سيخ
السيخيه دين توحيدى اسسه جورو ناناك (15 ابريل 1469 - 22 سبتمبر 1539) فى اقليم البنجاب فى الهند فى القرن الخمستاشر الميلادى ومعظم اتباعه بيعيشوا فى البنجاب وعددهم بيوصل لحوالى 23 مليون. السيخيه بتعتبر خامس اكبر دين منظم ومن اسرع الديانات انتشار فى العالم. بقم قوه محاربه من بدايات القرن 18 تحت قيادة رانجت سنج ، و دخلوا فى حروب اتعرفت باسم حروب السيخ (1845-1849) ضد الحكم البريطانى ، لكن بريطانيا غلبتهم وضمت البنجاب لممتلكاتها الهنديه.
ظهرت السيخية على ايد غورو ناناك اللى اتولد سنة 1469م ,, تعتبر السيخية ديانه توحيدية بتؤمن بالاله الواحد.
الجورو ناناك كان هندوسي واتولد فى بيئة مسلمة وكان شغال عند ناس مسلمين فتأثر بتعاليم الاسلام وخصوصا موضوع التوحيد وانه لقى فى الاسلام صفات كويسة على عكس الهندوسية زي موضوع الطبقية اللى فى الهندوسية على عكس الاسلام اللى بيساوي بين الغني والفقير
انشأ الجورو ناناك الديانة السيخية فيها دمج من الاسلام والهندوسية تحت شعار لا هندوس لا مسلمون وحط مبادئ للديانة بسيطة قبل موضوع الصلاة والصوم والحج , اهم المبادئ اللى حطها الغورو ناناك هى::-
- بذل الجهد فى العمل
- انكار الوحي وان بينور قلب الانسان بطريقته
- تحريم تصوير الاله فى صور وتماثيل
- الايمان بان الله واحد لا يوصف ولا يرى ولا يتجسد
- لا فرق بين تسمية الاله الواحد فى اللفظ مهما كانت البيئة او القبيلة اللى بتسمي الاله بلغتها
- الزهد
- الاحسان والبر
- التأمل الروحي
لقب جورو او (غورو) باللغة الهندية معناها (المعلم) ,,, فى السيخية 10 غورو اولهم الغورو ناناك مؤسس الديانة واخرهم الغورو جوفند سنج
النصوص المقدسة[تعديل]
- الغورو جرانت صاحب ومعناها (الكتاب الاول) ,,اللى كتب الكتاب ده هو الغورو الخامس للسيخية (الغورو أرجان)
- داسم جرانت اللى كتبه الغورو العاشر (الغورو غوبند سنغ)
اعياد السيخ[تعديل]
- عيد البيساكي
- عيد ميلاد الغورو ناناك
- عيد ميلاد الغورو غوباند سينج
