Arto
.
Arto | |
---|---|
Iraute egoera | |
Arrisku txikia (IUCN 3.1) | |
Sailkapen zientifikoa | |
Erreinua | Plantae |
Ordena | Poales |
Familia | Poaceae |
Generoa | Zea |
Espeziea | Zea mays |
Datu orokorrak | |
Iturria | maize |
Artoa (Zea mays) urteroko gramineoen familiako landare belarkara da, bai gizakiek bai animaliek jateko landatzen dena. Munduko zerealik landatuena da, garia eta arroza gaindituz. Erdialdeko Ameriketan landatu zen lehen aldiz. Europara 1492an iritsi zen.
Historia[aldatu | aldatu iturburu kodea]
Matsuokak eta beste batzuek 2002an egindako ikerketaren arabera, artoaren etxekotzea behin gertatu zen, Mexikoko hegoaldean duela 9.000 urte, eta gaur arte ailegatu diren artoen artetik, motarik zaharrenak Mexikoko goialdekoak direla[1]. Handik, artoa Ameriketan barna zabaldu zen bi bideri jarraituz. Horrek bat egiten du erregistro arkeologikoetan oinarritutako ereduarekin, non iradokitzen baita askotariko artoak zeudela goialdeetan behealdeetan barreiatu baino lehen.
Olmekek eta maiek klase askoko artoak hazten zituzten. K.a. 2500 inguruan, laborea hasi zen zabaltzen Ameriketan barna. Europarrak Ameriketara joan ondoren, XV. mendearen bukaeran eta XVI.aren hasieran, esploratzaileek eta merkatariek Europara eraman zuten artoa. Handik munduko gainerako tokietara zabaldu zen, oso egokia baita klima desberdinetan hazteko. Azukre asko duten barietateak (arto gozoa) gizakien kontsumorako erabiltzen dira, eta beste barietate batzuk, berriz, animalien bazkarako, olioa egiteko, hartzitu eta destilatzeko bourbon whiskey gisako edarietan, besteak beste.
Laborantza[aldatu | aldatu iturburu kodea]
Bere haziarengatik landatzen da. Ereintza (ereite) aldia apirila eta maiatza bitartean da. Soroan zehar lerro zuzenak egiten dira eta lerroan zehar gune batzuetan, haziak botatzen dira, hazi batetik bestera 1 mmko luzera utziz; gune batean 2-3 hazi inguru bota. Ondoren, ernetzen hasten direnean, bakandu, hau da, komeni ez direnak aitzurrarekin kentzen dira.
Abuztu-iraila ingururako helduta daude jada eta orduan artaburuak kendu eta etxeko teilatupean jarri zintzilikatuta lehor dadin. Artaburua garanduta gorde nahi bada, martxoko ilbeheran garandu, horrela tximeletarik eta sitsik ez ateratzea lortuko baita.
Ekoizpena[aldatu | aldatu iturburu kodea]
Artoaren ekoizle handienak 2013an | |
---|---|
Herrialdea | Ekoizpena (tonatan) |
AEB | 353,699,441 |
Txina | 217,730,000 |
Brasil | 80,516,571 |
Argentina | 32,119,211 |
Ukraina | 30,949,550 |
India | 23,290,000 |
Mexiko | 22,663,953 |
Indonesia | 18,511,853 |
Frantzia | 15,053,100 |
Hego Afrika | 12,365,000 |
Mundu osoa | 1,016,431,783 |
Erabilera[aldatu | aldatu iturburu kodea]
Erabilpen desberdinak ditu: animalien (oiloen, behien…) kontsumorako, indaba landareak eusteko eta laban lehortutakoan irina egiteko.
Erreferentziak[aldatu | aldatu iturburu kodea]
- ↑ (Ingelesez) Matsuoka, Yoshihiro; Vigouroux, Yves; Goodman, Major M.; G, Jesus Sanchez; Buckler, Edward; Doebley, John. (2002-04-30). «A single domestication for maize shown by multilocus microsatellite genotyping» Proceedings of the National Academy of Sciences (9): 6080–6084 doi: ISSN 0027-8424 PMID 11983901 PMC PMC122905 . Noiz kontsultatua: 2020-03-10.
Kanpo estekak[aldatu | aldatu iturburu kodea]
Zerealak eta sasizerealak | ||
---|---|---|
Amarantoa - Arroza - Artatxikia - Artoa - Artobeltza - Basa arroza - Basartoa - Espelta - Fonioa - Garagarra - Garia - Kañiwa - Kinoa - Oloa - Tefa - Tritikalea - Zekalea |
Horiak | |||||
---|---|---|---|---|---|
Beilegia | Horia | Larua | Urrekara | Chartreuse | Beixa |
Azafrai kolorea | Okrea | Ziapea | Arto kolorea | Krema | Limoi kolorea |