Índia
La Índia (an hindi भारत, transl. Bharat; an anglés India), ye un paíç federal asiático qu'acupa la maior parte de l subcontinente andiano i inda las ilhas Laquedibas i Andamon i Nicobar. Lemita al norte cula República Popular de la China, l Nepal i l Boton, a leste cun Mianmar, al sul i a leste cul Bangladesh i la Baía de Bengala, al sul cul Streito de Palk, defronte la ilha de l Ceilon (Sri Lanka), cul ouceano Índico i l mar das Laquedibas, l'oeste cul mar Arábico i l'oeste i norte cul Paquistan. La sue cuosta litoránea atinge 7.517 Km. Ye l segundo paíç mais populoso de l mundo (apuis de la China), cun mais dun bilhon d'habitantes, i l sétimo maior por ária. L nome oufecial de l paíç ye República de la Índia, i la capital ye Nuoba Délhi.
Berço de la Ciblizaçon de l Bal de l Ando i ua region de rotas de comércio stóricas i d'ampérios bastos, l subcuntinente andiano fui eidantificado cun sue riqueza comercial i cultural durante grande parte de sue stória. Quatro de las percipales religiones de l mundo, hinduísmo, budismo, jainismo i sikhismo ampeçórun alhá, anquanto l zoroastrismo, l judaísmo, l crestianismo i l slamismo chegórun ne l purmeiro milénio de la era crestiana i dírun forma a la dibersidade cultural de la region. Aneixada al poucos pula Cumpanha de las Índias Ourientales Británica zde l'ampeço de lseclo XVIII i quelonizada pul Reino Ounido zde ls meados de lseclo XIX, la Índia tornou-se ua nacion moderna an 1947 apuis dun sfuorço para l'andependéncia que fui marcada pula difundida rejisténcia nó-biolenta.
La Índia ye ua república parlamentar que cunsiste an 28 stados i an 7 territórios federales. Ten la décima segunda maior eiquenomie de l mundo an termos de taxas de cámbio de mercado i la quarta maior an poder de cumpra. Las reformas eiquenómicas transformórun-na na segunda grande eiquenomie de mais rápido crecimento; antretanto, inda sufre d'altos nibles de la pobreza, analfabetismo, i malas nutriçon. Ua sociadade pluralista, multiléngua, i multi-étnica, la Índia ye eigualmente l berço dua dibersidade d'animales salbaiges an ua bariadade d'habitates portegidos.
Eitimologie[eiditar | eiditar código-fuonte]
L nome Índia ye deribado de Indus, que ye deribado de la palabra Hindu, an persa antigo. De l sánscrito Sindhu, l nome local stórico para l riu Indus. Ls griegos clássicos referian-se als andianos cumo Andoi (Ινδοί), pobos de l Indus. La custituiçon de la Índia i l'uso quemun an bárias lénguas andianas eigualmente reconhecen Bharat cumo un nome oufecial d'eigual status. Hinduston (ó Andoston), que ye la palabra persa para la “tierra de l Hindus” i storicamente referida al norte de la Índia, ye tamien ousada a las bezes cumo un sinónimo para to la Índia.
Stória[eiditar | eiditar código-fuonte]
Ls abrigos ambaixo de las rochas de la Eidade de la Piedra cun pinturas an Bhimbetka, an Madhya Pradesh, son ls feitiços de bida houmana mais antigos coincidos na Índia. Ls purmeiros agrupamientos premanentes coincidos aparecírun hai mais de nuobe mil anhos i zambolbírun-se gradualmente na ciblizaçon de l bal de l Andus, datando de lSeclo XXXII a.C. na Índia oucidental. Fui seguido pul período Bédico, que deu las fundaçones de l hinduísmo i outros aspetos culturales de la primitiba sociadade andiana, i que fui até l seclo VI a. C. Al redror de 550 a. C., muitos reinos i repúblicas andependientes coincidos cumo ls Mahajanapadas fúrun stablecidos al longo de l paíç.
Ne l terceiro seclo a. C., la maior parte de l sul de la Ásia fui ounida ne l'ampério de Maurya por Chandraguta Maurya i floreciu sob Ashoka, l grande. Zde l terceiro seclo d.C., la dinastie de Guta dominou la era referido puls antigos cumo la "Eidade dourada de la Índia"; ampérios ne l sul de la Índia ancluíran aqueilhes de l Chalukyas, de l Cholas i de l ampério de Bijayanagara. La ciéncia, l'angenharie, l'arte, la literatura, l'astronomie, i la filosofie florecírun sob l patrocínio destes reis.
A las ancurçones por eisércitos árabes i centro-asiáticos ne ls seclos VIII i XIII seguírun-se las de comerciantes de la Ouropa, a partir de l final de l seclo XV. La Cumpanha Anglesa das Índias Ourientales fui fundada an 1600 i ampeçou, zde 1757, la colonizaçon de partes de la Índia. Na altura de 1858, passado derrotar ua cunfederaçon sique ne l Panjabe an 1849, la coroa británica assumira l cuntrole político de birtualmente to l subcuntinente. Tropas andianas ne l eisército británico zampenhórun un papel bital an ambas las guerras mundiales. La rejisténcia nun-biolenta al colonialismo británico, xefiada por Mahatma Gandhi, Ballabhbhai Patel i Jawaharlal Nehru, lebou a l'andependéncia frente al Reino Ounido an 1947. L subcuntinente fui partilhado antre la República de la Índia, secular i democrática, i la República Slámica de l Paquistan. Cumo resultado dua guerra antre aqueilhes dous países an 1971, l Paquiston Ouriental tornou-se l Stado andependiente de Bangladesh. Ne l seclo XXI, la Índia ten obtenido grandes ganhos an ambestimento i produçon eiquenómicos, custituindo-se na maior democracie de l mundo, cun ua populaçon de mais de 1,1 bilhon de pessonas, i na quarta maior eiquenomie de l planeta (critério PPP).
Fuora de l sul de la Ásia, la stória, la cultura i la política de la Índia frequentemente se subreponen als países bezinos. La cultura, eiquenomie i política andianas eisercírun anfluéncia al longo de milénios na stória i na cultura de países ne l sudeste asiático, ne l leste i ne l centro de la Ásia, cumo Andonésia, Cambodja, Tailándia, China, Tibete, Afeganistan, Eiraniana i Turquestan. Passado ancurçones árabes na Índia ne l'ampeço de l segundo milénio d.C., missones semelhantes an busca de la lendária riqueza andiana anfluenciórun fuortemente la stória de la Ouropa mediebal, a partir de la chegada de Basco de la Gama. Cristobo Colombo çcubriu la América quando percuraba ua nuoba rota para la Índia, i l Ampério Británico oubtubo grande parte de sous recursos passado l'ancorporaçon de la Índia (la "Jóia de la Coroa") de l final de lseclo XVIII até 1947.
Política[eiditar | eiditar código-fuonte]
| National animal | 
| |
|---|---|---|
| National bird | _-_1017-899-(118).jpg){kind=small}
| |
| National tree | 
| |
| National flower | 
| |
| National heritage animal | 
| |
| National aquatic marine mammal | 
| |
| National reptile | 
| |
| National heritage mammal | 
| |
| National fruit | .JPG){kind=small}
| |
| National temple | 
| |
| National river | 
| |
| National mountain | 
|
La Índia questuma ser apuntada cumo la maior democracie de l mundo, pus cunta cul maior eileitorado dentre ls países democráticos. L paíç adotou cumo forma de Stado la federaçon, cun un parlamiento bicameral que funciona cun base an un sistema parlamentarista de stilo Westminstener.
L pursidente, na culidade de xefe de Stado, eiserce un papel percipalmente protocolar, ambora seia l comandante supremo das fuorças armadas i sue sançon seia neçaira para que qualquier lei aprobada pul parlamiento antre an bigor. Ye eileito andiretamiente por un coleijo eileitoral para un mandato de cinco anhos.
La xefe de goberno ye eisercida por un purmeiro-menistro, que cuncentra la maior parte de lspoderes eisecutibos. Ye nomeado pul pursidente, zde que cunte cul apoio dun partido ó coligaçon que tenga mais de 50% dos assentos de la Cámara de l Pobo (la Cámara Baixa de l parlamento).
L poder Legislatibo de la Índia ye eisercido pul parlamento bicameral, que cumprende la Rajya Sabha ó Cámara dos Stados (la Cámara Alta) i la Lok Sabha ó Cámara de l Pobo (la Cámara Baixa). La Cámara dos Stados cumpone-se de 245 nembros eileitos andiretamiente pulas Assemblés Legislatibas staduales para mandatos nun-coincidentes de seis anhos. Cada stado ambia representantes para la Cámara dos Stados cun base na sue populaçon. La Cámara de l Pobo cumpone-se de 545 nembros eileitos diretamente para mandatos de cinco anhos (hai pequeinhas eiceçones a l'eileiçon direta, ne l causo das antigas castas baixas i representantes anglo-andianos). La Cámara de l Pobo, ne ls termos de l sistema parlamentarista, ye l'uorgano político nacional por eiceléncia, onde ye formado l goberno de l paíç. Todos ls menistros cun pasta dében ser nembros de l parlamento. L sufrágio ounibersal ye garantido pula custituiçon para cidadanos maiores de 18 anhos.
L poder Judiciário ye formado pul Supremo Tribunal, cun jurisdiçon ourdinária subre cuntrobérsias antre ls stados i l goberno federal i, an segunda anstáncia, subre ls dezuito Tribunales Superiores de l paíç. Tamien eiserce l cuntrole de custitucionalidade das leis federales i staduales.
Relaçones steriores[eiditar | eiditar código-fuonte]
La Índia mantén relaçones cordiales cula maiorie dos países de l mundo zde la sue andependéncia, an 1947. Durante la Guerra Frie, fui un dos nembros fundadores de lMobimento Nó-Alinhado.
L paíç - atualmente de posse de armas nucleares - recusa-se a assinar l Tratado de Nó-Proliferaçon de Armas Nucleares i l Tratado para la Proibiçon Cumpleta dos Testes Nucleares.
La Índia i l Paquistan manténen un cuntencioso anternacional acerca de la posse de laCaxemira que yá ls arrastrou la trés guerras durante l seclo XX (1947, 1965 i 1971). La posse d'armas nucleares puls dous lados tornou un nuobo cunflito potencialmente catastrófico.
Ne ls redadeiros anhos, la Índia ten fortalecido sues relaçones cul Paquistan, ls Stados Ounidos i la China. A partir de l final de l seclo XX, l paíç ten sido cunsidrado ua poténcia eimergente, cun crecente anfluéncia ne ls assuntos anternacionales.
Subdebisones[eiditar | eiditar código-fuonte]
.svg)
La Índia stá dibedida an 28 stados (que por sue beç stan debedidos an çtritos), seis territórios de la Ounion i l Território de la Capital Nacional.
Para alhá desso, inda que nunca tenga reclamado posse de l território na Antártida, la Índia ten ende anstaladas dues bases científicas: Dakshin Gangotri i Maitri.
Geografie[eiditar | eiditar código-fuonte]
L território de la Índia custitui la maior parte de lsubcuntinente andiano, localizado na Placa Andiana, na Ásia Meridional. Ls stados andianos de l norte i de l nordeste stan parcialmente localizados ne ls Himalaias.
L território andiano ye formado puls Himalaias ne l stremo norte i nordeste, pul praino ando-gangética al norte, a noroeste i a leste, i pul praino de lDecon ne l centro. L Decon ye flanqueado por dues cordilheiras: ls Gates Oucidentales i ls Gates Ourientales.
La Índia ten grandes rius, cumo l Ganges, l Bramaputra, l Yamuna, Godabari, Kaberi, Narmada i Krishna. L paíç ten trés arquipélagos: las Laquedibas, las ilhas Andaman i Nicobar i las Sundarbanes (ne l delta de lGanges).
Tiempo[eiditar | eiditar código-fuonte]
L tiempo de la Índia baria antre l tropical, al sul, i l mais ameroso, ne l norte. Nas regiones setentrionales nieba muita beç ne l'ambierno. L clima andiano ye mui anfluenciado puls Himalaias i pul zerto de Thar. La cordilheira heimalaica i l Hindu Kush forman ua barreira cuntra ls bentos frius probenientes de laÁsia Central, l que mantén l subcuntinente cun temperaturas mais eilebadas de l qu'outras regiones an latitudes parecidas. La maior parte de lachuba antre júnio i setembre ye debida a las monçones.
Eiquenomie[eiditar | eiditar código-fuonte]
Cun un PIB de 785 bilhones de dólares (ó 3,6 trilhones de dólares pul critério de paridade de l poder de cumpra - PPC), la Índia ye la 12a maior eiquenomie de l mundo (ó la quarta maior, pul critério PPC). Antretanto, debido a la grande populaçon, la renda per capita ye cunsidrablemiente baixa: an 2005, l FMI classeficou la Índia na 135a posiçon an tenermos de renda per capita (ó na 122a posiçon, pul critério PPC), dentre 182 países i territórios. Cerca de 60 por ciento de la populaçon depénden diretamente de laagricultura. La andústria i ls serbícios ténen-se zambolbido rapidamente i respónden por 25 i 51 por ciento de l PIB, respetibamente, anquanto que l'agricultura ajuda cun cerca de 25,6 por ciento. Mais de 25 por ciento de la populaçon bíben abaixo de la linha de pobreza, inda que la eisisténcia dua classe média grande i crecente de 300 milhones de pessonas.
La Índia registrou fuorte crecimento eiconómico passado 1991, quando l sou goberno abandonou políticas socialistas i dou ampeço a un porcesso de liberalizaçon de la eiquenomie, qu'ambolbiu l'ancentibo al ambestimento strangeiro, la reduçon de barreiras tarifárias a l'amportaçon, la modernizaçon de l setor financeiro i ajustes nas políticas fiscal i monetária. Cumo resultados, colhiu ua anflaçon mais baixa, crecimento eiconómico mais eilebado (média de 5 por ciento anual) i reduçon de l déficit comercial. Ne ls redadeiros anhos, la Índia tornou-se un amportante centro de serbícios relacionados cun tecnologies d'anformaçon. Ye l percipal beneficiário de loutsourcing de serbícios.
L zambolbimento eiquenómico andiano ye trabado, assi i todo, por ua anfrastrutura ansuficiente, ua burocracie pesada, altas taxas de juros i ua "dibeda social" eilebada (pobreza rural, amportante analfabetismo residual, sistema de castas, corrupçon, clientelismo etc.).
La Índia tamien ye la maior produtora de softwares de l mundo, tenendo ua grande produçon de to esse mercado.
Demografie[eiditar | eiditar código-fuonte]
La Índia ye l segundo paíç de l mundo an populaçon, stimada an 1.100 milhones d'habitantes (2006). Cun ua populaçon dibersificada, la léngua, la casta i la religion zampénhan papel amportante na ourganizaçon social i política de l paíç. Ambora 81,5 por ciento de la populaçon séian hindus, la Índia cunta tamien cul segundo maior cuntingente de muçulmanos ne l mundo (12,2%), ademais d'outros grupos religiosos cumo siques (2%), crestianos (2,3%), budistas (0,76%), jainistas (0,4%) i outros.
Las percipales aglomeraçones urbanas de l paíç son Bangalore, Madrasta, Délhi, Hiderabade, Calcutá i Bombain. Hai 933 mulhieres para cada 1 000 homes. L'eidade média ye de 24,66 anhos. La taxa de natalidade andiana ye de 22,32 por 1 000 i la taxa de crecimento populacional ye de 1,38% (stimada, 2006).
Dues de las grandes famílias lenguísticas stan representadas na Índia: la ando-ariana (falada por 74% de la populaçon) i la drabídica (24%). La custituiçon andiana cunsidra cumo oufeciales 23 defrentes lénguas, ambora l híndi i l anglés séian ousados pul goberno federal para fines oufeciales. L sánscrito (mais antigo que l hebraico i l latin) i l támil son cunsidradas lénguas clássicas. L númaro de dialetos falados na Índia chega a 1 652.
Cultura[eiditar | eiditar código-fuonte]
La cultura de la Índia ye la spresson dua de las mais antigas i dibersificadas cibilizaçones de l planeta, antoce anclui grande númaro de manifestaçones an todos ls campos, zde la literatura i la arquitetura até, modernamente, l cinema.
Las tradiçones literárias mais antigas de la Índia éran transmitidas de forma oural i fúrun apuis screbidas. Esses scritos áncluen testos sagrados cumo ls Bedas i épicos cumo l Maabárata i l Ramáiana. L único galardoado andiano cul prémio noble de literatura ye l scritor bengali Rabindranath Tagore.
L paíç ye l maior pordutor mundial anual de filmes pa l cinema. La produçon cinematográfica local cuncentra-se an Bombain, Noida, Madrasta i Hiderabade.
Brício de dibersas grandes religiones, la prática religiosa antegra l quotidiano de la sociadade. La maior religion de l paíç ye l hinduísmo, anque grupos segneficatibos pratíquen l slamismo, l jainismo, l siquismo , l crestianismo i la fé Bahá'í.
Un de ls aspetos de la cultura andiana, inda que oufecialmente banido, ye l sistema de castas de la Índia, caratelístico de ls hindus, nun solo na Índia, mas tamien ne l Nepal.
Bários festibales religiosos son rializados na Índia, dentre eilhes l Khumba Mela.
Budismo na Índia[eiditar | eiditar código-fuonte]
A partir de l sou local de nacimiento ne l nordeste andiano, l budismo spalhou-se para outras partes de l norte i pa l centro de la Índia.
Durante l reinado de l'amperador mauria Asoka, que cumbertiu-se al budismo i que gobiernou ua ária semelhante a la de la Índia cuntemporánea (cun eicepçon de l sul), esta relegion cunsulidou-se. Apuis de tener cunquistado la region de Kalinga pula fuorça, Asoka decidiu que a partir d'anton gobernarie cun base ne ls preceitos budistas. L amperador ourdenou la custruçon de spedaries pa ls biajantes i que fusse porporcionado tratamiento médico nun solo als houmanos, mas tamien als animales. L rei aboliu tamien la tertura i probablemente la pena de muorte. La caça, çporto tradecional de ls reis, fui sustituído pula peregrinaçon a locales budistas. Anque de faborecido l budismo, Asoka rebelou-se tamien tolerante para cul hinduísmo i l jainismo.
Asoka pretendiu tamien dibulgar l budismo pul mundo, cumo rebélan ls sous éditos. Segundo estes fúrun ambiados eimissários cun çtino a la Síria, Eigito i Macedónia (anque nun se saba se chegórun als sous çtinos) i para ouriente para un tierra de nome Subarnabhumi (Tierra de l Ouro) que nun se cunseguiu eidantificar cun sigurança.
L ampério mauria chegou al fin an finales de l seclo II a.C. La Índia fui anton dominada pulas dinasties locales de ls Sunga (c.185-173 a.C.) i de ls Kanba (c.73-25 a.C.), que perseguírun l budismo, ambora este cunseguisse prebalecer. Cerca de l'ampeço de l'era atual l noroeste de la Índia fui ambadido puls Citas que formarian la dinastie de ls Kuchanes. Un de ls mais amportantes reis desta dinastie, Kanishka (c. 127-147), fui un grande proselitista de l budismo.
Durante l'era de la dinastie Guta (320-540) ls monarcas faborécen l budismo, mas tamien l'hinduísmo. An meados de l seclo VI, ls Hunos Brancos ouriundos de la Ásia Central, ambáden l noroeste de la Índia, probocando la çtruiçon d'einúmaros mosteiros budistas. A partir de 750 la dinastie Pala gobiernou ne l nordeste de la Índia até al seclo XII, apoiando ls grandes centros monásticos budistas, antre ls quales l de Nalanda. Mas a partir de l seclo XII l budismo entra nua queda definitibo debido an bários fatores. Antre estes ancuntrában-se l rebibalismo hindu que se manifestou cun figuras cumo Adi Shankara i pulas ambasones de ls muçulmanos de l seclo XII i XIII.
