participar activamente na tradución ao galego? ou avisar dalgunha tradución? Únete ao noso Slackseguindo estas indicacions, ou usa o noso formulario de contacto. E empezarás a formar parte do presente e futuro de WordPress.
A comunidade de WordPress en España usa Slack para toda a comunicación interna. Grazas a esta ferramenta, os equipos de Traducións, Core, Meetups ou WordCamps pódense coordinar dunha maneira áxil e colaborativa. Aproveitando a súa experiencia e xenerosidade , durante a WordCamp Pontevedra ( A primeira #WordCamp en Galicia!) creamos unha canle para coordinar a tradución ao galego de WordPress.
O acceso é libre e de balde; para iso seguiremos os seguintes pasos (tal e como nos explican en WordPress España):
Ter unha conta nos foros de soporte de WordPress.org. Se non a tes pódela rexistrar aquí.
Ao ter unha conta de WordPress.org, automáticamente teras un enderezo electrónico do estilo usuario@chat.wordpress.org no teu perfil.
Rexistra a conta en Slack a través desta ligazón introducindo o teu nome de usuario de WordPress.org.
Lembra: O SLACK NON É PARA SOPORTE, todo o relacionado con soporte realízase nos foros da comunidade (en español, polo momento non temos soporte en galego)
Esta actualización de seguridade e mantemento contén 17 correccións a fallos ademais de 7 correccións de seguridade. Ao ser unha actualización de seguridade é recomendable que actualices os teus sitios de inmediato.
Podes descargar WordPress 5.4.1 desde gl.WordPress.org, ou visitar o teu Escritorio → Actualizacións e facer clic en Actualizar agora.
Se tes sitios compatibles con actualizacións automáticas en segundo plano xa empezou o proceso de actualización.
Benvido a WordPress 5.4 Cada versión maior engade máis cousas ao editor de bloques.
Máis formas de facer que as entradas e páxinas cobren vida coas túas mellores imaxes. Máis formas de atraer aos visitantes e de mantelos implicados coa diversidade de medios incrustados desde os principais servizos web.
Máis formas de facer real a túa visión e de poñer bloques no lugar perfecto – mesmo se un tipo de bloque en particular é novo para ti. Procesos máis eficaces.
E máis velocidade en todas partes, para que, mentres creas seccións ou galerías ou simplemente escribes unha liña de prosa, poidas sentir como o teu traballo é máis rápido.
Dous novos bloques. E mellores bloques en xeral Dous bloques totalmente novos: O bloque de ligazóns sociais e o de botóns fan que engadir características interactivas sexa rápido e fácil. Novas posibilidades coa cor: Gradientes no bloque de botóns e fondo, acceso á barra de ferramentas para as opcións de cor nos bloques de texto enriquecido e, por primeira vez, opcións de cor nos bloques de grupo e columnas. Imaxina que moito menos! A versión 5.4 axiliza todo o proceso de colocación e substitución de medios en cada bloque. Agora funciona da mesma maneira en case todos os bloques! E se algunha vez pensaches que a túa imaxe do bloque de medios e texto debería enlazar a algunha outra cousa – quizá unha imaxe dun folleto que debería descargar ese folleto como documento? Ben, pois agora podes facelo.
Interface máis clara, navegación máis clara – e tabulado máis sinxelo!
Navegación polos bloques máis clara con faragullas de pan de bloques. Unha selección máis sinxela unha vez esteas aí.
Para cando necesites navegar co teclado, tes un mellor tabulado e enfoque. Ademais, podes tabular á barra lateral de practicamente calquera bloque.
Velocidade! Un 14 % máis rápido en cargar o editor, un 51 % máis rápido no tempo de tecleo!
As suxerencias desapareceron. No seu lugar, unha xanela coa guía de benvida pode levarche onde necesites —e só cando o necesites— unha e outra vez.
Descobre a primeira ollada se estás no modo de edición ou de navegación de bloques. Ou, se tes unha visión restrinxida, o teu lector en pantalla dirache en que modo estás.
O teu dereito fundamental: privacidade WordPress 5.4 axuda cunha gran variedade de problemas de privacidade de todo o mundo. Deste xeito, cando os usuarios e colaboradores pregunten sobre o cumprimento da normativa ou sobre como xestiona o teu equipo os datos dos usuarios, as respostas deberían ser moito máis fáciles de obter.
Bota unha ollada:
Agora, as exportacións de datos persoais inclúen a información sobre as sesións dos usuarios e os datos de localización dos usuarios do widget de eventos da comunidade. Ademais, unha táboa de contidos!
Mira o progreso a medida que procesas as solicitudes de exportación e borrado a través das ferramentas de privacidade.
Ademais, pequenas melloras en todo dan ás ferramentas de privacidade un aspecto máis limpo. Os teus ollos agradecerancho!
Ponche unha lista de reprodución de Nat Adderley, fai clic nese botón de actualizar (ou descárgaa directamente)
Presentamos a nosa máis refinada experiencia de usuario co mellorado editor de bloques en WordPress 5.3!
A versión 5.3 amplía e refina o editor de bloques introducido en WordPress 5.0 con novos bloques, interaccións máis intuitivas e accesibilidade mellorada. As novas características do editor aumentan a liberdade de deseño, proporcionan opcións adicionais de deseño e variacións de estilo para permitir aos deseñadores o control total sobre o aspecto dun sitio.
Esta versión tamén introduce o tema Twenty Twenty, dando ao usuario máis flexibilidade de deseño e integración co editor de bloques. Crear fermosas páxinas web e deseños avanzados nunca foi tan fácil.
Melloras do editor de bloques
Esta actualización, enfocada en melloras, introduce máis de 150 novas características e melloras de uso, incluíndo compatibilidade mellorada para imaxes de gran tamaño para a carga de imaxes non optimizadas de alta resolución tomadas desde o teu teléfono intelixente ou outras cámaras de alta calidade.
En combinación con tamaños de imaxes por defecto máis grandes, as imaxes sempre ven da mellor forma.
As melloras de accesibilidade inclúen a integración de estilos do editor de bloques na interface de administración.
Estes estilos mellorados corrixen moitos problemas de accesibilidade: contraste de cor nos campos e os botóns dos formularios, consistencia entre a interface do editor e a de administración, novos avisos nos bocadillos, estandarización para o esquema de cor por defecto de WordPress e a introdución de Motion para que a interacción cos teus bloques pareza rápida e natural.
Para as persoas que utilizan un teclado para navegar polo escritorio, o editor de bloques dispón agora dun modo de navegación.
Isto permíteche saltar de bloque en bloque sen ter que tabular a través de cada parte dos controis dos bloques.
Flexibilidade de deseño ampliada
WordPress 5.3 engade ferramentas aínda máis robustas para crear deseños sorprendentes.
O novo bloque de grupo permíteche dividir facilmente a túa páxina en coloridas seccións
O bloque de columnas agora é compatible con anchos de columna fixos
Os novos deseños predefinidos fan que sexa fácil organizar o contido en deseños avanzados
Agora, os bloques de encabezado ofrecen controis para a cor do texto
As opcións de estilo adicionais permítenche establecer o teu estilo preferido para calquera bloque que sexa compatible con esta característica
Presentamos Twenty Twenty
Cando o editor de bloques celebra os seu primeiro aniversario, estamos orgullosos de que Twenty Twenty estea deseñado coa flexibilidade no seu núcleo. Mostra os teus servizos ou produtos cunha combinación de columnas, grupos e bloques de medios. Establece o teu contido nunha aliñación ampla ou de ancho completo para lograr deseños dinámicos e atractivos. Ou deixa que os teus pensamentos sexan a estrela cunha columna de contido centrada!
Como se merece un tema chamado Twenty Twenty, a claridade e a lexibilidade son tamén un gran enfoque. O tema inclúe o tipo de letra Inter, deseñado por Rasmus Andersson. Inter vén nunha versión de fonte variable, a primeira para temas por defecto, que mantén tempos de carga breves ao conter todos os pesos e estilos de Inter en só dous arquivos de fonte.
Melloras para todos
Rotación automática da imaxe
As túas imaxes serán rotadas correctamente unha vez cargadas de acordo cos datos de orientación incrustados. Esta característica foi proposta por primeira vez fai nove anos e foi posible grazas á perseveranza de moitos colaboradores dedicados.
Comprobacións da saúde do sitio
As melloras introducidas na versión 5.3 facilitan aínda máis a identificación de problemas. As recomendacións ampliadas resaltan as áreas que podes ter que diagnosticar no teu sitio desde a pantalla da comprobación de saúde.
Verificación do correo electrónico do administrador
Cando accedas como administrador, pediráseche periodicamente que confirmes que a túa dirección de correo electrónico de administrador está actualizada. Isto reduce a posibilidade de quedarte bloqueado fóra do teu sitio se cambias a túa dirección de correo electrónico.
Para desarrolladores
Correccións do compoñente de hora/data
Agora, os desarrolladores poden traballar con datas e zonas horarias dunha maneira máis fiable. A funcionalidade de data e hora recibiu un número de novas funcións da API para a recuperación unificada de zonas horarias e a interoperabilidade de PHP, así como moitas correccións de fallos.
Compatibilidade con PHP 7.4
WordPress 5.3 ten como obxectivo ser totalmente compatible con PHP 7.4. Esta versión contén múltiples cambios para eliminar funcións obsoletas e asegurar a compatibilidade. WordPress continúa animando a todos os usuarios a executar as últimas e mellores versións de PHP.
Coordinador do tema por defecto: Ian Belanger (@ianbelanger)
Deseñador do tema por defecto: Anders Norén (@anlino)
O equipo reuniuse nun ciclo de doce semanas con 645 xenerosos colaboradores voluntarios (o noso maior grupo de colaboradores ata a data) que corrixiron colectivamente 658 fallos.
Pon unha lista de reprodución de Rahsaan Roland Kirk, fai clic no botón de actualizar (ou descárgaa directamente), e revisa os perfís da boa xente que axudou:
Xa está dispoñible WordPress 5.2.4! Esta actualización de seguridade corrixe 6 problemas de seguridade.
As versións de WordPress 5.2.3 e anteriores están afectadas por estes fallos, que se solucionan na versión 5.2.4. Tamén hai versións actualizadas de WordPress 5.1 e anteriores para calquera usuario que non actualizase á versión 5.2.
Tanto nun caso como noutro tes que acceder ao plugin ou ao tema que queres traducir no listado de temas:
Por exemplo, o plugin «All in One SEO Pack» está traducido a galego ao 61%, polo que é posible colaborar nesta tradución (posiblemente cando leas esta publicación este plugin xa estará traducido ao 100%). Tes que facer clic enriba da súa fila (non no nome). Este enlace lévate á tradución do propio plugin.
Aquí podes traballar en dúas zonas de tradución:
O propio plugin.
O readme, que é a explicación do plugin.
Primeiro tratamos de traducir o plugin e logo o readme.
Ten en conta que sempre tes que traballar no enlace que pon «trunk» e non en «release», porque as traducións de «trunk» cópianse automaticamente a «release», pero non ao revés.
Facendo clic en (1) cárgase a interface web da tradución do plugin.
As principais zonas son:
Filtro avanzado.
Filtro para cadenas non traducidas.
Exportación de ficheiros para traducir en ferramentas externas.
Importación de ficheiros traducidos con ferramentas externas.
Tradución na plataforma web
Facendo clic no enlace (2) da imaxe anterior cárgase o listado das cadeas pendentes de tradución.
Se fas dobre clic sobre a cadea a traducir (1), aparéceche a zona de tradución para esa cadea.
Nesa imaxe tes:
A zona onde tes que introducir a tradución en galego da anterior cadea.
O botón de gardado. A ti aparecerache como «Suggest» porque a túa tradución ten que ser aprobada por un editor.
Traducións que aparecen noutras cadeas semellantes, para que che sirvan de axuda.
Cando teñas unhas cantas cadeas traducidas avisa na canle #tradutores-galego de «Slack WordPress España», pegando o enlace que che aparece no teu navegador cando fas clic no enlace «Waiting».
Un editor encargarase de revisar as traducións, de comentarche as correccións se houbera que facelas e de aprobalas se están ben.
Para iniciarte na tradución ao galego recomendámosche esta primeira forma de traducir. Se vas traducir cadeas de forma continua, probablemente a forma máis cómoda é a dunha ferramenta externa, que che explico no seguinte apartado.
Tradución cunha ferramenta externa
Unha vez que esteas familiarizado coa tradución de cadeas, o mellor que podes facer é usar unha ferramenta externa, como pode ser un programa pensado para a tradución de cadeas (Poedit) ou un editor de texto (Visual Studio Code, Notepad++,…).
O primeiro que tes que facer é descargar o ficheiro con extensión .po (Portable Object), un ficheiro de texto plano onde está toda a información para traducir.
Para descargar o ficheiro .po primeiro tes que asegurarte de que só vas descargar as cadeas que non estean traducidas: «Unstranslated»
A continuación, na parte inferior, tes que seleccionar:
Tes que seleccionar só as cadeas que se corresponden co filtro anteriormente seleccionado («Untranslated»): «only matching the filter»
Tes que seleccionar o formato .po.
E, para descargar o ficheiro, tes que facer clic no enlace «Export».
Agora tes un ficheiro con formato .po.
Tes que traducilo co Poedit ou co editor de texto e logo subilo á plataforma web.
Para subir o ficheiro tes que facer clic no enlace «Import Translations»:
A continuación tes que facer clic no elemento «Seleccionar archivo» e logo no botón «Import».
Agora as cadeas quedarán subidas á plataforma e só terás que avisar na canle #tradutores-galego de «Slack WordPress España», pegando o enlace que che aparece no teu navegador cando fas clic no enlace «Waiting».
Un editor encargarase de revisar as traducións, de comentarche as correccións se houbera que facelas e de aprobalas se están ben.
A versión 5.2 de WordPress, chamada “Jaco” en honor ao renombrado e revolucionario baixista de jazz Jaco Pastorius, está dispoñible para descargar ou actualizar no seu panel de WordPress. As novas funcións desta actualización fan que sexa máis fácil que nunca arranxar o seu sitio se algo vai mal.
Existen ferramentas aínda máis robustas para identificar e corrixir problemas de configuración e erros fatais. Se vostede é un desenvolvedor que axuda a clientes ou que xestiona o seu sitio so, estas ferramentas poden axudar a obter a información correcta cando o necesite.
Se está executando unha versión antiga de PHP (menos de 5.6.20), actualice o seu PHP antes de instalalo WordPress 5.2.
Xa está dispoñible WordPress 5.1.1! Esta actualización de seguridade e mantemento introduce 10 correccións e melloras, incluíndo cambios deseñados para axudar aos servidores para preparar aos usuarios para o salto á versión mínima de PHP que chegará na versión 5.2.
Esta versión tamén inclúe un par de correccións de seguridade que se ocupan de como se filtran os comentarios e logo almacénanse na base de datos. Cun comentario malintencionado, unha entrada de WordPress era vulnerable aos scripts entre sitios.
As versións 5.1 e anteriores de WordPress están afectadas por estes erros, que se corrixiron na versión 5.1.1. As versións actualizadas de WordPress 5.0 e anteriores tamén están dispoñibles para calquera usuario que aínda non actualizase á versión 5.1.
A versión 5.1 de WordPress, denominada « Betty» en honra á aclamada vocalista de jazz Betty Carter xa está dispoñible para descarga ou para que a actualices no teu escritorio de WordPress.
