Ruoŧŧa
Konungariket Sverige | |
|---|---|
 Leavga |
Vearjogovva Vearjogovva |
 Kárta |
|
| Stáhtahápmi | Vuođđolágalaš monarkiija |
| Gonagas | Carl XVI Gustaf |
| Stáhtaministtar | Stefan Löfven |
| Oaivegávpot | Stockholbma |
| Viidodat | 450 295 km² |
| Olmmošlohku | 10 065 389 |
| – ássečoahkkisvuohta | 22/km² |
| Virggálaš gielat | ruoŧagiella |
| Valuhta | Ruoŧa ruvdno () |
| Áigi | UTC+1 |
| – geasseáigi | UTC+2 |
| Nationálabeaivi | geassemánu 6. beaivi |
| Nationálalávlla | Du gamla, du fria |
| Interneahtta-TLD | .se |
Ruoŧŧa (ruoŧagillii Sverige) dahjege Ruoŧa gonagasriika (ruoŧagillii Konungariket Sverige) lea riika Eurohpás. Dat gullá Davviriikkaide ja lea Skandinávias. Dan rádjeriikkat leat Suopma ja Norga. Ruoŧas lea maiddái čáhcerádji Dánmárkui. Ruoŧas orrot 10,1 miljovnna olbmu ja lea geografálaččat viđat stuorimus riika Eurohpás.
Ruoŧa oaivegávpot lea Stockholbma, man olmmošlohku lea 1,4 miljovnna. Statistihkalaš guovddášdoaimmahaga (Statistiska centralbyrån) meroštallama mielde, namalassii eanet go 200 000 ássi, gávdnojit maiddái lassin golbma stuorragávpoga: Göteborg, Malmö ja Uppsala. Sullii 85% riikka olbmuin orrot báikegottiin, ja dát lohku stuorru. Ruoŧas lea vuollegaš čoahkkisvuohta, sullii 22 olbmu njealjehaskilomehteris. Čoahkkisvuohta lea alit Lulli-Ruoŧas.
Ruoŧŧa lea konstitutionála monarkiija ja parlamentáralaš demokratiija. Riika lea miellahttu Ovttastuvvan Našuvnnain jagi 1946 rájes ja Eurohpá uniovnnas jagi 1995 rájes.
Geografiija[rievdat | edit source]
Ruoŧŧa lea Davvi-Eurohpás ja Nuortameara oarjábealde. Dat lea Skandinávialaš njárgga nuortaoassi ja dánna lágiin Ruoŧas lea guhkes riddu. Oarjin lea Skánddat (várreviđji mii ráhkada Norgga ja Ruoŧa riikaráji). Riikarádji Ruoŧa ja Norgga gaskkas lea Eurohpá guhkimus riikarádji. Dánmárku lea Ruoŧa rádjeriika meara bokte ja Öresund-šaldi Ruoŧa ja Dánmárkku gaskkas lea dehálaš oktavuohta eará Eurohpá riikkaide. Ruoŧa alimus báiki lea Giebmegáisi (2111 m) ja vuolimus báiki lea jávri Hammarsjön (−2.41 m).
Ruoŧas leat 25 eanangotti (landskap) muhto dán juogos lea dušše kultuvrralaš, historjjálaš ja geográfalaš vuođđu.
15% Ruoŧas lea poláragierddu davábealde. Vuovdi gokčá 65% Ruoŧa viidodagas.
Ruoŧa leanat[rievdat | edit source]
- A – Stockholmma leatna
- C – Uppsala leatna
- D – Södermanlándda leatna
- E – Östergötlándda leatna
- F – Jönköpinga leatna
- G – Kronobergga leatna
- H – Kalmara leatna
- I – Gotlándda leatna
- K – Blekinge leatna
- M – Skåne leatna
- N – Hallándda leatna
- O – Oarje-Götalándda leatna
- S – Värmlándda leatna
- T – Örebro leatna
- U – Västmanlándda leatna
- W – Dalarna leatna
- X – Gävleborgga leatna
- Y – Oarje-Norrlándda leatna
- Z – Jämtlándda leatna
- AC – Västerbottena leatna
- BD – Norrbottena leatna
Geahča maid[rievdat | edit source]
| |||||||||
| |||||||||
