Riimu

Piälinnu Riimu Roma Flagu Gerbu Mua ItualiiItualii Koordinuatat 41°54′00″ p. l. 12°30′00″ pn. p.41.90000° p. l. 12.50000° pn. p. / 41.90000; 12.50000    Johtai Virginia Raggi[d] Perustettu 13. sulakuudu 753 eaa. Pindu-ala 1 287,36 Nellikkökilometri (9. ligakuudu 2011) km² Rahvastu 2 870 493 hengi Telefonan koudu 06 Poštuindeksat 00118–00199 Virralline sivu comune.roma.it Ozuta/peitä kartoi Категория:Википедия:Неверно указанные ПозКарты

Riimu (it. Roma) on Itualien piälinnu, Riiman muakunnan da Lacio -alovehen haldivolline keskus da muan suurin linnu. Se sijaiččou lähel Itualien päivänlaskupuolistu rannikkuo, Tiberjoven varres. Riimas eläy läs 2,9 miljounua eläjiä (kylmykuu 2015). Riiman linnan alovehen eläilugu on läs 4,2 miljounua (2015).

Riimas on mondu ylen merkittäviä histouriellistu rakendustu, mostu kui Colosseum libo Kolizei da muailman suurin uskondolline rakendus Pedrinkirikkö. Toizii tundiettuloi kohtii ollah Ispuanien pordahat, Pantheon da Forum Romanum. Riiman histourielline keskučču on Unescon muailmanperindökohtu. Vatikanan linnuvaldivo on iččenäine valdivo Riiman rajoin sydämes.

Histourii

Riimu, kuduadu kučutah ”iguizekse linnakse”, on läs 3000 vuvven igähine, da sil on pitky histourii Riiman valdukunnan, katolizen kirikön, yhtistynnyön Itualien kuningaskunnan da nygözen Itualien tazavallan piälinnannu vuvves 1870 algajen.

Riimua sežo sanotah ”seiččemel mäil olijakse linnakse”. Enzimäi eländykohtat oldih Palatin -mäil, myöhembi rahvas ruvettih elämäh Kapitolii- da Kvirinal -lähimäil. Äijiä myöhembi rahvas ruvettih elämäh vie n'elläl Riimas olijal mäil.

Riimu on yksi vahnembis muailman linnois, Riiman valdukunnan ennevahnalline piälinnu. Vie antiekkuaijois (III vuozisada jälles Iisusan roindua) Riimua puaksuh sanottih ”Iguizekse linnakse”. Yhtekse enzimäzis nenga sanonuzis ristikanzois oli riimalaine runoilii Al'bii Tibull (I vuozisada enne Iisusan roindua). Riimua sanottih ”iguizekse linnakse” ennevahnallizen sivilizacien häviendän jällesgi.