Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Maandag, 1 Junie 2020 Hier is tans 91 434 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Walliese nasionale rugbyspan verteenwoordig Wallis in internasionale rugby. Rugby word in Wallis deur die Walliese Rugbyunie geadministreer. Die Walliese rugbyspan is tans (31 Mei 2020) sesde op Wêreldrugby se wêreldranglys gelys. Die span neem deel aan die vierjaarlikse Rugbywêreldbeker en die jaarlikse Sesnasies-toernooi, saam met Engeland, Frankryk, Ierland, Italië en Skotland. Wallis is ook een van die lande wat deel uitmaak van die Britse en Ierse Leeus – spelers wat vir Wallis mag speel mag dus ook gekies word vir die Leeus. Wallis is een van die min lande waar rugby die hoofsport is. Slegs die Cookeilande, Fidji, Nieu-Seeland, Samoa en Tonga kan soortgelyke bewerings maak.

Walliese rugby dateer terug na 1881 toe Wallis deur Engeland in hulle eerste internasionale rugbywedstryd geklop is. Sedert die voorganger van die Vyf- en Sesnasiestoernooi, die Tuisnasies, in 1883 begin is het die span 27 keer gewen en het nog twaalf ander kere die titel gedeel. Sedert Italië in 2000 by die kompetisie aangesluit het om die Sesnasies te vorm kon Wallis vyf titels verower, die laaste in 2019. Sedert die Rugbywêreldbeker in 1987 ingevoer is, het Wallis aan al nege toernooie deelgeneem. Wallis se beste uitslag is in 1987 behaal toe die span die uitspeelwedstryd om die derde plek teen die Wallabies gewen het.

Die beheerliggaam Wêreldrugby beskou Wallis as ’n vlak-een rugbynasie. Verskeie Walliese spelers van die 1970’s word gereken as van die beste in die geskiedenis van die spel. Alhoewel verskeie swak vertonings in die laat 1980’s en 1990’s die span se reputasie baie skade berokken het, het ’n herstel in die 2000’s en Sesnasies Grand Slams in 2005, 2008, 2012 en 2019 daartoe bygedra om die situasie om te keer. As gevolg van die sukses het Wallis die eerste Europese span ooit geword om ’n Grand Slam met meer weg- as tuiswedstryde te verower.

Walliese spelers dra tradisioneel rooi truie, wit broeke en rooi sokkies. Die span se tuisstadion is Millennium in Cardiff waar hulle vir die eerste keer in 1999 gespeel het. 19 voormalige Walliese rugbyspelers is in Wêreldrugby se Heldesaal opgeneem.

...lees verder

In die nuus

President Ramaphosa kondig aan dat Suid-Afrika se algehele staat van inperking weens die koronaviruspandemie, na vlak 3 verlaag word vanaf 1 Junie, sodat normale ekonomiese aktiwiteit dringend hervat kan word. Skoolbywoning vir grade 7 en 12 sal ook op 1 Junie heropen. Enkele spanne wat "niekontaksporte" soos krieket beoefen mag ook weer oefen.
SpaceX, gestig deur die Suid-Afrikaner Elon Musk, se Crew Dragon en Falcon 9 maak hul eerste bemande lansering vir Nasa, met beide Doug Hurley en Bob Behnken aan boord.
Na die dood van die Afro-Amerikaner George Floyd tydens sy inhegtenisneming eis gewelddadige onluste dwarsdeur die Verenigde State sewe menselewens.
Costa Rica word die eerste Sentraal-Amerikaanse land wat selfdegeslaghuwelike wettig.
Die Afrikaanse skrywer en kunstenaar Stella Branca sterf op 89 in Saratoga Springs, Utah.

Het u geweet...

... dat Ellen Johnson-Sirleaf die eerste vroulike president van 'n Afrika-land is? Sy is as president van Liberië ingehuldig op 16 Januarie 2006. Op 9 November 2011 is sy vir 'n tweede ampstermyn gekies.

... dat die "Kop"-paviljoen by Liverpool se Anfield-stadion vernoem is in eerbied van die Slag van Spioenkop? 300 Britse soldate het in die slag gesneuwel en 1 653 is gewond. Teenwoordig is dit die gewoonte in Engels om na enige steil paviljoen as 'n "kop" te verwys.

Vandag in die geskiedenis

1 Junie:

1773 – Wolraad Woltemade red 14 mense op die gestrande De Jonge Thomas deur sewe keer met sy perd in die stormsee na die skip te swem, maar betaal met sy lewe tydens sy agste poging.
1975 – Rhodesiese onlustepolisie skiet 11 swart betogers en wond 15 ander buite Salisbury.
1979 – Negentig jaar van wit minderheidsregering eindig in Rhodesië, wat voortaan as Zimbabwe bekend sou staan.
2001 – Nepalese koninklike familie word afgemaai deur die troonopvolger voor hy homself skiet.
2002 – Die Suid-Afrikaanse krieketspeler Hansie Cronjé sterf in 'n vliegtuigongeluk.

Voorbladbeeld

Ruimtevaarder Eileen Collins, missiebevelvoerder, werk deur 'n prosedure-nagaanlys
op die voorste vlugdek van die Amerikaanse ruimtependeltuig Columbia, 24 Julie 1999.