Arte

Forme de arte drento a ƚa Capeła dei Scrovegni de Pàdova.

L'arte, nel so significato più vario, ła conprende tute łe atività umane - fate da na unica anima o de più - che, poiando tramite robe tecniche e e norme che regola el conportamento, dal studio e da ła esperiensa, ła porta a robe creative de espresion estetica.

Evoƚusion storega del conçeto de arte

Vardando in manjiera atenta ła storia del conçeto de arte, podemo capire che col pasare del tenpo el ga subìo na trasformasion graduałe ma profonda.

In tel'antichità: Latino: Ars, Greco: Τεχνη indica ła capacità de na anima de aparir come ogni ojeto. Ła capacità ła xé ła conosensa de łe regołe.

In tel periodo elenistego le xé scumisiae łe prime clasificasion e łe arti łe se stà divixe in comuni e liberałi, a segonda che łe volese un sforso fixego o mentałe.

In tel Medioevo sà scomensià da novo a rivałutare łe arti comuni, che łe sarà ciamàe mecàniche, ma łe continuarà a ver on ruoło subalterno rispeto a łe arti liberałi.

Ła poexia no se pol mia dir che ła sia nte l'anbito concetuałe de l'arte finora descrito, parché el poeta l'era considerà un vate che 'l faxea i versi "ispirà" dal Dio. No ghe xera mia na regoła in te łe conpoxision poetiche, almanco parlando del contenuto. Parché anca la poexia la vegnise considerà n'arte, xe stà Bernardo Segni che nel 1549 gà tradoto in volgare la Poetica de Aristotele, opera 'ndo che lo stagira xà el contava ła poexia de tra łe altre arti.

Ła condision sociałe dei artisti che miiorò molto nel corso del Rinasimento, ła contribui a dividarli dai siensiati e dai artigiani.

C. Batteux nel 1747 el scrive, nel so libro Le belle arti ridotte ad un'unico principio, el sistema dele belle arti, indicando sinque arti - ła pitura, ła scultura, ła poéxia, ła muxega, ła dansa - a cui l'asociava do arti conese - l'eloquensa e l'architetura - el cui caratere comune el stava ne l'imitasion de ła realtà par el fine de creare ogeti bei.

Da ła fine del XVIII secolo scominsia łe prime crixi del conçeto de beƚo e de arte.

Gèra drio nàsar de łe forme de espresione come ła fotografía, l'architetura industriałe, ła ogetistica par ła caxa, che gavémo da far rientrare nel conçeto de arte.

Par sto motivo nel XX secolo se gà d'asà ła definision oniconprensiva de arte e de opera d'arte. El termine arte el divien on conçeto verto.

Discipline artistiche

Le pì conosue forte de arte, da andove nase altre forme de arte, ciamae arti minori:

• Pitura (inclusi il disegno, l'inçixion e la grafega dijitałe)
• Scultura (inclusi l'oreficeria, l'arte tessile, l'arazzo e l'origami)
• Architetura
• Leteratura
• Muxica
• Bało
• Teatro
• Cine (inclusa la videoarte)
• Fotografia (inclusa la multivixion)
• Fumeto

Prima divixion in categorie

• Arti vixive: Ste cuà le njien ciamae "arti vixive", parché le njien mostrae, a chi che ƚe vede, xà finie.
  • Pitura
  • Scultura
  • Architetura
  • Scritura (forma de leteratura)
  • Cine
  • Fotografia
  • Fumeto

• Arti performative: Ste cuà le njien ciamae "arti performative", parché par esare mostrae, bixogna farle al momento.
  • Muxica
  • Bało
  • Teatro
  • Iłuxionismo
  • Letura (forma di letteratura)

Segonda divixion in categorie

• Arti vixive:
  • Arti figurative o Beƚe Arti:
    • Pitura (in sto cuà anca el dixegno, inçixion e grafega dijitałe)
    • Scultura (in sto cuà anca l'oreficeria, l'arte tesiƚe, el tapeo e l'origami)
    • Architetura
  • Fotografia
  • Scritura (forma de leteratura)
  • Fumeto
• Arti de sono
  • Muxica
  • Letura (forma de leteratura)
• Arti audiovixive
  • Teatro
  • Cine
  • Bało

Tersa divixion in categorie (1923 e 1964)

St'ultima divixion de ƚe arti, anca se no ƚe ciapa drento tute, la xé chela de le "nove arti". Scrita da cao n'tel 1923 dal poeta italian Ricciotto Canudo, la xé sta ingrandìa co le ultime dò voxe dal critego françexe Claude Beylie n'tel 1964:

1. Architetura
2. Pitura
3. Scultura
4. Muxica
5. Poexa
6. Baƚo
7. Cine
8. Aradio-teƚevixion
9. Fumeto

Altri projeti

Commons

• So Commons ghe xe dei file multimediałi so Arte