Праект “Імёны вершамі” ад выкладчыцы Мова Нанова Дзеткам Алены Церашковай створаны найперш для малых беларусаў, іх бацькоў, сваякоў ды сяброў.

Цяпер вы маеце ўнікальную магчымасць замовіць аўтару верш на патрэбнае вам імя!

.

Паглядзіце спіс, і, калі патрэбнага імя няма –  упішыце імя ў каментары пад гэтым спісам. Пажадана дадаваць фота і поўнае імя з прозвішчам таго, каму будзе прысвечаны верш. Зрабіце тое самае, калі імя ў спісе ёсць, але вершы на яго вам не падабаюцца. Колькасць пажаданняў неабмежаваная. Тэрмін выканання замовы неабмежаваны. У выпадку, калі верш будзе напісаны, ён з’явіцца на сайце Мова Нанова ў гэтай рубрыцы пад адпаведнай літарай.

Аўтар пакідае за сабой права надалей публікаваць твор ў любым фармаце, які палічыць мэтазгодным. Вы можаце выкарыстаць вершы ў неабмежаванай колькасці ў любым грамадскім (з дазволу аўтара) альбо прыватным праекце выключна на некамерцыйнай аснове з указаннем аўтара тэкста.

Таксама, у знак падзякі за ідэю і натхненне, выкладаем вершы з праекту кампаніі “Будзьма беларусамі!” “Зоркі імёнаў”, да якога спрычыніліся Рыгор Барадулін, Генадзь Бураўкін, Уладзімір Някляеў.