頭版

粵文維基百科

海納百川有容乃大
人人都寫得嘅自由百科

有 84,586 篇文章

是日正文

地球係太陽系入面嘅一粒行星。佢距離太陽 1.5 億公里遠，係太陽系嘅行星入面第三近太陽嘅－排正喺水星同金星之後。佢嘅質量係 5.97 × 10²⁴ 公斤左右，而半徑就大約係 6371 公里，密度有成每立方厘米 5.514 克。如果齋由大細嚟睇，佢喺太陽系嘅行星入面排第五，係太陽系嘅類地行星（Terrestrial planet；指主要由石頭構成嘅行星）入面最大粒嘅；同時佢係太陽系入面最密嘅行星。同其他行星一樣，地球曉自轉同公轉：佢大約每廿四個鐘頭會自轉一個圈（為止一日），每 365.26 日會圍住太陽公轉兜一個圈（為止一個太陽年）。佢嘅自轉產生咗晝夜，而公轉就產生咗一年嘅四季。同時，地球有粒自然衛星－月球－圍住佢轉。

地球嘅表面有成 71% 嘅面積俾水𢫏住－呢啲面積包括咗海、河、同埋湖呀噉，而淨低嘅就係由陸地板塊組成嘅各個大陸同埋島。除咗噉，兩極地區大部份地方長年俾冰覆蓋。再入少少，地球嘅內部分做外地核同內地核兩層，前者由熔化咗嘅金屬組成，而後者由固體嘅金屬組成。而喺地球嘅最外層，佢俾一浸氣體包住－即係所謂嘅大氣層。大氣層嘅主要成分係氮同氧呢兩種元素。地球係目前成個宇宙入面已知嘅行星當中唯一一個有生命存在嘅，而且佢仲係智人嘅屋企。佢喺大約 45 億 4 千萬年前形成，而月球就係喺嗰時嘅 1 千萬年之後開始圍住佢轉嘅。

地球形成咗 10 億年之後左右先至開始有生命，而隨住生物嘅進化，佢今日已經有住各種各樣嘅生物，好似各種嘅動物同植物－即係有生物多樣性。根據對化石同基因嘅研究，現代嘅人類喺大概 500 萬至 700 萬年之前出現，而且同現代嘅黑猩猩係近親。到咗廿一世紀頭，地球上大約有 74 億嘅人口。聯合國仲估話會愈嚟愈多。人類有得分做黃種人、白人、同埋黑人等多個人種，而呢柞人種入面又有啲亞種－例如係黃種人，就有得分做漢族同大和族等，而漢族仲有得細分類做包括粵人在內嘅各個民系－人類喺文化同血統上都好多樣化。(成篇文章……)

以前嘅正文：物理 – 香港文化 – 重慶

歸檔 – 提名 – 全部70篇正文...

你知唔知...

...黑洋紫荊旗（圖）係香港反修例運動一支旗，但有警察曾經戴住一個黐住呢支旗嘅頭盔做嘢？
...聖家大教堂動工動咗超過 100 年都仲未起好？
...Cybathlon 輔助科技競技賽嘅比賽有一項畀傷殘人士用機動假手夾晾衫夾？
...藏人好興飲嘅酥油茶，係世界第一樣日常食嘅奶茶？
...日式咖喱唔係經印度，而係經英國傳入日本？
...阿拉伯斯卡呢種舞步源自芭蕾舞？
...智能放大可以用到人工智能上嘅技術？
...一個人處於快速動眼期呢個睡眠階段嗰陣，零舍有可能會發夢？

提名 – 歸檔 – 寫新文

是日靚畫

橋本愛係一位日本女演員，喺熊本縣出世。佢係Sony Music Artists旗下嘅一位以雜誌模特兒嘅身份入演藝界。佢之前攞過第36屆日本電影金像獎嘅優秀新人演員獎、第86屆電影旬報十佳獎新人女演員獎等呢啲電影獎項。

圖片來自：Dick Thomas Johnson @ flickr
舊圖 - 更多正圖...

時人時事

武漢肺炎大爆發蔓延到全世界，已經有超過450萬人確診，至少30萬人病死。
英國終審法院裁定1970年代北愛爾蘭政府違法禁錮新芬黨領袖傑利亞當斯，並撤銷亞當斯嘅越獄案底。
面書新成立嘅全球獨立監督委員會（The Oversight Board），負責獨立處理 FB 同 Instagram 有拗撬嘅內容。
以色列議會修訂以色列基本法入面有關內閣組成嘅條文，批准內塔尼亞胡同班尼甘茲（圖）所帶領嘅兩個黨團組成權力共享政府。
日本首相安倍晉三宣佈全國因應武漢肺炎疫情進入緊急狀態至少到五月底。
英國首相約翰遜確診武漢肺炎，入過深切治療部，之後好返出院。
加拿大諾華斯高沙上星期六夜晚十點半發生咗加拿大史上傷亡最慘重嘅連環槍擊案，再多四人證實死亡，連埋槍手在內，至少廿三人死。
廣州市對外籍人士開展防疫行動，出現咗政府行為針對非洲人嘅仇外現象，引起美國國務院抨擊中國大陸政府，而非洲聯盟同樣嚴重關注，重召見咗中國大陸駐非盟嘅大使。

維基新聞^{（英｜中）} – 訃聞 – 更多時人時事…

是日好文

化學，廣東話日常用語度興嗌做「kem¹」（出自英文「chemistry」），係一門研究物質同埋佢哋嘅各種特性嘅自然科學。化學研究原子同原子組合點樣喺化學反應嗰陣有相互作用、原子點樣黐埋一齊組成更加複雜嘅粒子、兩種物質相互影響而發生改變嘅時候能量嘅變化等嘅問題。

歸檔 – 提名 – 全部正文 – 全部好文...

當年今日

5月22號：生物多樣性國際日

1859年：英國偵探小說作家柯南道爾（圖）喺愛丁堡出世。佢嘅作品有《福爾摩斯》。
1960年：智利大地震，震度係黎克特制9.5級，係有史以嚟最勁嘅。
1990年：微軟出Windows 3.0 作業系統。
2013年：倫敦胡列治發生襲擊案。
2017年：喺英倫，一場喺曼徹斯特場館嘅艾尼安娜格蘭德演唱會之後發生自殺式炸彈襲擊，最少22人死50人傷；後嚟伊拉克和黎凡特伊斯蘭國認咗係佢哋做嘅。

上幾日：5月21號 – 5月20號 – 5月19號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.