Избрана статија за оваа седмица
|
Московски Кремљ — историски комплекс кој се наоѓа во центарот на Москва, Русија. Самиот комплекс е опкружен од реката Москва од југ, црквата Свети Василиј и Црвениот плоштад на исток, до Александровата градина на запад. Овој кремљ е најпознатата руска тврдина, во чиј состав се наоѓаат четири палати и четири катедрали. Самата тврдина е обиколена од Кремљските ѕидини, на кои пак се поставени дваесет кули.
Самиот назив за Кремљ честопати се користи како метоним на владата на Советскиот Сојуз (1922-1991), бидејќи во тоа време овде се наоѓале работните канцеларии на генералните секретари, премиери, претседатели, министри и комесари. Денеска, комплексот служи како официјална резиденција на претседателот на Русија.
Во текот на своето постоење, Московскиот Кремљ доживеал голем број на реконструкции. Изгледот на тврдината на неколку пати бил менуван. Секоја ера од историјата на Русија и владетелите кои управувале со него, оставале своја трага во изградбата и развојот на градот. Најголеми заслуги за развојот и опстојувањето на Московскиот Кремљ им се препишува на: Иван III Василевич, Катерина Велика и Николај I. (Дознајте повеќе...)
|
Дали сте знаеле…
|
Занимливости од содржините на Википедија:
- ... дека едноотворните (клунарите и клунестите ежови) се единствените цицачи што несат јајца?
- ...дека во Африка има дури 535 јазици од групата банту?
- ...дека руската песна „Калинка“ не е изворна народна песна, туку композиција на Иван Ларионов од 1860 г.?
- ... дека според едно старо предание, во реката Брегалница, на подножјето на Плачковица живеел воден змеј, кој имал задача од пајонските кралеви да го брани Светиот Град од непријателите?
- ... дека Јелоустоун е првиот национален парк во светот, отворен во 1872 година?
- ... дека според една претпоставка, мегленското село Преб’диште е наречено по Пребонд, кнезот на македонските Словени?
- ... дека морската милја е единица за должина која изнесува околу една лачна минута географска должина долж некој меридијан?
- ... дека преспанското село Стење има 5 цркви и 6 археолошки наоѓалишта?
- ... дека дабот му припаѓа на семејството на буките (Fagaceae)?
- ... дека островот Свети Мартин во Карипското Море е поделен на меѓу Франција и Холандија?
- ... дека средновековниот утврден град Женско во Кукушко бил така наречен бидејќи имал толку силни кули и бедеми, што можеле да го бранат жени?
- ... дека Горчливото Езеро во Кукушко, Егејска Македонија е трипати посолено од Мртвото Море?
- ... дека Александар Македонски се образувал три години кај филозофот Аристотел во неговото училиште „Миески нимфеј“ кај селото Копаново во Негушко, Егејска Македонија.
- ... дека унгарскиот јазик има дури 18 падежи?
- ... дека општината Барле-Хертох ја има најсложената државна граница во светот, со бројни енклави и ексклави на Белгија и Холандија една во друга?
- ... дека Маличкото Езеро, помеѓу Охридското Езеро на север и градот Горица (Корча) на југоисток, е исцедено во 1940-тите во борба против маларијата?
- ... дека најголемото езеро во Британија, Лох Неј, е во сопственост на Ерлот од Шафтсбери?
- ... дека геолошкиот период јура е наречен по планинскиот венец Јура меѓу Франција и Швајцарија, како нејзино типско подрачје?
- ... дека ентомологијата е гранка на зоологијата која се занимава со изучување на инсектите?
- ... дека Плимут на островот Монтсерат е единствениот главен град на светот без жители?
- ... дека според една теорија, кратовското село Шлегово е наречено по германските рудари доселени од областа Шлеска?
- ... дека Прусија како политички ентитет престанала да постои дури во 1947 година?
- ... дека гавранот е песнопојна птица, иако неговото гракање е непријатно за човечките уши?
- ... дека Лахта-центарот во Санкт Петербург е највисока градба во Европа со 462 м?
- ... дека и покрај класичниот османлиски изглед, џамијата „Чамлиџа“ во Истанбул е изградена во 2019 година?
- ... дека руско-германската вселенска опсерваторија „Спектар-РГ“ се очекува да даде слика за 100.000 јата од галаксии?
- ... дека островот Калата во езерото Калиманци е дел од антички утврден град?
- ... дека половината сојузни држави на САД носат имиња добиени од домородните американски јазици?
|
На денешен ден…
|
Денес е 7 февруари 2020 г.
Настани:
1947
|
Велика Британија предложи план за поделба на Палестина на еврејски и арапски дел кои ќе бидат економски поврзани, а во Ерусалим да биде воведен меѓународен режим. Евреите го прифатија тој план, според кој добија своја национална држава, додека Арапите го отфрлија. Во 1948 година британските трупи се повлекоа од Палестина. Истиот ден, во Палестина беше прогласена еврејска независна држава Израел, која опфаќаше 77 отсто од подрачјето на историска Палестина. Еден ден потоа, арапските држави влегоа на поранешното британско подрачје, а судирите што избувнаа, Израел ги искористи за проширување на своите територии. Тоа беше почеток на низа вооружени израелско-арапски конфликти кои се претворија во војна.
|
1965
|
Силите на САД почнаа да го бомбардираат северниот дел на Виетнам.
|
1991
|
Свештеникот Жан Бертран Аристид е прогласен за претседател на Хаити, како прв демократски избран шеф на карипската држава.
|
1992
|
Министрите за надворешни работи на „европските дванаесетмина“ во Мастрихт, Холандија, потпишаа Спогодба позната како договорот од Мастрихт (која стапи во сила на 1.11.1993 година) по која започна етапа на развојот на Европа и преобразба на дотогашната Европска заедница во Европска унија.
|
Родени:
Починале:
|
|
|
Други области
|
- Селска чешма — Централниот форум за дискусија на Википедија, место каде што можете да поставувате прашања и да давате коментари.
- Портал на заедницата — Проекти, ресурси и активности за сите кои сакаат да се вклучат во проектот.
- На други јазици — Википедија е повеќејазичен проект - освен на македонски, Википедија е достапна и на 285 други јазици.
|
|