زڤوݩ اْنڳلٛیسی

د ڤیکیپدیا، دونسمنامٱ آزاد
پرش به ناوبری پرش به جستجو
اْنڳلٛیسی
گوتٱ بیئن چوٙأ:دٱنڳˈɪŋɡlɪʃچوٙأ:دٱنڳ[۱]
هٱچایٱ بیئنی د بریتانیا گٱپ
شومارٱ هٱچایٱکوݩ 360–400 ملٛیوݩ کٱس  (ڤیرگار سیش نی)
زڤوݩ دۏئم هٱچایٱکاریٛا: 400 ملٛیوݩ کٱس;
چی یاٛ زڤوݩ خارجی: 600–700 ملٛیوݩ کٱس
هونڤادٱ زڤون
سامونٱ نیسٱنن لٛاتین (تۏرهیٛل اْنڳلٛیسی)
بریل اْنڳلٛیسی، بریل یٱکاگرتٱ اْنڳلٛیسی
رٱڤشت جاڤٱنن
زڤون جاڤٱنٱ د 67 countries
27 non-sovereign entities
زڤون میزونکاری بیٱ بی میزونکای جاڤٱنٱیی
رارینٱیا زڤون
ISO 639-1 en
ISO 639-2 eng
ISO 639-3 eng
Linguasphere 52-ABA
Anglospeak.svg
     Countries of the world where English is a majority native language      Countries where English is official but not a majority native language
ایٛ بٱلگٱ د رٱڤشت IPA کاْ د لۏری مینجایی مۊٱ یونیکود دیٛاری میکٱ. هامینداری یونیکود، سی یٱنٱ کاْ جا پیٛنیاریٛا یونیکود، ڤا نشونٱیا پورس کردن، چارسيکیٛا ناْ سئیل بٱکيت.

زڤوݩ اْنڳلٛیسی یٱکی د زڤونیٛا هند ۉ اورۊپایی ئٱ کاْ د تال جرمٱنی ئٱ. جرمٱنی خوش بٱئر بیٱ د دۏ کوت ٱفتاوزنوݩ ۉ ٱفتاونشیݩ. بوئٱ اْنڳلٛیسی هند ۉ اوۊرپایی ٱفتاونشیݩ ئٱ. ایٛ زڤوݩ د اْنڳلٛیسی ۉ هارگٱ ٱفتازنوݩ اْسکاتلٱند کامل بیٱ. چٱنتا د زڤونیٛا هنی تال جرمٱنی: آلمانی، هولٱندی، دانمارکی، سوئدی ۉ نورڤژی ئٱن. ایسنیٛا نزیک ڤ نسمی د کٱلیمٱیا ۉ دٱستۊر زڤوݩ اْنڳلٛیسی ریشٱ جرمٱنی دارٱن ۉ بورؽ هنی ناْ کٱلیمٱیا عارؽٱتی دۏرس میٛکٱ. بیٛشتر ایٛ ڤاجٱیا د زڤوݩ لٛاتین، فرانساٛیی، کوتؽ هنی د یۊنانی ۉ زڤونیٛا هنی اوماینٱ د زڤون اْنڳلٛیسی. زڤوݩ اْنڳلٛیسی دماتری فرٱ چی زڤوݩ آلمانی بیٱ. سی یٱ کاْ اْنڳلٛیسی زڤونیٛا بیٛشتر د لٛوݩ جرمٱنی بینٱ کاْ د آلمان رٱتنٱ بریتانیا ۉ مۊئٱ بۉیی زڤوݩ آلمانی زڤوݩ دا زڤوݩ اْنڳلٛیسی ئٱ.

سی کارگرایی ڤارۉ سامونکاری، اومۊری، دونسمٱنی، سؽاسی ۉ رٱهزیشتی بریتانیا ری دۏنیا دما د سدٱ هیژدٱئم ۉ کارگرایی ڤلاتچٱیا یٱکاگرتٱ اْمریکا د سدٱ بیسم ڤ ایلٛا، ایٛ زڤوݩ د گرد دۏنیا گٱپ کلوݩ بی ۉ بی ڤ زڤوݩ دۏئم دۏنیا، زڤوݩ میٛنجاکار ۉ زڤوݩ جاڤٱنٱ د کولٛ دۏنیا د گات ایسنی زڤوݩ اْنڳلٛیسی بیٱ.

زڤوݩ اْنڳلٛیسی ڤا داسوݩ زڤوݩ داڤاری د ڤلاتیٛا اْنڳلٛیس، اْمریکا، کانادا، اوسترالٛیا، ایرلٱند، نیۊزیلٱند، اْفریقا هارگٱ، غنا فرٱ د ڤلاتیٛا هنی کارگرایی دارٱ. ایساْ د دیجا شمارٱ هٱچایٱکار، دماتر د چینی ۉ اْسپانیایی، سئمی زڤوݩ دۏنیا ئٱ. شمارٱ کٱسونؽ کاْ زڤوݩ داڤاریشو اْنڳلٛیسی ئٱ تا ایساْ ۳۸۰ ملٛیوݩ کٱس ئٱ. اْنڳلٛیسی د ڤلاتیٛا فراٛیؽ زڤوݩ منجیگر ئٱ ۉ نازارتریݩ زڤوݩ دۊنیا د شؽڤاتیٛا سؽاسی، اومۊری، سامونکاری، کسم ۉ کار، رٱهزیشتی د جا ڤ جا کاری رٱهزیشتی مێنجا زایاراٛیی ئٱ.

چٱنتا کٱلٱمٱ اْنڳلٛیسی ڤا هومبٱراڤٱر لٛۏری House=مالگٱ،هونٱ Room=تۉ Sparrow=ملٛیچٱک After Noon=اؽڤارٱ Yellow=هیلٛ Red=سۏر Black=سؽ Eye=تیٱ،چٱش Nose=پت،نفت Foot=قولٛ،لٛنڳ Crazy=لٛؽڤٱ،شؽت Stupid=چاٛل

دماتری[آلشتکاری]

اْنڳلٛیسی دماتر (۱۱۰۰–۴۴۹)[آلشتکاری]

د سدٱ پٱنجم دما زارۊ، خٱلک د ساْ تٱش «جوت»، «آنگلو» ۉ «ساکسون» کاْ د «شمال ٱفتاونشیݩ آلمان»، «دانمارک» ۉ «هولٱند» ایسنی زهشت داشتنٱ، ایٛرشت بوردن سی اْنڳلٛیس ۉ ڤلات اۊچاْ ناْ گرتن. تا او گات خٱلک بریتانیا یا ڤا داسونی نازارتر بریتانیا رۊم ڤا زڤوݩ سلتیکی قسٱ میٛکردن ۉ ٱلڤٱت زڤوݩ سلتی خٱلکش سی ۴۰۰ سال هال ۉ بار ایٛ ڤلات گرتن رۊمیٛا ڤا لٛاتین یٱکی بیئن ۉ کٱلٱمٱیا لٛاتین فرٱ اومانٱ دش. دماتر د زؽر باٛرٱق رٱتن بریتانیا، جۊتیا د هارگٱ ٱفتاوزنوݩ اۊچاْ بیئن ۉ د رٱتن ۉ اوماین ڤا زڤونیٛا ڤلات نشین، لزڤ «کنتی» ناْ راس کردن. ساکسونیٛا هٱم کاْ د هارگٱ ۉ هارگٱ ٱفتاونشیݩ بیئن، لزڤ «ساکسونی ٱفتاونشیݩ» ناْ رٱڤٱندیٛاری کردن.

آنگلویایی کاْ د شمال ۉ میٛنجا اْنڳلٛیس بیئن، ڤایٱک، لزڤیٛا «آمبریا شمالی» ۉ «مرسیایی» ناْ دۏرس کردن. سنت بید سیفاش یٱنا بی کاْ آنگلویا راساگٱ گٱپترؽ د هاک بریتانیا (نزیک ڤ گرد هاکش) ناْ گرت ۉ هین خوشو کردن ۉ نوم «اْنگلٱند» (England) د نوم اؽ هۊز گرتٱ بیٱ. کٱلٱمٱ "England" د Engla land کاْ هومبراڤٱرٱ ڤا «ڤار آنگلویا» رٱتٱ د زڤونیٛا هنی، بورؽ د خٱلک ایسجا بیٱ د فریزیا، نیدرزاکسون، یۊتلان ۉ هارگٱ سوئد د او گات اومان سی بریتانیا.

زڤوݩ اْنڳلٛیسی دمادار قرؽ د لزڤ د ٱنڳلٛیسی گات آنگلوساکسون کارگرایی داشتٱ. یٱکؽ د ایٛ لزڤیا، ساکسونی ٱفتاونشیݩ دمایی بی کاْ کٱم کٱم د لزڤیٛا هنی زئل بی. قی نومٱ بئوڤولف هین گات بیٱ. گموݩ ماٛرٱ کاْ د سدٱ نۏئم دما زارۊ، لزڤ ساکسونی، سی پاتشایی شا آلفرد (یٱکمی پاتشا اْنڳلٛیس کاْ د هۊز ساکسون بی)، ڤ لزڤیٛا هنی زئل بیٱ ۉ د او گات ڤا داسوݩ زڤوݩ جاڤٱنٱ ایٛ ڤلات دؽاری میٛکٱ.

اْنڳلٛیسی دماتر، د دیجا لزڤی، فرٱ ڤا اْنڳلٛیسی ایساْ فٱرخ مؽکٱ. چی کٱلٱمٱیا light ۉ drought، ڤ تۉر «لیخت» ۉ «دراخت» د زڤوݩ در میٛان ۉ یا جۏملٱ :Will you give me your jacket, good man?، چنی گوتٱ مۊئٱ: Wilt ðu sellan me ðin clæð, godman min?

د اؽ گات قرؽ کٱلٱمٱ؛ د زڤوݩ لٛاتین، میٛن زڤوݩ اْنڳلٛیسی بی کاْ کٱلٱمٱیؽ چی : altar, mass, priest, psalm, temple, kitchen, palm, pear,... د ڤنونٱن. قرؽ کٱمتر کٱلٱمٱ هٱم د زڤوݩ اْسکاندیناڤی، ڤ دٱس ڤایکینڳیٛا کاْ د آخریٛا سدٱ هٱشتم ڤ اۊلٛا، کٱم کٱم ایٛرشتیایی ڤ اْنڳلٛیس داشتن ۉ راساگٱیایی نٱ هٱلارۊ کردن، میٛن ایٛ زڤوݩ بی. د اؽ کٱلٱمٱیا، مۊئٱ د law، take، cut، both، ill، ugly، ناْ گوت.

اْنڳلٛیسی دمایی، گٱنجٱ کٱلٱمٱیا فراٛیب ناشت ڤلٛی، چی زڤونیٛا هنی هند ۉ اورۊپایی، دٱستۊر زڤونش فرٱ سٱخت بی.

اْنڳلٛیسی مؽونٱ[آلشتکاری]

اْنڳلٛیسی دماتری یا باستان دۏ گات دش ایٛرشت بیٱ. یٱکم د لٛا هٱچایٱکاریٛا زڤونیٛا جرمٱنی شمالی، د سدٱ هٱشت ۉ نۏ زارۊیی، اۊساْ کاْ هالڤن رگناسون ۉ ایڤار رگناسون اْشناختٱ بیٱ ڤا نوم ایڤار بی سخو تٱسمیم گرتن سی اْستعمار راساگٱیا شمالی میٛناڤٱیا بریتانیا. گلٛ دۏئم ایٛرشت د لٛا هٱچایٱکاریٛا زڤونیٛا رۊمی تٱڤار بی. نوئا گرتن اْنڳلٛیس ڤ دٱس نورمٱنیٛا کاْ د سال ۱۰۶۶ زارۊیی بی، کٱم‌کٱم آلشتکاری بلوجی د زڤونشو دیٛاری کرد. نورمٱن دماتر د سدٱ ۱۱ زارۊیی ڤا ایٛرشت نورمٱنیا ڤ اْنڳلٛیس ڤ آنگلو-نورمٱن ۉ دماتر ڤ آنگلو- فرنچ آلشت بی ۉ بورؽ نۏیی د کٱلٱمٱیا نۊ میٛن زڤوݩ اْنڳلٛیسی اوئرد، کٱلیمٱیایی کاْ د دۉلٱت ۉ دادگایا ڤ کار گرتاْ بیئن .

زڤوݩ فرانساٛیی - سی هوکۊمٱت نورمٱنیٛا - زڤوݩ گٱپیٛا ۉ سردیٛاریٛا کومولٱیٱکی بی، ۉ اْنڳلٛیسی دماتر، زڤوݩ آیمیٛا مٱمۊلی ۉ ژار بی، زڤوݩ فرانساٛیی فرٱ ری اْنڳلٛیسی کارگرایی داشت. نوئاتر د سال ۱۲۵۰، تٱنڳؽا ۹۵۰ کلٱمٱ نۊ، بیٛشتر سی یٱ کاْ آمد ۉ شود اْنڳلٛیسیا ۉ فرانساٛیی یا، میٛن زڤوݩ اْنڳلٛیسی بی. ڤلٛی نۉهٱلمونٱ، سی یٱ کاْ فرانساٛیی یا بنا ڤ یاد گرتن زڤوݩ اْنڳلٛیسی نؽان ۉ کلٱمٱیایؽ د زڤوݩ خوشو میٛن زڤوݩ اْنڳلٛیسی هۉگٱ کردن، قر فراٛیی کلٱمٱ د زڤوݩ فرانساٛیی تاسۉ گرتٱ بی؛ جۊرؽ کاْ ایساْ ساْ یٱک کلٱمٱیا زڤوݩ اْنڳلٛیسی یٱ، مۊئٱ فرانساٛیی دارٱن. بیٛشتر میٛنجا دامونٱ کلٱمٱیا ڤا هومیاری کلٱمٱیا اْسکاندیناڤی ۉ نورمٱنی اْتفاقی بی کاْ باعس آسوتر بیئن دٱستۊر زڤوݩ اْنڳلٛیسی بی ۉ د ایٛ زڤوݩ، زڤوݩ تاسۉگرتٱیی ساخت (چی فرٱ تر د قبۊل کردن عادی کلٱمٱیا زڤونی هنی ڤ دٱس ایٛ زڤوݩ ئٱ).

لزڤ midland، د سدٱ چاردٱئم، یٱنؽ گاتؽ کاْ راساگٱیا هٱچایٱکار ایٛ لزڤ، بیئن میٛنجاڤٱن گٱپ کلونکاری دونسمٱنیجا، پیشکرد اومۊری ۉ آمۊختارکاری د اْنڳلیس بیٱ، جا خوش ڤا داسوݩ ڤٱرتیٱگرتریݩ د ایٛ گات، ڤا کرد ۉ میدلٱند ٱفتاوزنوݩ لزڤ زیٛل شٱئر لٱندٱن بی. یٱکیٛ د چیایؽ کاْ باعس زیٛل بیئن ایٛ لزڤ بی؛ جۊرؽ کاْ اْنڳلٛیسی ایساْ، تٱقریبٱن شؽڤٱ کامل بیٱ میدلٱندی ٱفتاوزنوݩ ئٱ، رٱڤش ایٛ لزڤ ڤ دٱس دٱسگایا هوکۊمٱتی ۉ نڤیسدیٛاری دۉلٱتی بیٱ. د نیسسٱیا نوم دیٛار گات اْنڳلٛیسی مؽونٱ مۊئٱ نوم مٱتٱلیٛا کانتربۊری د جفری چاوسر ناْ اوئرد.

اْنڳلٛیسی نۊ[آلشتکاری]

کارگرایی لٛاتین ۉ نئولٛاتین (دۏبیٛشتر فرانساٛیی ۉ ایتالٛیایی) د کلٱمٱیا زڤوݩ اْنڳلٛیسی تٱقریڤٱن میٛرٱسٱ ڤ ۵۸٪ دٱرسٱد.

اْنڳلٛیسی نۊ ڤا ڤیراشا اومایٱ د دٱسگا کلٱمٱیاش ۉ دٱستۊر زڤوݩ خوش زڤون فرٱ آسونؽ د دیدجا دٱستۊری بیٱ ۉ سی یٱ کاْ هیٛزگرتن فرٱ د کلٱمٱیا لٛاتینی ۉ فرانساٛیی ۉ نوئاتر د ڤنو یۊنانی، کوت فراٛیؽ د کلٱمٱیا دماتری آنگلوساکسون خوش د مۊئٱ جرمٱنی نیٛ د ڤیر بوردٱ ۉ ری یٱک رٱتٱ نسڤٱت ڤ زڤوݩ آلمانی، هٱمٱ جۊرؽ (دٱنڳی، کلٱماٛیی، دٱستۊری) آلشت بیٱ. د اْنڳلٛیسی نۏ ناْ تٱنڳؽا نوم، ٱنجومدیٛار ۉ هٱرف ۉ کوت فراٛیؽ د هالٱتیٛا سٱرفی خوش ناْ د دٱس دٱئٱ ۉ د یاٛ زڤوݩ سٱرفی شؽڤس گٱر (ڤ اْنڳلٛیسی synthetic inflecting) بیٱ ڤ زڤوݩ هساوگٱری (ڤ اْنڳلٛیسی analytic) .

اْنڳلٛیسی ۉ زڤونیٛا فامیلٛ[آلشتکاری]

زڤوݩ اْنڳلٛیسی هؽن بوریٛ آنگلو-فریسی ئ۹ٱ. آنگلو-فریسی زؽرتٱلٛؽ د تٱلٛ ٱفتاونشیݩ زڤونیٛا جرمٱنی ۉ د لٛار زڤونیٛا هند-اورۊپایی ئٱ. اْنڳلٛیسی میزو د اْنڳلٛیسی میونٱ آو خوش میزو د اْنڳلٛیسی دماتر گرتٱ بیٱ ۉ اْنڳلٛیسی دماتر د یورت زڤوݩ نوئا-جرمٱنی (Proto-Germanic) ئٱ. چی بیٛشتر زڤونیٛا جرمٱنی، اْنڳلٛیسی سی داشتن ٱنجومدیاریٛا هومیاری د زڤونیٛا هنی دیٛاری مۊئٱ. بورؽ د ٱنجومدؽاریٛا ڤ دۏ بور زڤٱرد ۉ زۊین ۉ جۊر دٱنڳیٛایی کاٛ دش ڤ کار گرتٱ بیٱ، ایٛ زڤوݩ د زڤونیٛا نوئا-هند ۉ اورۊپایی سڤا میٛکٱ، ڤ ایٛ نیسسٱ قانۊنی گریم گوتٱ مۊئٱ. نزیکتریݩ زڤونیٛا زنٱ مٱربۊت ڤ اْنڳلٛیسی : اْسکاتس (کاْ د اْسکاتلٱند ۉ کوتؽایی د ایرلٱند شمالی هچایٱ مۊئٱ) ۉ زڤونیٛا فریسی (کاْ د کٱشیٛا هارگٱ دٱریا شمال د دانمارک، هولٱند ۉ آلمان هچایٱ مۊئٱ)

نوئاتر د زڤونیٛا اْسکاتس ۉ فریسی، زڤونیٛا هومریشٱ ڤا اْنڳلٛیسی کاْ قۉمی دیرتری دارٱن قرار ماٛیرٱ. ایٛ زڤونیٛا، زڤونیٛا غاٛر آنگلو-فریسی د ایٛ قرارٱن:

سیٛڤا د زڤوݩ اْسکاتس، هیژ کوم د زڤونیٛا هنی نسبٱت ڤ اْنڳلٛیسی سی دۏ کاریاری ڤنٱ فٱمسنی نیٛ ۉ هٱتا ڤا یٱ کاْ د نٱهڤ، معناشناسی ۉ ڤاج شناسی ڤنو مۊئٱ کوچک نشونیٛا چی یٱکی پیٛا کرد. سیٛڤا د قرار گرتن میٛناڤٱیا بریتانیا باعس بیٱ کاْ اْنڳلٛیسی ۉ اْسکاتس جگا د زڤونیٛا جرمٱنی رۏشت بٱکٱن ۉ کاراگرایا ۉ آلشتیٛا ڤنو دیر بٱمونن. د کولٛ ڤا یٱ کاْ میٛن نزیکی میٛن زڤونیٛا چی هلٱندی و اْنڳلٛیسی هیٛ، خوسۊسٱن ڤا اْنڳلٛیسی دماتر ڤلٛی ایٛ دۏتا زڤوݩ سی هٱر دۏ کاربرش فٱمسنی نؽ.[۲]

اْزافٱ ڤ سڤا مٱنن اْنڳلٛیسی د زڤونیٛا جرمٱنی، چی هنی کاْ ایٛ تلیشٱ ناْ بیٛشتر میٛکٱ بیئن هٱجم فراٛیؽ د کلٱمٱیا لٛاتین ۉ فرانسٱ د زڤوݩ اْنڳلٛیسی ئٱ کاْ بائس بیٱ دایرٱ کلٱمٱیا اْنڳلٛیسی د زڤونیٛا جرمٱنی جیاڤازی بیرٱ. چی کلٱمٱ لٛاتین "exit «هومبراڤٱر ڤا «ڤ دٱر بییٛ» د ری ڤ ری کلٱمٱ هولٱندی »uitgang" هیٛ کاْ نزیک ڤ جۏملٱ اْنڳلٛیسی «out-going» ئٱ هٱهمچنیݩ جۏملٱ "outgang" هٱم د اْنڳلٛیسی ڤ کار گرتٱ مۊئٱ.[۳] یا کلٱمٱ فرانساٛیی "change" هومبراڤٱر ڤا «آلشت» ها د براڤٱر کلٱمٱ آلمانی «Änderung» کاْ دٱقیقٱن مۊئٱ «alteration, othering». ۉ یا "movement «(فرانساٛیی) ها د ری ڤ ری »Bewegung" (آلمانی)، چی کوملۊس کلٱمٱ «be-way-ing» کاْ د اْنڳلٛیسی هومبراڤرٱ ڤا «نوئا رٱتن د تیل را».

ڤا یٱ کاْ گرد کلٱمٱیایؽ کاْ اْنڳلٛیسی د زڤونیٛا هنی آز گرتٱ ایسنی هنی هٱم ایٛ زڤوݩ ڤا داسوݩ یٱ زڤوݩ جرمٱنی دیٛاری میٛکٱ ۉ سی ساختار ۉ دٱستۊر زڤوݩ ایٛ زڤونٱ کاْ هنی ڤش مۊئٱن زڤوݩ جرمٱنی. چنی کلٱمٱیایؽ ناْ ڤ زڤوݩ داڤاری میٛنیسٱن ڤلٛی ڤا دٱستۊر ۉ قانۊنیٛا سٱرف ۉ نٱهڤ جرمٱنی ڤ کار گرتٱ مۊئٱن ۉ اۊساْ ایٛما گموݩ میٛکؽم کاْ ڤنو د کلٱمٱیا داڤاری جرمٱنی گرتٱ بیٱ ۉ ڤنو د اْنڳلٛیسی دماترٱن. چی ٱنجومدیٛاری reduce کاْ د اْنڳلٛیسی ڤ شؽڤٱ (I reduce - I reduced - I will reduce) کار مۊئٱ، د کٱلیمٱ لٛاتین redūcere گرتٱ بیٱ ڤلٛی کلٱمٱ لٛاتین خوش د ڤ کار گرتن جۊر هنی ( redūcō - redūxī - redūcam) رٱفتار میٛکٱ کاْ ڤا اْنڳلٛیسی فٱرخ میٛکٱ. ڤلٛی د ری ڤ ری یٱ کلٱمٱ اْنڳلٛیسی (John's life insurance company) ٱر بها ڤ هولٱندی لیٛرٱ با مۊئٱ Johns levensverzekeringsmaatschappij کاْ ڤ تور لێرٱ ڤنٱ چنینٱ: (leven (life) + verzekering (insurance) + maatschappij (company)). چنی گوتٱ اْنڳلٛیسی the company of insurance life of John لێرٱ خوش ڤ فرانساٛیی مۊئٱ la compagnie d'assurance-vie de John. د کول د زڤوݩ اْنڳلٛیسی دمادیسیٛا دٱستۊری کاْ ڤا نوم ٱنجومدیٛار، شؽڤٱ دیٛار ۉ سلاکار اْزافٱ مۊئٱ گرد جرمٱنی ئٱن. د اْنڳلٛیسی پٱسڤٱنی کاْ نوم دیس مۊئٱ پٱسڤٱن کٱلوݩ مٱعمۊلی ئٱ: s- و es- چی apple - apples هومبراڤٱر ڤ نٱ د زڤونیٛا هنی د ایٛ قرارٱن: د فریسی appel - appels ۉ د هولٱندیappel - appels. نشونٱ هۉونی د اْنڳلٛیسی (-'s ۉ -s') ئٱن چی Brad's hat د آلمانی Brads Hut د هولٱندیBrads hat. د ٱنجومدیٛار پٱسڤٱنیٛایی کاْ اْزافٱ مۊئٱن د گات هال سادٱ سئم کٱس تٱک دی قرارٱن (-s و -es) چی he stands یا he reaches د هال اْستمراری نوئادیس 'ing- ڤا هۊمبا هولٱندیende- ۉ هومبا آلمانی (-end(e)) ۉ د گوزٱشتٱ سادٱ ۉ گوزٱشتٱ گوتنی (ماز گوتنی) نوئادیس ed- ڤا هومبراڤٱر سوئدی ('-ade یا -ad). مٱسدٱر ٱنجومدیٛار د اْنڳلٛیسی ڤا نوئادیس to دۏرس مۊئٱ چی to drive کاْ هومبٱراڤٱر ڤنٱ د اْنڳلٛیسی دماتر tō drīfenne د هلندیte drijven د آلمانی هارگٱto drieven ۉ د آلمانی zu treiben مۊئٱ. قاٛیدیٛا د اْنڳلٛیسی مٱمۊلٱن ڤا ly- خلاس مۊئٱن کاْ ڤ د آلمانی چی lich- ۉ د سوئدی چی ligt- ئٱ. شؽڤٱ دؽاریٛا ۉ سلاکاری بؽتر ۉ بؽتریݩ د اْنڳلٛیسی ڤا ڤ کار گرتن more ۉ most یا er- ۉ est- دۏرس مۊئٱ چی hard/harder/hardest ڤا هومبراڤٱر هولٱندی hard/harder/hardst. د اْنڳلیسی ایسنی گرد دمادیسؽا ۉ نوئادیسؽایی کاْ گوتٱ بی هاٛ چنی ۉ بؽ کاْ ڤٱ مۊئٱ کلٱمٱیا ناْ ساٛلٛ بٱکٱ بٱسٱ ۉ ڤ کار گرتن ڤنٱ د ٱڤٱل یا آخر کلٱمٱیا اْزاف مۊئٱ : (tsunamis; communicates; to buccaneer; during; calmer; bizarrely) دلٛیلٛ ایٛ آزادی کار کردݩ یٱنٱ کاْ گرد ڤنو د اْنڳلٛیسی دماتر گلٛ موئٱرٱ. فرٱ د دئمادیسیٛا ۉ تیکٱیا آخری ٱنجوم دیٛار کاْ د اْنڳلٛیسی دماتر بینٱ چی (-e،a،u،o،an) ڤا گوئاردݩ گات ۉ زموݩ کٱم رٱنڳ بینٱ ۉ دٱس آخر کۊر بینٱ (zero or null (-Ø) affixes) ۉ قرؽ دشو تٱنڳؽا گوتنؽ دشو مٱنٱ. چی جۏملٱ ic singe د اْنڳلٛیسی دماتر بیٱ ڤ I singe ۉ دٱس آخر تیکٱ آخری د اْنڳلٛیسی ایسنی پاکسا بیٱ I sing-Ø ۉ ڤا شؽڤات «I sing» مٱنٱ. یٱکیٛ تئر: wē þōhton اْنڳلٛیسی دئماتر ڤ (we thoughte(n)) نوئاتر ڤا پاکسا بیئن تیکٱ آخری we thought-Ø د «we thought» د اؽ ری ڤ اۊ ری بیٱ.

گٱپ کٱلوݩ کاری ڤلات شناسی[آلشتکاری]

شؽڤٱدیٛار ڤلاتیٛایی کاْ اْنڳلٛیسی زڤوݩ ٱڤٱل ڤنونٱ ٱلڤٱت د پایٱ شمارٱ هچایٱکاریٛا.

اْنڳلٛیسی، زڤون داڤاری نزیک ڤ ۳۷۵ ملٛیوݩ کٱس د دۏنیا ئٱ.[۴] نوئاتر د زڤوݩ چینی ماندارین ۉ اْسپانیایی، اْنڳلٛیسی سئمی زڤوݩ دۏنیا د دیجا شمارٱ هچایٱکارؽا ئٱ. ڤلٛی ٱر شمارٱ کٱسونؽ کاْ زڤوݩ داڤاریشوݩ اْنڳلٛیسی ئٱ ۉ کٱسونؽ کاْ تٱنڳؽا ڤ ایٛ زڤوݩ هچایٱ میٛکٱ بٱشمارؽم، اۊساْ مۊئٱ بۉیی کاْ اْنڳلٛیسی پورکاربوردتریݩ زڤوݩ د کولٛ دۏنیا ئٱ. ٱلڤٱت ٱر ڤا کولٛ زڤونیٛا چینی بٱنؽمش ری ڤ ری یٱک اۊساْ مۊئٱ بۉیی کاْ زڤوݩ دۏئم ئٱ. (یٱ بٱستاْ ڤ یٱنٱ کاْ د دٱسٱبٱنی میٛن لزڤی ۉ زڤونی فٱرخ بٱنؽم یا نٱ)

سیاتٱ د هٱچایٱ کاریٛا زڤوݩ دۏئم نشوݩ دٱئٱ کاْ ڤنو ۴۷۰ ملٛیوݩ ۉ بیٛشتر د یاٛ ملٛیارد میٛ تونٱ نوفۊس داشتۊئٱ ٱلڤٱت بٱستٱ ڤ یٱ کاْ تٱنڳؽا د ایٛ زڤوݩ هچایٱ بٱکٱن (بؽ نیسٱنن) یا دش ڤارد بۊئٱن .داٛیڤید کریستال، دونسمٱن زڤوݩ شناس، هساو کردٱ کاْ شمارٱ کٱسونؽ کاْ زڤوݩ داڤاریشو اْنڳلٛیسی نیٛ د کاْ اْنڳلٛیسی زڤوݩ داڤاریشونٱ فرٱ بؽشترٱ ۉ نسڤٱت یٱک ڤ ساْ دارٱن.

ری سیائٱ سال ۲۰۰۶ ڤلاتیٛا ڤا بیٛشتریݩ نوفۊس هچایٱکاریا داڤاری زڤوݩ اْنڳلٛیسی د نوفۊس بیٛشتر ڤ کٱمتر د یٱ قرارٱن:: ڤلاتچٱیا یٱکاگرتٱ اْمریکا ۲۵۱ ملٛیوݩ، بریتانیا ۶۱ ملٛیوݩ، کانادا ۱۸٫۲ ملٛیوݩ،[۵] اوسترالٛیا ۱۵٫۵ ملٛیوݩ،[۶] نیجریٱ ۴ ملٛیوݩ ،[۷] ایرلٱد ۳٫۸ ملٛیوݩ، آفریقا هارگٱ ۳٫۷ ملٛیوݩ ۉ زلاندنۊ ۳٫۶ ملٛیوݩ کٱس.

هٱمچنی ڤلاتیٛایؽ چی فیلٛیپین نیجریٱ ۉ جامائیکا چٱن ملٛیوݩ هچایٱکار ڤا زٱنجیرٱ گۊیشی د کریول ڤا پایٱ اْنڳلیسی تا اْنڳلٛیسی اْستاندارد دارٱن. میٛن ڤلاتؽایؽ کاْ اْنڳلٛیسی زڤوݩ دۏئمشونٱ. هند بؽشتریݩ شمار د اؽ هچایٱکارؽا دارٱ (اْنڳلٛیسی هند). کریستال مۉئٱ کاْ ٱر شمار اْنڳلٛیسی زڤونؽا دالکی ۉ غاٛر دالکی ناْ ڤا یٱک هساو بٱکؽم هند نسڤٱت ڤ ڤلاتؽا هنی بؽشتریݩ کٱسوناْ دارٱ کاْ اْنڳلٛیسی ناْ مؽ فٱمٱن یا قسٱ مؽکٱن.[۸][۹]

ڤلاتیٛا د ری تۏر شمارٱ هٱچایٱ ڤٱریٛا[آلشتکاری]

ڤلات گرد دٱرسٱد نوفۊس زڤوݩ یٱکم ڤا داسوݩ زڤوݩ اْزاف بیٱ نوفۊس دبارٱ
ڤلاتچٱیا یٱکاگرتٱ اْمریکا ۲۵۱٬۳۸۸٬۳۰۱ ۹۶٪ ۲۱۵٬۴۲۳٬۵۵۷ ۳۵٬۹۶۴٬۷۴۴ ۲۶۲٬۳۷۵٬۱۵۲ سٱرتیٱ: سیاتٱ سال ۲۰۰۰: کاربورد زڤوݩ ۉ تونا هچایٱ ڤرؽا زڤوݩ اْنڳلٛیسی (۲۰۰۰)، جٱدڤٱل ۱. یٱکاگیری کٱسونیٱ کاْ د هونٱ اْنڳلٛیسی هچایٱ نمؽکٱن ڤلٛی ڤا اؽ زڤوݩ «فرٱ خۊ» یا «خۊ» آشنا ئٱن.

ڤیرتو بۊئٱ: اؽ اْتلاعات هؽن کٱسوݩ پٱنج سالٱ ۉ ڤارۉتر ئٱ.

هند ۱۲۵٬۳۴۴٬۷۳۶ ۱۲٪ ۲۲۶٬۴۴۹ سی ۸۶٬۱۲۵٬۲۲۱ کٱس زڤوݩ دۏئم.سی ۳۸٬۹۹۳٬۰۶۶ کٱس زڤوݩ سئم ۱٬۰۲۸٬۷۳۷٬۴۳۶ یٱکاگیر کٱسوݩ اْنڳلٛیسی کاْ اْنڳلٛیسی زڤوݩ دۏئم شونٱ ۉ کٱسونؽ کاْ زڤوݩ سئم ی ڤنونٱ. هینئ سالئ ۲۰۰۱.[۱۰][۱۱] هٱمچنیݩ اؽ دادهٱیا هؽن کٱسونؽ ئٱ کاْ تٱنڳؽا اْنڳلٛیسی هچایٱ مؽکٱن ڤلٛی ڤاش کار مؽکٱن.[۱۲]
نیجریٱ ۷۹٬۰۰۰٬۰۰۰ ۵۳٪ ۴٬۰۰۰٬۰۰۰ >۷۵٬۰۰۰٬۰۰۰ ۱۴۸٬۰۰۰٬۰۰۰ ای عٱدٱدؽا هؽن هچایٱ ڤرؽا زڤوݩ شؽڤسٱ نیجریٱ هؽ. یاٛ زڤوݩ شؽڤسٱ یا یک کرول ڤ پایٱ اْنڳلٛیسی. "A Basic Description and Analytic Treatment of Noun Clauses in Nigerian Pidgin." Nordic Journal of African Studies 15(3): 296–313.
بریتانیا ۵۹٬۶۰۰٬۰۰۰ ۹۸٪ ۵۸٬۱۰۰٬۰۰۰ ۱٬۵۰۰٬۰۰۰ ۶۰٬۰۰۰٬۰۰۰ سٱرتیٱ: کریستال (۲۰۰۵)، سٱفٱ.  109.
فیلٛیپین ۴۸٬۸۰۰٬۰۰۰ ۵۸٪ ۳٬۴۲۷٬۰۰۰ ۴۳٬۹۷۴٬۰۰۰ ۸۴٬۵۶۶٬۰۰۰ اْتنولوگ lists 3.4 million native speakers with 52% of the population speaking it as an additional language.
کانادا ۲۵٬۲۴۶٬۲۲۰ ۸۵٪ ۱۷٬۶۹۴٬۸۳۰ ۷٬۵۵۱٬۳۹۰ ۲۹٬۶۳۹٬۰۳۰ Source: 2001 Census – Knowledge of Official Languages and Mother Tongue. The native speakers figure comprises 122,660 people with both French and English as a mother tongue, plus 17,572,170 people with English and not French as a mother tongue.
اوسترالٛیا ۱۸٬۱۷۲٬۹۸۹ ۹۲٪ ۱۵٬۵۸۱٬۳۲۹ ۲٬۵۹۱٬۶۶۰ ۱۹٬۸۵۵٬۲۸۸ Source: 2006 Census.

The figure shown in the first language English speakers column is actually the number of Australian residents who speak only English at home. The additional language column shows the number of other residents who claim to speak English "well" or "very well". Another 5% of residents did not state their home language or English proficiency.

ڤیرتو با: گرد = زڤوݩ یٱکم + زڤوݩ هنی، دٱرسٱد = جینات/گرد

ڤلاتؽایؽ کاْ اْنڳلٛیسی زڤوݩ ڤامداٛ ڤنونٱ[آلشتکاری]

ڤلاتؽایؽ کاْ زڤوݩ اْنڳلٛیسی ھا د اوچاْ ۉ تٱقریبٱن د اوچاْ جاڤٱنٱ ئا ینونٱن:آنگۊلا، آنتیگوا ۉ باربۊدا، اوسترالٛیا، باهاما، باربادوس، بلیز، برمۊدا، راساگٱ بریتانیا د جهوݩ آو ھند، مؽناڤٱیا ڤیرجین بریتانیا، تیکٱ اْنڳلٛیسی زڤوݩ کانادا، مؽناڤٱیا کیمن، دۊمینیکا، مؽناڤٱیا فالکلٱند، کۊ زلٛ، گرنادا، گۊئام، مؽناڤٱیا چٱنل، گۊیان، تیکٱیا اْنڳلٛیسی ایرلٱند، مؽناڤٱ مٱن، جاماییکا، جرزی، مونتسرات، نائورو، تیکٱ اْنڳلٛیسی زڤوݩ زلاند نو، مؽناڤٱیا پیت‌کرن، سنت هلن، سنت کیتس ۉ نڤیس، سنت ڤینسنت ۉ گرنادینیا، سٱنگاپۊر، میناڤٱیا جورجیا هارگٱ ۉ ساندڤیجی هارگٱ، ترینیداد ۉ تۊباگو، مؽناڤٱیا تۊرکس ۉ کایکوس، بریتانیا ۉ ڤلاتچٱیا یٱکاگرتٱ اْمریکا.

د قرؽ د ڤلاتؽا اْنڳلٛیسی زڤوݩ ڤامداٛ مٱردمونشو نؽ ڤلی زڤوݩ کارؽا دیڤونداری ۉ تٱسیقیا جاڤغستٱ ڤنونٱ. اؽ ڤلاتؽا د اؽ قرارٱن: بوتسۊانا، کامرون، ڤلاتچٱیا فدرال میکرونئسیو، فیجی، گامبیا، غنا، هند، کنیا، کیریباتی، لئسوتو، لیبریا، ماداگاسکار، مالت، مؽناڤٱیا مارشال، موریس، نامیبیا، نیجریٱ، پاکستان، جومهۊری بلاۉ، پاپوآ گینٱ نۊ، تیکٱ اْنڳلٛیسی فیلٛیپین، روئاندا، سنت لۊسیا، ساموئا، سیشل، سیرالئون، مؽناڤٱیا سولئیمو، سریلٛانکا، سۊدان، سۊدان هارگاٛیی، سوئازیلٱند، تانزانیا، اوگاندا، زامبیا ۉ زیمباڤٱ. هٱمچنی ڤلاتیایؽ هؽسن کاْ اْنڳلٛیسی د تیکٱیا د خول ڤنو زڤوݩ دیڤونداری دۏئم (ڤ داسون موکٱمل) کاربورد دارٱ؛ سن آندرسی پروڤیدنسیا د کولومبیا ۉ کنارٱ آو موسکویتو (Mosquito Coast) د نیکاراگوئٱ دی دٱسٱ هؽسن. چنی نوفۊزی زڤوݩ اْنڳلٛیسی سی خاتر دۉروݩ اْستئمار بریتانیا د اؽ راساگٱیا ئٱ.

هٱمچنیݩ اْنڳلٛیسی یٱکؽ د ۱۱ زڤوݩ جاڤٱستٱ د اْفریقا هارگاٛیی ئٱ. د راساگٱیا هنی اوسترالٛیا چی مؽناڤٱ نورفولک، مؽناڤٱ کریسمٱس ۉ جزیرٱ کوکوس ۉ تیکٱیا هنی اْمریکا چی سامۊئا اْمریکا، گوئام، مؽناڤٱیا ماریانا شمالی، پورتوریکو ۉ مؽناڤٱیا ڤیرجین ۉ تیکٱیا بریتانیای هونگ کونگ، اْنڳلٛیسی زڤوݩ جاڤٱستیٱ.

اْنڳلٛیسی زڤوݩ جاڤٱستٱ ڤلاتچٱیا یٱکاگرتٱ نؽ[۱۳] ۉ دۉلٱت فدرال اْمریکا هیژ زڤوݩ جاڤٱستاٛیؽ ناْ دؽاری نٱکردٱ ڤلٛی ۳۰ ڤلاتچٱ د ۵۰ ڤلاتچٱ ڤنٱ د زؽر اْنڳلٛیسی ڤ داسون زڤوݩ جاڤٱستٱ رٱتنٱ. د ڤلاتؽا زؽر همایٱت بریتانیا چی بٱهراٛین، بٱنگلادش، برونی، قبرس، مالزی ۉ اْمارات یکاگرتٱ عرۉیی اْنڳلٛیسی زڤوݩ ڤامداٛ هساو مۊئٱ.

نٱشخٱ ڤلاتؽایؽ کاْ زڤوݩ اْنڳلٛیسی زڤوݩ جاڤٱنٱ یا زڤوݩ دۏبؽشتر ایسجایا ڤنونٱ.

اْشناختنی دٱنڳ[آلشتکاری]

ڤاکٱیا د اْنڳلٛیسی د راساگٱیا ڤ راساگٱیا هنی فٱرخ مؽکٱ؛ ڤلٛی بؽشتر تیل ۉ کٱشسنی دٱنڳؽا د هومبراڤری کلٱمٱ فٱرخؽ دۏرس نمؽکٱ ڤ خسۊس دا اْنڳلٛیسی اْمریکا شمالی.

ٱلفبا[آلشتکاری]

ٱلفبا اْنڳلٛیسی د ۲۶ هٱرف دۏرس بیاْ کاْ د اؽ قرارٱن:

شمارؽا[آلشتکاری]

شمارؽا زڤوݩ اْنڳلٛیسی د اؽ قرارٱن:

هٱرفیٛا گٱپ A B C D E F G H I J K L M N O P Q R S T U V W X Y Z
هٱرفیٛا کوشکٱ a b c d e f g h i j k l m n o p q r s t u v w x y z
گوتن لٛۏری اٛی بی سی دی ای اْف جی اْچ آی جاٛی کاٛی اْل اْم اْن او پی کیۊ آر اْس تی یۊ ڤی دابلٛیۊ ایکس ڤای زد/زی
د ۱ تا ۹ ۱ ۲ ۳ ۴ ۵ ۶ ۷ ۸ ۹ ۱۰ ۲۰ ۳۰ ۴۰ ۵۰ ۶۰ ۷۰ ۸۰ ۹۰ ۱۰۰ ۱۰۰۰ ۱۰۰۰۰۰۰
نیسٱنن one two three four five six seven eight nine ten twenty thirty forty fifty sixty seventy eighty ninety hundred thousand million
گوتن لٛۏری ڤان تۊ تری فور فایڤ سیکس سڤن اٛیت ناین تن تونتی تیرتی فورتی فیفتی سیکستی سڤنتی اْیتی ناینتی هاندرد تاوزنت میلیون

دٱستۊر زڤوݩ[آلشتکاری]

نوم[آلشتکاری]

جٱدڤٱل جاگوتن نوم د زڤوݩ اْنڳلٛیسی (گوتنیٱ: نوم د زڤوݩ اْنڳلٛیسی دماتر، دیارکاری نر ۉ ما داشت. هومبراڤٱر ماینٱ، نرینٱ یا خونسا بی. نوم نرینٱ، مؽتونس ڤا چارچۊ یا بؽ چارچۊ بۊئٱ)

ٱنجوم دؽار[آلشتکاری]

کارؽ کاْ روخ ڤٱن مۊئٱ.

سلاکار[آلشتکاری]

شرایت ۉ جۊر کاْ کار روخ ڤٱن مۊئٱ.

شؽڤٱ دیٛار[آلشتکاری]

کلٱماٛ کاْ دبارٱ نوم مۊئٱ ۉ ڤنٱن تۉسیف مؽکٱ.

کلٱمٱیا[آلشتکاری]

کلٱمٱیا اْنڳلٛیسی فرٱ د قٱرنؽا فٱرخ گرتنٱ.[۱۴]


قری کلٱمٱیا[آلشتکاری]

قری کلٱمٱیا اْنڳلٛیسی فرٱ زؽادٱ ڤ هیچ سٱرتیٱ جاڤٱستاٛ چی ڤنی کاْ سی فٱرانساٛیی هؽ کاْ گردی کلٱمٱیا اْنڳلٛیسی قبۊل گرتۊ ڤ اْشماردۊ ڤ جاکار بٱکاٛ نؽ.

سرچشمٱ[آلشتکاری]

پاٛڤٱن ڤ دٱر[آلشتکاری]

  1. ↑ OxfordLearner'sDictionary 2015, Entry: English - Pronunciation.
  2. ↑ A History of the English Language|Page: 336 | By: Albert C. Baugh and Thomas Cable | Publisher: Routledge; 5 edition (21 March 2002)
  3. ↑ outgang کاْ هومبراڤرٱ ڤا ڤلٛ کردن مال یا ملکیٛا جاگٱ هالٱرۊ بیٱ ئا.
  4. ↑ Curtis, Andy. Color, Race, And English Language Teaching: Shades of Meaning. 2006, page 192.
  5. ↑ Population by mother tongue and age groups, 2006 counts, for Canada, provinces and territories–20% sample data, Census 2006, Statistics Canada.
  6. ↑ Census Data from Australian Bureau of Statistics Main Language Spoken at Home. The figure is the number of people who only speak English at home.
  7. ↑ Figures are for speakers of Nigerian Pidgin, an English-based pidgin or creole. Ihemere gives a range of roughly 3 to 5 million native speakers; the midpoint of the range is used in the table. Ihemere, Kelechukwu Uchechukwu. 2006. "A Basic Description and Analytic Treatment of Noun Clauses in Nigerian Pidgin." Nordic Journal of African Studies 15(3): 296–313.
  8. ↑ Subcontinent Raises Its Voice, Crystal, David; Guardian Weekly: Friday 19 November 2004.
  9. ↑ Yong Zhao; Keith P. Campbell (1995). "English in China". World Englishes 14 (3): 377–390. Hong Kong contributes an additional 2.5 million speakers (1996 by-census).
  10. ↑ Table C-17: Population by Bilingualism and trilingualism, 2001 Census of India[۱]
  11. ↑ Tropf, Herbert S. 2004. India and its Languages[dead link]. Siemens AG, Munich
  12. ↑ For the distinction between "English Speakers" and "English Users", see: TESOL-India (Teachers of English to Speakers of Other Languages). Their article explains the difference between the 350 million number mentioned in a previous version of this Wikipedia article and a more plausible 90 million number: چوٙأ:Bquote
  13. ↑ Languages Spoken in the US[dead link], National Virtual Translation Center, 2006.
  14. ↑ For the processes and triggers of English vocabulary changes cf. English and General Historical Lexicology (by Joachim Grzega and Marion Schöner)


چوٙأ:زڤونؽا جاڤٱنٱ یٱکاگریجا اورۊپا چوٙأ:زڤونؽا نامیبیا

د نۊ زنٱ بیٱ د"https://lrc.wikipedia.org/w/index.php?title=زڤوݩ_اْنڳلٛیسی&oldid=113871"