सिराहाको लाहान नगरपालिका १९ छर्रापट्टीबाट १९ तोला ९७ लाल अवैध सुनसहित दुई जना पक्राउ परेका छन्।
मंगलबार बिहान आठ बजे इलाका प्रहरी कार्यालय लाहानबाट खटिएको टोलीले लाहान नगरपालिका १९ छर्रापट्टी बस्ने २४ वर्षीय मोहमद मोतिउल रहमान र सोही स्थानका २१ वर्षीय मोहमद मुर्तुजालाई पक्राउ गरेको हो।
उनीहरुबाट प्रहरीले १५ लाख ५७ हजार ७९ रुपैयाँ बराबरको सुन चार वटा चेप्टो टुक्रा गोलो बनाई लुकाएको अवस्थामा फेला पारेको जिल्ला प्रहरी कार्यालय सिराहाले जनाएको छ।
प्रहरीले को ३८ प २६३२ नम्वरको मोटरसाइकललाई पनि नियन्त्रणमा लिएको छ। प्रहरीले उनीहरुलाई पक्राउ गरी जिल्ला भन्सार कार्यालय ठाडी, सिराहामा बुझाएको छ।
प्रकाशित मिति: मंगलबार, फागुन १३, २०७६, १८:०१:००
