Haaptsäit

Wikipedia Wëllkomm op der Wikipedia a Lëtzebuerger Sprooch! All Mount kommen e puer Honnert nei Artikele bäi, ablécklech sinn et der 58.450. Geographie Geschicht Gesellschaft Konscht a Kultur Relioun Sport Technik Wëssenschaft All Portaler Artikelen iwwer Lëtzebuerg

Jidderee kann hei matmaachen - och Dir! Hëlleft mat, Artikelen ze schreiwen, ze verbesseren oder auszebauen: Moien un eis nei Mataarbechter - Éischt Schrëtt - Lëtzebuergesch schreiwen? Abléckleche WikiProjet: Nei Schreifweis 2019.

Artikel vun der Woch De Fluchhafe vun Esch-Uelzecht gouf 1937 ugeluecht a war bis 1954 a Betrib. Et war deen éischten offizielle Fluchhafen zu Lëtzebuerg. 1928 hat de Lëtzebuerger Fluchpionéier Lou Hemmer erkannt, datt sech déi grouss Wiss un der nërdlecher Stadgrenz vun Esch-Uelzecht, um Flouer Lankhëlz, do wou haut de Quartier Cinquantenaire ass, gutt fir Fluchzwecker géif eegnen. 1929 koum et dunn zur Grënnung vum Veräin Escher Aéro-Club (ACE). Den 12. Mee 1929 gouf do vun deem Veräin a Presenz vun Dausende vu Virwëtzegen en éischte Fluchmeeting ofgehalen. Vun do un huet en all Joer sou ee Meeting organiséiert, bis en, no zwéi déidlechen Accidenter 1935, seng Aktivitéiten opgehalen huet. 1936 gouf en neie Veräin Aéro-Club du Bassin Minier (ACBM) gegrënnt, deen um Ausbau vum Escher Fluchfeld matgehollef huet. Et gouf och eng Fluchhafegesellschaft gegrënnt, d'Société anonyme pour l'aménagement et l'exploitation de l'aérodrome d'Esch-sur-Alzette. Dat primitiivt Fluchfeld gouf zu engem Fluchhafen ausgebaut an eng Fluchhal vu 24 x 14 Meter opgeriicht... > méi Aner Artikele vun der Woch Wousst Dir schonn datt... ... de Milbekéis eng Spezialitéit aus Sachsen-Anhalt ass, deen duerch d'Exkrementer vun e puer Millioune Milben, déi drop sëtzen, zeideg gëtt, a sou säin typesche Goût kritt? … den Edouard Luja (1875-1953), e lëtzebuergesche Biolog, Fuerscher an Entdeckungsreesender, eng 130 bis dohin onbekannt Planzen- an Déierenaarten entdeckt huet, wouvun der eng Partie säin Numm kruten, z. B. d'Acacia Lujaei oder d'Eulophia Lujaeana? … de Ciné Kursaal vu Rëmeleng, och nach den Ale Kino genannt, deen eelste Kino zu Lëtzebuerg ass, deen nach haut a Betrib ass? ... d'Amerikanesch Joffereninsele bis 1917 zu Dänemark gehéiert hunn, déi se du fir 25 Milliounen Dollar un d'USA verkaaft hunn? ... am Schlass Bierg, der groussherzoglecher Residenz, tëscht 1941-1944 vum däitschen Occupant eng sougenannt Nationalpolitische Erziehungsanstalt ageriicht gi war? Archiv

Op engem 16. Juni Net den Datum vun haut? Klickt hei fir Äre Cache eidel ze maachen oder mellt Iech un! 1607: Den Abbé vun den Abteien Neimënster an Iechternach Jean Bertels stierft. 1684: D'franséisch Truppe vum Louis XIV. huelen ënner dem Vauban d'Stad Lëtzebuerg an. 1829: De Apachen-Häuptling Geronimo kënnt op d'Welt.. 1870: De lëtzebuergesche Moler Jean-Pierre Huberty kënnt op d'Welt. 1890: Gebuert vum englesche Komiker a Filmschauspiller Stan Laurel (Den Décken an den Dënnen). 1892: Doud vum lëtzebuergesch-belsche Jurist, Industriellen, Journalist a Politiker Victor Tesch. 1958: Den ungaresche Politiker Imre Nagy stierft. 1976: Zu Soweto a Südafrika gi bei enger Manifestatioun vu Schüler a Studenten 566 Kanner a jonk Leit vun der Police an Arméi doutgemaach. Méi iwwer: ... de 16. Juni • ...soss en Dag • 2020 Archiv Kierzlech Verstuerwener 08. Juni: Marion Hänsel, belsch Filmregisseurin; Pierre Nkurunziza, Politiker aus Burundi. 04. Juni: Jean Link, lëtzebuergesche Geschäftsmann a Fechter. 02. Juni: Werner Böhm, däitsche Sänger. 31. Mee: Christo, bulgaresch-amerikanesche Kënschtler; Jean-Pierre Kraemer, lëtzebuergeschen Enseignant a Schrëftsteller. > Éischter am Joer - änneren E Bléck op... … d'Stadhausplaz (Raekoja plats) zu Tallinn, an Estland. Archiv

Aner Wikimediaprojeten  Meta-Wiki – Koordinatioun     Commons – Medien     Wiktionnaire – Dictionnaire     Wikibooks – Wierker     Wikiquote – Zitater     Wikiversity – Léierplattform     Wikisource – Quellen     Wikinews – Noriichten    Wikidata – Wëssensdatebank     Wikivoyage – Reeseguide     MediaWiki – MediaWiki-Software     Wikispecies – Datebank fir all d'Liewewiesen