Wikisource

Wikisource
URL	http://www.wikisource.org/
Comerçałe?	No
Tipo di sito	Biblioteca dixitałe
Rejistrasion	Opsionałe
Proprietario	Wikimedia Foundation
Creà da	Jimmy Wales, Larry Sanger
Lanso	2003
Stato corente	In continuasion
Pajine ofiçali:
Descarga:

Wikisource ła xè na biblioteca dixitałe multilèngue, che ła gà dentro un mucio de testi e libri inte'l publico dominio o có license libare. El sito xè parte de ła fondasione Wikimedia e xè colaterałe a Wikipedia, projeto multilèngue texo a crear un'ensiclopedia a contenùo libaro conpleta ed acurada. El projeto Wikisource, cofà Wikipedia, se sudivide par lèngua e nò par nasionałidà.

Wikisource ospita monografie, documenti, testi de ogni tipołoxia ed epoca: da łe racolte de poexia a łe mariegołe, dai soneti a łe comedie.

Ła versione venèta, nata inte'l Otobre 2010, conta a uncò oltre 2080 testi.

Colesioni

Wikisource racoglie e archivia in formato dixitałe testi zà publicai, tra cui romansi, opare de sagistega, letare, discorsi, documenti storisi e costitusionałi, lexi e altri documenti. Tuti i testi racolti i xè inte'l publico dominio (par cui i xè scadùi i presedenti diriti d'autor) o rilasiai secondo ła licensa CC-BY-SA, ła stesa licensa utiłixà in Wikipedia. I xè acetài testi in tute łe łèngue (cussì come łe tradusion), ognuno inte'l so propio projeto linguistego.

Łe orixini

El logo orixinałe de Wikisource

Ciamà inisialmènte Project Sourceberg (paroła conposta da Source, in inglexe "fonte" e de ła seconda parte del nome del Projeto Gutenberg, projeto capostipite de tute łe biblioteche libare online), el sito xè stà ufisialmente ribatexà Wikisource el 6 de dixenbre 2003. Al primo nome rimane asocià l'imaxine del logo del projeto: iceberg xè paroła asonante có sourceberg.

El projeto, tacà come ramificasion de Wikipedia, (che esendo un'ensiclopedia nò ła podeva acogliare i vari documenti, fonti e testi che ła comunidà ła jera drio 'cumulare), xè stà lansà el 24 novenbre 2003 có l'URL tenporanea http://sources.wikipedia.org e spostà in seguito sol novo nome de dominio: http://wikisource.org.

Prima ancora, i testi orixinałi i vengneva mesi so ps.wikipedia.org, che pur esendo eroneamènte interpretà come Project Sourceberg, in realtà costituiva un soto-dominio pà ła Wikipedia inte ła łèngua Pashto. Tuti i testi che i xerà stai inserìi lì, i xè stai spostài al novo sito ufisałe in ocaxion de ła so apertura.

Inte'l xiro de do setimane dall'avio del projeto, łe xè stae creàe pì de 1000 pajine, de cui sirca 200 veri e propi articołi. All'inisio del 2004, el sito 'l gavèva 100 utenti rejistrai. All'inisio del lujio 2004 gli articołi i xera oltre 2400, có pì de 500 utenti rejistrai.

A seguito de votasion terminà el 12 magio 2005 i xè stai adotai dei sotodomini par ciascuna łèngua, permetendo ai testi de esare ospitài in apoxiti wiki. Ła separasion fu conpletà inte'l giugno del 2005. Ogni Wikisource in łèngua gà scominsià sucesivamente ad adotare modałità de gestion regołae da ła comunidà.

Dal 2007, grasie ad un'estensione del softuér MediaWiki (Proofread extension), i projeti Wikisource i gà tacà a poder vixuałixar ogni pajina de un libro a fianco de ła so scansion (oportunamènte cargà so Commons). Có sta modałità infati se garantise majior afidabiłità a ła trascrision del testo, potendo senpre confrontarla có l'orixinałe.

Avansamento del projeto

Queste statistighe łe raprexenta l'avansamento de łe varie Wikisource in łèngua. Łe statistighe azornàe sul projeto in venèto łe xè consultabiłi qui

Ła seguente tabeła (azornà al 2 de giugno 2011), xè consultabiłe anca qui.

№	Łèngua	Łèngua (locałe)	Wiki	Voxi	Totałe	Canbiamenti	Admins	Utenti	Utenti ativi	Imaxini	Azornà el
1	Inglexe	English	en	205969	977178	2938236	41	287931	324	1849	2011-06-02 03:15:02
2	Ruso	Русский	ru	128222	171594	545592	8	21547	107	576	2011-06-02 03:15:18
3	Cinexe	中文	zh	102824	135266	272826	4	20868	54	403	2011-06-02 03:15:04
4	Portoghexe	Português	pt	87463	124036	233069	3	7036	33	19	2011-06-02 03:15:17
5	Fransexe	Français	fr	60602	875591	2510530	18	20396	167	7488	2011-06-02 03:15:03
6	Todèsco	Deutsch	de	59172	244601	1615350	30	15540	139	3517	2011-06-02 03:15:02
7	Itałian	Italiano	it	50109	217081	1762028	14	9679	94	1345	2011-06-02 03:15:12
8	Spagnoło	Español	es	47960	99482	479812	10	18315	58	1024	2011-06-02 03:15:03
9	Ebraico	עברית	he	31779	235951	463791	13	4304	36	301	2011-06-02 03:15:08
10	Arabo	العربية	ar	20387	40302	122152	6	7274	18	2616	2011-06-02 03:15:05

Maxori e detagliàe informasion puto catàr inte ła pajina de łe statistighe de ła Wikisource venèta.

Altri progetti

WikisourceCommons

• Su Wikisource ghe xé laori originałi de o su Wikisource
• So Commons ghe xe dei file multimediałi so Wikisource

Łigadure foreste

• Portałe ufisałe multiłèngue de Wikisource
• Sito ufisałe de Wikisource in venèto
• Texi de laurea su Wikisource