Gvam

The Territory of Guam Guåhan
Fáni	Skjaldarmerki
Kjörorð: Where America's Day Begins
Þjóðsöngur: Fanohge Chamoru
Höfuðborg	Hagåtña
Opinbert tungumál	enska og chamorro
Stjórnarfar	Lýðveldi
Þjóðhöfðingi Landstjóri	Donald Trump Lou Leon Guerrero
Yfirráðasvæði Bandaríkjanna
- Spænsk yfirráð	1565
- Bandarísk yfirráð	1898
Flatarmál  - Samtals  - Vatn (%)	177. sæti 540 km² ~0
Mannfjöldi  - Samtals (2012)  - Þéttleiki byggðar	*. sæti 185.427 340,23/km²
VLF (KMJ)	áætl. 2013
- Samtals	4,9 millj. dala (*. sæti)
- Á mann	30.500 dalir (*. sæti)
VÞL (2009)	0.901 (*. sæti)
Gjaldmiðill	Bandaríkjadalur
Tímabelti	UTC+10
Þjóðarlén	.gu
Landsnúmer	1 671

Gvam (kamorríska: Guåhån) er bandarískt yfirráðasvæði í Vestur-Kyrrahafi. Eyjan er stærst og syðst Maríanaeyja og telst hluti Míkrónesíu. Höfuðborg eyjarinnar er Hagåtña en stærsta borgin er Dededo. Eyjan er eitt af fjórum yfirráðasvæðum Bandaríkjanna með borgaralega stjórn. Íbúar eyjarinnar eru bandarískir ríkisborgarar frá fæðingu.

Frumbyggjar Gvam eru Kamorróar (Ástrónesar) sem taldir eru hafa numið land á eynni fyrir 4000 árum. Fyrsti Evrópubúinn sem kom þangað var Ferdinand Magellan árið 1521, en Spánverjar lýstu yfir yfirráðum sínum þar 1565. Eftir stríð Spánar og Bandaríkjanna 1898 tóku Bandaríkjamenn yfir stjórn eyjarinnar. Í síðari heimsstyrjöld lögðu Japanar eyjuna undir sig 8. desember 1941 nokkrum tímum eftir árásina á Perluhöfn. Bandaríkjamenn náðu eyjunni aftur eftir harða bardaga 21. júlí 1944.

Í dag er helsta tekjulind eyjanna ferðaþjónusta og flestir ferðamenn koma þangað frá Japan. Önnur stærsta tekjulind eyjarskeggja er þjónusta við Bandaríkjaher. Herinn er með sjö herstöðvar á eyjunni sem samanlagt þekja tæplega 30% af flatarmáli hennar.

  Þessi Bandaríkja-tengda grein er stubbur. Þú getur hjálpað til með því að bæta við greinina.