Ohio State University
Ohio State University | |
| |
Grunnlagt | 1870 |
---|---|
Stad | Columbus i Ohio |
Studentar | 46 820 |
Tilsette | 5 584 |
Ohio State University (forkorta OSU) er eit universitet i den amerikanske delstaten Ohio. Det er eit av dei største universita i USA, og det høyrer til gruppa av offentlege, høgkvalitets-universitet med særs høg akademisk standard – den såkalla Public Ivy-gruppa.
OSU er delstatseigd og har hovudcampus i Columbus og mindre campusar i Lima, Marion, Mansfield og Newark, alle i Ohio.
Historie[endre | endre wikiteksten]
Ohio State University vart stifta i 1870 som eit land-grant-universitet, det vil sei at det fekk føderalt tilskot til å skaffe jord til den første campusen. Guvernøren i Ohio og seinare president i USA Rutherford B. Hayes var ein viktig pådrivar for stiftinga. Det første namnet til universitetet var The Ohio Agricultural and Mechanical College.
OSU tok opp sine første kvinnelege studentar i 1873, samstundes som studietilbodet vart utvida med fleire klassiske universitetsfag i tillegg til dei meir praktiske faga som vart tilbode i starten.
På 1880-talet byrja Ohio State å tilby høgaregrads studium, den første kandidaten med mastergrad vart uteksaminert i 1886 og den første doktorgradskandidaten i 1890.
I 1906 vart det avgjort på delstasnivå at all forsking i Ohio skulle samlast hos Ohio State. Ohio State fekk òg einerett til å tilby doktorgradar i staten. Denne ordninga besto i femti år.
I 1916 vart Ohio State University med i den prestisjefylte Association of American Universities.
Studiar og forsking[endre | endre wikiteksten]
OSU er flaggskipet i universitetssystemet i Ohio, og kjem høgt opp på dei fleste rangeringar over amerikanske universitet.
Ved universitetet var det 58 344 studentar og 4 488 vitskapleg tilsette i 2006, fordelt slik på dei fem campusane:
- OSU Columbus (1870) – 51 818 studentar
- OSU Lima (1960) – 1 214 studentar
- OSU Mansfield (1958) – 1 464 studentar
- OSU Marion (1958) – 1 538 studentar
- OSU Newark (1957) – 2 310 studentar
I [studieåret 2006-07 var skulepengane frå US$ 8 500 i Columbus og US$ 6 240 ved dei andre campusane for studentar folkeregistrert i delstaten. I studieåret 2007-08 hadde skulepengane i Columbus auka til US$ 8 677. Studiane blir gjeve opp til doktorgradsnivå i Columbus, og til mastergradsnivå ved dei andre campusane.
Ohio State University består av følgjande avdelingar:
- College of Dentistry
- College of Education
- College of Engineering
- College of Food, Agricultural, and Environmental Sciences
- College of Human Ecology
- College of Medicine and Public Health
- College of Nursing
- College of Optometry
- College of Pharmacy
- College of Social Work
- College of Veterinary Medicine
- Colleges of the Arts and Sciences
- OSU Graduate School
- Max M. Fisher College of Business
- Michael E. Moritz College of Law
Dei to nobelprisvinnarane Paul Flory og William Fowler studerte begge ved OSU. Det same gjorde kunstnaren Roy Lichtenstein og generalen Curtis LeMay.
Ohio State University er eit forskingsuniversitet, og hadde i 2004 eit budsjett på 518 millionar dollar til forsking. Dette plasserer OSU på femtandeplass blant amerikanske universitet når det gjeld pengar brukt på forsking. Per 2006 har OSU éin nobelprisvinnar tilsette, Kenneth G. Wilson.
Idrett[endre | endre wikiteksten]
Idrettslaga til Ohio State blir kalla «Buckeyes», kalla opp etter kastanjetrearten. Buckeyes deltek på øvste nivåa i National Collegiate Athletic Association i alle idrettar, i tillegg er det òg medlem av Big Tingues Conference i dei fleste idrettane. OSU sub maskott heiter Brutus Buckeye.
Ved sidan av University of Michigan er Ohio State det einaste universitetet som har vunne det nasjonale meisterskapen i både baseball, basketball og amerikansk fotball. OSU har fostra mange kjende idrettsstjerner, blant desse er Jesse Owens og Jack Nicklaus.
Amerikansk fotball er den mest populære idretten ved Ohio State. Laget spelar på Ohio Stadium (kapasitet 101 568), og har vunne sju nasjonale titlar, den siste i 2002.
Kjelder[endre | endre wikiteksten]
- Denne artikkelen bygger på «Ohio State University» frå Wikipedia på bokmål, den 12. mars 2013.