 Napiling artikulo
Ang MariMar ay isang Pilipinong palabas na ipinalabas sa GMA Network noong Agosto 13, 2007 hanggang Marso 14, 2008 na pinagbibidahan nina Marian Rivera bilang MariMar, Dingdong Dantes bilang Sergio Santibañez, at Katrina Halili bilang Angelika Santibañez. Isinagawa ito ng GMA Network sa Pilipinas mula sa orihinal na palabas sa Mehiko na may kaparehong pamagat, ngunit may mga pagbabago sa balangkas. Pinagbidahan nina Thalía at Eduardo Capetillo ang naunang serye, na isa ring muling pagsasagawa ng seryeng LaVeganza, na nagmula din sa TeleVisa. Ang orihinal na MariMar mula sa Mexico ay ipinalabas noong taong 1997 sa RPN. Ito ay mabilis na tinangkilik ng mga Pilipino, at nagkaroon ng antas na umabot hanggang 50%. Ang seryeng ito ng Mehiko ang nagbigay kay Thalía ng kasikatan sa Pilipinas upang tangkilikin muli ng mga Pilipino ang iba pa niyang palabas tulad ng Maria Mercedes, Maria La del Barrio, at Rosalinda na umabot sa 75% na grado, na sinasabing pinakamataas na grado ng palabas sa Pilipinas. Sa unang gabing ipinalabas ang MariMar noong Agosto 13, 2007, nakakuha ng mataas na marka ang palabas na mayroong 36.6% (ayon sa pagsusuri sa Kalakhang Maynila). Matapos ang isang buwan, noong Setyembre 13, 2007, nakakuha ito ng 39.3% na marka, lagpas sa 38.3% nakuha nila sa unang linggo. Noong Oktubre 5, 2007, nakuha na nila ang 40% marka. Noong Oktubre 26, 2007, nakuha naman nila ang 44.6% marka sa Kalakhang Maynila. Noong Nobyembre 19, 2007, nakuha na nila ang 49.5% marka, malapit sa markang 50% nakuha ng Mehikanong telenobelang MariMar ni Thalía.
Napiling larawan
Si Niels Henrik David Bohr (Oktubre 7, 1885 – Nobyembre 18, 1962) ay isang pisikong Danes na nagkaroon ng mahalagang ambag sa pagkaunawa sa kayarian ng atomo at kwantum mekaniks. Dahil sa kanyang kontribusyon, natanggap niya ang Gantimpalang Nobel sa pisika noong 1922. Si Bohr ay isang pilosopo din at tagataguyod ng makaagham na pananaliksik. Binuo niya ang modelong Bohr ng isang atomo, kung saan kanyang ipinanukala na ang mga antas ng enerhiya sa mga elektron ay diskreto at ang mga elektron na ito ay umiikot sa mga matatag na orbita sa palibot ng nukleyus ng atomo ngunit maaring tumalon mula sa isang antas ng enerhiya (o orbita) patungo sa isa pa. Bagaman napalitan ang modelong Bohr ng iba pang mga modelo, nanatili pa rin na balido ang pinagbabatayang prinsipyo nito.
May-akda ng larawan: Bain News Service, tagapaglathala; Naipanumbalik ni: Bammesk
|
 Mga kasalukuyang pangyayari
Apat na mga sundalong taga-Iraq ang nasugatan nang tumama ang mga bala ng mortar sa Baseng Paliparan ng Balad, mga 40 mulya (64 km) hilaga ng Baghdad, na tinitirhan ng mga kawaning militar ng Estados Unidos. Humampas ang mga mortar sa runway o daanan sa loob ng base.
Naglabas ang Bulkang Taal (nakalarawan na kuha noong 2012) sa katimugang Luzon, Pilipinas, ng mala-ulap na mga abo na tinatayang may sukat na 1 kilometro (0.62 mi). Itinalaga ng Surian ng Pilipinas sa Bulkanolohiya at Sismolohiya ang isang alertong antas na "level 3", na ipinapahiwatig ng isang mataas na antas ng "magmatic unrest" (kaguluhang magmatiko) na maaring magdulot ng isang "mapanganib na pagsabog sa darating na mga linggo."
Humingi ng paumanhin ang pamahalaan ng Ontario sa Canada sa paglabas ng maling alerto tungkol sa iang insidente sa isang plantang nukleyar malapit sa Toronto at sinisi ang pagkakamali sa pagsasanay. Humingi ng pagsisiyat ang mga galit na mga lokal na alkalde na nagsabing ang mensahe pang-emerhensiya tungkol sa tumatandang Pickering Nuclear Generating Station ay nagdulot ng di-kinakailangang pagkabagabag.
Relasyong Hapon-Saudi Arabia: Dumating ang Punong Ministro ng Hapon na si Shinzo Abe sa Saudi Arabia na kanyang unang pagdalo sa Gitnang Silangan kung saan inaasahan siyang pumagitan sa tumataas na tensiyon sa pagitan ng Estados Unidos at Iran.
 Alam ba ninyo
Mula sa mga pinakabagong artikulo ng Wikipedia:
- ... na ang sarsuwelang Lunop han Dughan - Panaghoy ni Yolanda ay ginugunita ang mga pumanaw dahil sa pananalasa ng super bagyong Yolanda?
- ... na patuloy na tumatanggi ang pamahalaan ng India na hatiin ang bansa sa maraming mga sona ng oras na ngayo'y nasa isang Pamantayang Oras ng India?
- ... na unang nagkaroon ng problema si Aman Dangat sa mga awtoridad ng Espanya noong mga panahon na inilipat ang mga tagabaryo ng Sabtang at Vuhus sa San Vicente at San Felix sa bayan ng Ivana noong 1785 sa panahong pananakop ng mga Kastila sa Pilipinas?
- ... na binago ang pangalan ng kabisera ng Kazakhstan sa Nur-Sultan mula sa dating Astana noong Marso 2019?
- ... na ang Palitan ng Smart Connect ng North Luzon Expressway ay ang pinakamalaking palitan o interchange sa Pilipinas batay sa lawak ng lupa?
|
· 
· 
