Gjatë një shkëmbimi – në Facebook – për librin shqip, një koleg ndërhyri për të qortuar shprehjen “kë libër (do të merrnit me vete në plazh)” që kish përdorur tjetri, duke shpjeguar se forma e duhur ishte CILIN LIBËR, dhe pastaj e rëndoi edhe më dozën duke i thënë “fajtorit” se “asht e kotë kjo varavinga letrare kur S’DINI SHQIP”. Në fakt jo. Forma KË LIBËR është po aq “shqip” sa edhe CILIN LIBËR; por i përket një regjistri tjetër të ligjërimit, ku norma gramatikore zbatohet më e çlirët (në këtë kontekst, Ç’LIBËR do të ishte stilistikisht neutrale). Continue Reading »
Advertisements
Në sanatorium të sëmurët shkonin për t’u shëndoshur, në të gjitha kuptimet e fjalës – sepse tuberkulozi të gërryente nga brenda. Vetë emri ishte formim i vonë nga latinishtja sanare, ose në thelb nga e njëjta rrënjë që jep proverbën mens sana in corpore sano, “mendja e shëndoshë në trup të shëndoshë”; ku mbiemri i shëndoshë ka kuptimin edhe “i shëndetshëm” edhe “i ngjallur, i bëshëm, i trashë nga trupi.”
Polistirenit – atij materiali plastik të lehtë si pupël, që e përdorin për të ambalazhuar pajisjet elektroshtëpiake dhe elektronike – dhe që në anglishte njihet edhe si styrofoam, në shqipen bisedore i kanë pasë thënë, dhe ndoshta i thonë akoma, bukë peshku.