2019

Millennium:	3rd millennium
Centuries:	20t century – 21st century – 22nt century
Decades:	1980s 1990s 2000s – 2010s – 2020s 2030s 2040s
Years:	2016 2017 2018 – 2019 – 2020 2021 2022

2019 (MMXIX) is the current year, an is a common year stairtin on Tysday o the Gregorian calendar (dominical letter F), the 2019t year o the Common Era (CE) an Anno Domini (AD) designations, the 19t year o the 3rd millennium, the 19t year o the 21st century, an the 10t an last year o the 2010s decade.

The year 2019 is expectit tae see the completion o the Unitit Kinrick's Brexit process, ower which there haes been much pairlamentar deadlock in the early pairt o the year, leadin tae Theresa May's demission, wi her successor as Prime meenister, Boris Johnson, takkin affice on 24 Julie.

Boris Johnson's appyntment as Prime Meenister o the Unitit Kinrick is ane o the major events in Breetish politics in 2019

There wis poleetical chynge in Januar wi Jair Bolsonaro takkin ower in Brazil, an Nancy Pelosi acomin Speaker o the Unitit States Hoose o Representatives for the seicont time. An aa, Venezuela's poleetical creesis worsens, an tensions occur atween Pakistan an Indie efter a terrorist attack on Indie sodgers in Jammu an Kashmir in Februar, an efter Indie strips Kashmir o its special status in August. Tensions escalate atween the Unitit States an Iran towards the middle o the year, as dae poleetical diveesions in Hong Kong.

An aa, lang-servin poleetical leaders hae demittit; Nursultan Nazarbayev demittit in Mairch as Preses o Kazakhstan, while Abdelaziz Bouteflika in Algerie an Omar al-Bashir in Sudan are forced frae affice by popular protests. Meanwhile, Japan's Reiwa Era stairtit on 1 Mey, wi Naruhito acomin Emperor efter his faither Akihito's abdication.

The year haes an aw seen increasit debate ower climate chynge, wi the term "Climate emergency" bein usit mair aften in puiblic debate, an the continuation o the schuil strikes stairtit bi Greta Thunberg the previous year.

Events[eedit | eedit soorce]

Januar[eedit | eedit soorce]

Kuiper belt object "Ultima Thule"

Jair Bolsonaro

Pawel Adamowicz

Lunar eclipse o 21 Januar, seen ower Belgium

1 Januar
- Romanie taks ower the rotatin Presidency o the European Union.
- Semme-sex mairiage acomes legal in Austrick.
- Qatar leaves OPEC.
- The New Horizons probe flies bi the furthest object ever splored by humans: the Kuiper belt object "(486958) 2014 MU69", an aa kent as "Ultima Thule".
- Jair Bolsonaro is sworn in as Preses o Brazil.
3 Januar
- The Fowkrepublic o Cheenae's Chang'e probe launds on the faur side o the Muin.
- The new Unitit States Congressional term stairts, wi Nancy Pelosi acomin Speaker o the Unitit States Hoose o Representatives for the seicont time.
5 Januar - The Ukrainian Orthodox Kirk formally separates frae the Roushie Orthodox Kirk.
6 Januar - Muhammad V o Kelantan abdicates as Keeng o Malaysie.
7 Januar - Gavin Newsom acomes Govrenor o Californie.
8 Januar - Umwhile First Meenister o Scotland Alex Salmond wins a legal case agin the Scots Govrenment ower its haundlin o sexual harrassment allegations agin him.
11 Januar - Scots tennis player Andy Murray propales his plans tae retire frae his playin career ower a lang-staundin hip injury.
12 Januar - A roof collapses at a coal mine in Shenmu, in the Fowkrepublic o Cheenae's Shaanxi province, killin at least 21 fowk.
13 Januar - Pawel Adamowicz, Mayor o the Pols ceety o Gdansk, is stobbit at a charity event an dees the naxt day.
14 Januar - The Australian Open tennis toornament stairts.
15 Januar
- A terrorist attack on a hottle complex in Nairobi, Kenyae, results in the daiths o 21 fowk.
- The Hoose o Commons o the Unitit Kinrick votes wi a majority o 432 tae 202 agin Prime meenister Theresa May's Brexit deal.
16 Januar - The Govrenment o the Unitit Kinrick wins a vote o confidence bi 325 votes tae 306.
17 Januar - A car bomb attack in Bogota, Colombie, kills 21 fowk.
18 Januar - A fuel pipeline splodes in Tlahuelilpan, Hidalgo, Mexico, killin at least 85 fowk.
21 Januar - A lunar eclipse in seen ower pairts o Europe, Wast Africae an the Americas, in what is bein referred tae as a "super blood wolf moon", efter the nemme gien tae the first full muin o the year.
23 Januar - Venezuelan poleetical creesis: The Unitit States an ither wastren kintras recognise Juan Guaido as Interim Preses o Venezuela instead o Nicolas Maduro.
24 Januar - Umwhile First Meenister o Scotland Alex Salmond is arrestit on sexual harrassment chairges.
25 Januar
- US Preses Donald Trump ends the month-lang govrenment shut-doon ower the issue o a waw planned for Unitit States-Mexico mairch.
- A mine tailins dam collapses in Brumadinho, Minas Gerais, Brazil, killin at least 140 fowk an leavin ower 200 missin.
27 Januar - The Australian Open tennis toornament ends: Singles winners are Naomi Osaka (weemen) an Novak Djokovic (men).
28 Januar - The US Juistice Depairtment chairges Cheenese tech firm Huawei wi multiple coonts o fraud.
29 Januar - Votes on Brexit are held in the Hoose o Commons o the Unitit Kinrick.

Februar[eedit | eedit soorce]

Cairt o North Macedonie

Donald Trump declares "Naitional Emergency".

Donald Trump an Kim Jong-un in Hanoi

1 Februar
- A free trade deal atween the European Union an Japan enters intae force.
- Fitbaw: Qatar wins the Asie Cup held in the Unitit Arab Emirates, defeatin Japan 3-1 in the Feenal.
- Donald Trump propales that the Unitit States is tae leave the Intermediate Range Nuclear Forces treaty o 1987; Roushie follaes suit the naxt day.
- Rugby union: Stairt o the Six Nations toornament.
3 Februar - Pape Francis arrives in Abu Dhabi, acomin the first Pape tae veesit the Arabie Peninsula.
5 Februar - The Taliban kills 47 fowk in attacks while Afghan-Taliban peace talks are held in Moscow.
12 Februar
- The Republic o Macedonie offeecially renames issel the Republic o North Macedonie, endin a name dispute wi Greece.
- The trials o 12 Catalan politeecians, in relation tae the region's disputit unthirldom referendum, stairt in Madrid.
13 Februar - A suicide bomb kills 27 Revolutionary Guairds in Iran.
14 Februar - A suicide bomb kills at least 40 Indie security personnel in Jammu an Kashmir.
15 Februar - US Preses Donald Trump declares a "Naitional Emergency" in relation tae fundin frae his planned mairch waw wi Mexico.
18 Februar - Seiven Labour MPs demit fae the pairty tae form the Independent Group.
19 Februar - An aicht Labour Pairty MP, Joan Leslie, jyns the Independent Group.
20 Februar - Three Conservative MPs jyn the Independent Group.
21 Februar - SpaceIL launches the Beresheet probe - the first privately-financit Muin mission.
23 Februar - Nigerie federal election: Muhammadu Buhari is re-electit.
24 Februar
- The new BBC Scotland televeesion chainel launches.
- The 91st Academy Awairds are held: Olivia Colman is Best Actress for playin Queen Anne o Great Breetain; Rami Malek is Best Actor for playin Freddie Mercury.
27/28 Februar - A seicont summit is held atween Donald Trump an North Korean leader Kim Jong-un; the talks in Hanoi, Vietnam, end early withoot agreement.

Mairch[eedit | eedit soorce]

Abdelaziz Bouteflika

Cyclone Idai ower Mozambique

New Zealand Prime meenister Jacinda Ardern efter the Christchurch mosque shuitins

2 Mairch - The SpX DM1 space mission is launched.
3 Mairch - Estonie pairlamentar walin.
6 Mairch - Venezuela expels its German ambassador.
10 Mairch - Ethiopian Airlines Flicht 103, a Boeing 737 MAX, crashes shortly efter tak-aff frae Addis Ababa on a flicht tae Nairobi, killing aw 157 fowk on baird.
11 Mairch - Abdelaziz Bouteflika decides against runnin for a fift term as Preses o Algerie, efter protests occurred ower his candidacy.
12 Mairch
- Three climbers dee in an avalanche on Ben Nevis.
- The Hoose o Commons o the Unitit Kinrick votes bi a majority against Theresa May's Brexit deal for a seicont time.
13 Mairch
- A shuitin at a schuil in Suzano, Sao Paulo, Brazil, kills 8 fowk.
- A schuil collapse in Lagos, Nigerie, kills 8 fowk.
- The Hoose o Commons o the Unitit Kinrick rejects a "No-Deal" Brexit.
14 Mairch
- The Hoose o Commons o the Unitit Kinrick votes tae delay Brexit.
- Cyclone Idai maks landfaw in Mozambique, killin possibly as mony as 1,000 fowk across Sootheastren Africae.
15 Mairch - Christchurch mosque shuitins: 50 fowk are kilt in twa shuitin attacks on mosques in Christchurch, New Zealand; a white extremist is arrestit bi polis.
16 Mairch - Rugby union: End o the Six Nations toornament: Scotland come frae 31-0 doon tae only narrowly miss oot on a first Twickenham victory in 36 years, drawin 38-38 wi Ingland; Wales wins the toornament an the Grand Slam.
18 Mairch - A gunman kills 3 fowk on a tram in Utrecht, the Netherlands.
19 Mairch - Nursultan Nazarbayev propales his surprise demission as Preses o Kazakhstan.
20 Mairch - Theresa May offeecially requests a three-month extension tae the Brexit process.
21 Mairch
- Aroond 70 fowk are kilt when a river ferry capsizes naur Mosul, Iraq.
- A chemical plant splosion in Xiangshui, Jiangsu, Fowkrepublic o Cheenae, kills at least 78 fowk.
- Scotland loses 3-0 tae Kazakhstan in a Euro qualifyin fitbaw match, in ane o its maist surprisin an embarrassin results iver.
- The Unitit Kinrick is grantit a Brexit extension tae 12 Aprile.
23 Mairch
- The feenal stranghauld o the Islamic State o Iraq an the Levant, in northren Sirie, is declarit leeberatit.
- An estimatit 400,000 fowk mairch agin Brexit in Lunnon.
24 Mairch - Thailand haulds a general election.
27 Mairch - Breetish Prime Meenister Theresa May offers tae demit if her Brexit deal is passed.
28 Mairch - The last-ever episode o the Scots televeesion programme Still Game is braidcast.
29 Mairch - The Hoose o Commons o the Unitit Kinrick rejects Theresa May's Brexit deal for a 3rd time, on the day the Unitit Kinrick wis oreeginally scheduled tae leave the European Union.
31 Mairch - Comedian Volodymyr Zelensky wins the first roond o Ukraine's Preses election, ahead o Petro Poroshenko.

Aprile[eedit | eedit soorce]

Foto o the Black hole in the Messier 87 galaxy

The Notre-Dame de Paris fire

Billy McNeill

Akihito

1 Aprile - It is propaled that "Reiwa" will be the name o Japan's new imperial era when Naruhito acomes Emperor at the end o the month.
2 Aprile - Abdelaziz Bouteflika demits as Preses o Algerie efter weeks o protests.
3 Aprile - Brunei introduces a law makkin gay sex punishable bi daith.
9 Aprile - Election tae the Israeli Knesset.
10 Aprile
- The first-ever photograph o a black hole is released.
- Jackie Bird presents her last edeetion o BBC Reporting Scotland.
11 Aprile
- The Unitit Kinrick is grantit a Brexit extension tae 31 October.
- Indie's pairlamentar election stairts; it is the maist muckle democratic exercise in the warld.
- Ecuador ends its asylum for WikiLeaks foonder Julian Assange in the kintra's embassy in Lunnon, leadin tae his arrest bi polis.
- Omar al-Bashir is remuivit as Preses o Sudan.
14 Aprile
- Finland haulds its general election.
- Tiger Woods wins the Masters toornament, makkin it his first major gowf veectory in awmaist 11 years.
15 Aprile - Notre-Dame de Paris fire: Notre-Dame Cathedral in Paris is heavily damaged bi fire.
17 Aprile
- Indonesie general election.
- Umwhile Preses o Peru Alan Garcia shuits an kills hissel, as polis prepare tae arrest him on corruption chairges.
- The Varsity o Aiberdeen strips Sultan Hassanal Bolkiah o Brunei o his honorar degree, ower the kintra's new law makkin gay sex punishable bi daith.
- A bus cairryin German tourists crashes in Madeira, Portugal, killin 29 fowk.
18 Aprile
- Alex McLeish is fired as manager o the Scotland naitional fitbaw team.
- Jurnalist Lyra McKee is shot deed durin riotin in Derry/Lunnonderry, Northren Ireland.
21 Aprile
- Coordinatit bomb attacks at kirks and hottles in Sri Lanka on Pace Sunday kill at least 253 fowk.
- Comedian Volodymyr Zelensky is electit Preses o Ukraine, defeatin incumbent Petro Poroshenko.
22 Aprile - Scots fitbawer an manager Billy McNeill, captain o Celtic's Lisbon Lions team, dees agit 79. His Lisbon Lions teammate Stevie Chalmers dees a week later.
23 Aprile - Swadish climate chynge activist Greta Thunberg meets wi politeecians in Wastmeenster.
24 Aprile - Nicola Sturgeon propales her intention tae hauld a referendum on Scots unthirldom afore the 2021 election.
25 Aprile - North Korean leader Kim Jong-un meets for talks wi Roushie Preses Vladimir Putin in Vladivostok.
28 Aprile - Spaingie pairlamentar walin: Pedro Sanchez's Socialist Pairty is the lairgest pairty at 29%; the far-richt Vox Pairty wins seats in pairlament for the first time.
29 Aprile - Indonesie's govrenment propales its intention tae muive the kintra's caipital oot o Jakarta.
30 Aprile
- Emperor Akihito o Japan abdicates, as the first Japanese Emperor tae dae this in ower 200 years.
- Juan Guaido leads an attemptit uprisin in Venezuela.

Mey[eedit | eedit soorce]

Emperor Naruhito o Japan

Dutch Eurovision winner Duncan Laurence

Volodymyr Zelensky

Theresa May propalin her demission

1 Mey - Naruhito acomes Emperor o Japan, succeedin his faither Akihito.
3 Mey
- The daith toll in the Sooth Kivu Ebola ootbreak in the Democratic Republic o the Congo is estimatit tae hae reached 1,000.
- Pouerfu Cyclone Fani hits the state o Odisha on Indie's east coast.
4 Mey - Celtic F.C. wins the Scottish Premiership for the aicht consecutive saison.
4 - 6 Mey - Coronation o Keeng Vajiralongkorn o Thailand.
5 Mey
- Brunei abandons its law makkin gay sex punishable bi daith.
- Aeroflot Flicht 1492 bursts intae flames on its return tae Moscow's Sheremetyevo Airport, killin 41 oot o 78 fowk on baird.
- A tanker splosion naur Niamey, Niger, kills at least 58 fowk.
8 Mey - Sooth Africae haulds elections: Cyril Ramaphosa's African Naitional Congress wins the maist votes, but wi a reduced percentage.
12 Mey - Manchester City F.C. wins the Inglis Premier League teetle wi 98 pynts, a single pynt ahead o Liverpool F.C.'s 97 pynts, a record for a seicont-placit club in the league.
13 Mey - Filipino general election.
14 Mey - Famous cat an internet sensation Grumpy Cat dees o a urinary tract infection agit 7.
17 Mey - Taiwan's pairlament legislates the first semme-sex mairiage law in Asie.
18 Mey
- Australie's federal election is held, wi Prime Meenister Scott Morrison's conservative coaleetion scorin a surprise veectory.
- The Ibiza corruption affair, implicatin Austrick's Vice-Chancellor Heinz-Christian Strache (wha demits as a result), leads tae Chancellor Sebastian Kurz callin new elections for September.
- The feenal o the 64t Eurovision Sang Contest is held in Tel Aviv, Israel; Duncan Laurence scores the Netherlands's first veectory in the contest syne 1975 wi his sang "Arcade", while Michael Rice o the Unitit Kinrick finishes last.
20 Mey
- Volodymyr Zelensky acomes Preses o Ukraine.
- Steve Clarke is appyntit as the manager o the Scotland naitional fitbaw team efter a saison in which he guidit Kilmarnock F.C. tae a strang third place feenish in the Scottish Premiership.
23 Mey - Indie's pairlamentar election process is completit, wi Narendra Modi securin a seicont term as Prime meenister.
23 - 26 Mey - Elections tae the European Pairlament: Green an far-richt pairties mak gains.
24 Mey
- Theresa May propales her intention tae demit as Prime Meenister o the Unitit Kinrick an leader o the Conservative Pairty efter repeatit deadlock ower Brexit.
- A preeson riot in Acarigua, Venezuela, results in the daiths o 29 inmates.
25 Mey
- Scottish Cup Feenal: Celtic F.C. defeat Heart of Midlothian F.C. 2-1 tae complete three consecutive domestic trebles.
- A boat sinkin on Loch Mai-Ndombe in the wastren Democratic Republic o the Congo kills at least 200 fowk.
26 Mey
- The winners o the Scots seats in the European Pairlament elections are propaled efter votin finishes elsewhere in the European Union; the Scots Naitional Pairty wins three seats (Alyn Smith, Christian Allard an Aileen McLeod) while Sheila Ritchie (Leeberal Democrats), Nosheena Mobarik (Conservatives) an Louis Stedman-Bryce (Brexit Pairty) win the ither three. The Brexit Pairty wins the maist seats in the UK owerall.
- Finland wins the Men's Ice hockey warld championship.
27 Mey - Austrick chancellor Sebastian Kurz is defeatit in a pairlamentar vote o confidence.
28 Mey
- Daniel Johnson an Neil Findlay demit frae Scots Labour Pairty front bench efter the pairty's defeat in the European Pairlament elections.
- A Scots-record 18,555 spectators turn oot tae see the Scotland weemen's fitbaw team defeat Jamaica 3-2 at Hampden Park, Glesga in its last gemme afore debutin at the FIFA Weemen's Warld Cup.
29 Mey - The Hableany sichtseein boat, cairryin Sooth Korean tourists, collides wi anither vessel on the Danube in Budapest, Hungary, killin 28 fowk.
30 Mey - The 2019 Cricket Warld Cup in Ingland stairts.

Juin[eedit | eedit soorce]

Brigitte Bierlein

9 Juin protest in Hong Kong

Mette Frederiksen

1 Juin - The UEFA Champions League feenal will be contestit bi twa Inglis clubs, as Liverpool F.C. defeat Tottenham Hotspur F.C. 2-0.
3 Juin
- Donald Trump maks a state veesit tae the Unitit Kinrick.
- Brigitte Bierlein is appyntit as Chancellor o Austrick up tae the September election.
- Ower 100 fowk are kilt when Sudanese troops an Janjaweed militiamen open fire on a protest camp ootside militar heidquairters in the kintra's caipital Khartoum.
5 Juin - Denmark haulds pairlamentar elections, wi Mette Frederiksen's coaleetion winnin a majority.
6 Juin - Antti Rinne acomes Prime meenister o Finland.
7 Juin - The 2019 FIFA Weemen's Warld Cup in Fraunce stairts, wi the hosts defeatin Sooth Korea 4-0 in the openin gemme.
9 Juin
- Record nummers o fowk for Hong Kong protest agin a planned extradition law on an frae this date.
- Scotland stairts its first FIFA Weemen's Warld Cup wi a 2-1 defeat bi Ingland.
11 Juin
- Botswana decriminalizes homosexuality.
- The Unitit States team sets a FIFA Weemen's Warld Cup record wi a 13-0 win ower Thailand.
12 Juin - Semme-sex mairiage is legalisit in Ecuador.
13 Juin - Twa ile tankers are attackit in the Strait o Hormuz.
14 Juin
- Scotland loses its seicont FIFA Weemen's Warld Cup gemme 2-1 tae Japan.
- The 2019 Copa America stairts wi hosts Brazil defeatin Bolivie 3-0 in the openin gemme.
16 Juin - A massive pouer cut affects pairts o Argentinae, Uruguay an Paraguay.
17 Juin - Umwhile Preses o Egyp Mohamed Morsi reportedly dees efter faintin while on trial in Cairo.
19 Juin
- Four men are chairgit wi the murthers o the 298 fowk on baird Malaysia Airlines Flicht 17, which wis shot doon ower Eastren Ukraine in 2014.
- FIFA Weemen's Warld Cup: Scotland are knockit oot o the competeetion in the group stage efter droppin a 3-0 lead agin Argentinae, wi the end phase o the gemme bein dominatit bi refereein an VAR controversies.
20 Juin
- Iran shoots doon a Unitit States RQ4 Global Surveillance drone ower the Strait o Hormuz.
- Boris Johnson an Jeremy Hunt acome the feenal twa candidates for the post o Conservative leader an Prime Meenister o the Unitit Kinrick.
23 Juin - Opposeetion candidate Ekrem Imamoglu is electit Mayor o Istanbul.
27 Juin - Mette Frederiksen acomes Prime meenister o Denmark.
28 Juin
- Fraunce records its heichest-ever temperatur at 45.9 degrees Celsius.
- The European Union an Mercosur agree a tred deal.
- The G20 summit is held in Japan.
30 Juin - US Preses Donald Trump crosses the demilitarisit zone in Korea tae meet Kim Jong-un.

Julie[eedit | eedit soorce]

Solar eclipse seen ower La Serena, Chile

Jo Swinson

Boris Johnson

Alister Jack

1 Julie
- Finland taks ower the rotatin Presidency o the European Union.
- Tennis: The Wimbledon Championships stairt, wi teenager Cori Gauff suprisingly beatin Venus Williams in the weemen's singles.
- Protestors storm Hong Kong's pairlament biggin, 22 years tae the day efter the haundower frae the Unitit Kinrick tae Cheenae.
2 Julie - A total solar eclipse is due tae be seen ower the Sootheastren Paceefic Ocean, Chile an Argentinae.
6 Julie - Stairt o the Tour de France.
7 Julie
- Feenal o the 2019 FIFA Weemen's Warld Cup: The Unitit States defeats the Netherlands 2-0.
- Feenal o the 2019 Copa America: Brazil defeats Peru 3-1.
8 Julie - Kyriakos Mitsotakis acomes Prime meenister o Greece, efter his PASOK pairty won the previous day's election.
10 Julie - Kim Darroch demits as UK Ambassador tae the Unitit States ower a leak o comments he made aboot Donald Trump.
12 Julie - An attack on the Asasey hottle in Kismayo, Somalie, kills 26 fowk.
13 Julie - Simona Halep defeats Serena Williams in straicht sets in the weemen's singles feenal at Wimbledon.
14 Julie
- Feenal o the 2019 Cricket Warld Cup: Ingland wins a close gemme agin New Zealand.
- The Wimbledon Championships end, wi Novak Djokovic winnin the men's singles teetel ower Roger Federer.
16 Julie - Ursula von der Leyen is chosen tae succeed Jean-Claude Juncker as Preses o the European Commission.
18 Julie - An arson attack on an anime studio in Kyoto, Japan, kills 34 fowk.
19 Julie
- Iran seizes twa Breetish ile tankers in the Strait o Hormuz.
- Algerie wins the Africa Cup o Naitions fitbaw toornament, defeatin Senegal 1-0 in the feenal in Cairo.
20 Julie - Centenary o Sir Edmund Hillary.
20 an 21 Julie - 50 years syne the first Muin laundin.
22 Julie - Scot Jo Swinson acomes leader o the Leeberal Democrats.
23 Julie - Boris Johnson is propaled as the naxt Breetish Conservative leader an Prime meenister.
24 Julie
- Boris Johnson offeecially replaces Theresa May as Prime Meenister o the Unitit Kinrick.
- Alister Jack replaces David Mundell as Secretar o State for Scotland.
25 Julie
- Preses o Tunisie Beji Caid Essebsi dees in affice agit 92.
- Paris, Belgium, the Netherlands, Germany an the Unitit Kinrick record thair hottest-iver temperaturs.
26 Julie - The 2019 Pan American Gemmes in Lima stairt.
28 Julie - End o the 2019 Tour de France: Egan Bernal acomes the first Colombie cyclist tae win the race.
29 Julie
- A preeson riot in Altamira, Para, Brazil, results in 57 daiths.
- Boris Johnson meets First Meenister o Scotland Nicola Sturgeon for the first time syne acomin Breetish Prime Meenister.

August[eedit | eedit soorce]

Kashmir

1 August
- A Houthi attack on a mlitar parade in Aden, Yemen, kills 30 fowk.
- The toun o Whaley Bridge in Derbyshire, Ingland, is evacuatit ower dam at risk o breakin.
- Jane Dodds o the Leeberal Democrats wins the Brecon an Radnorshire bi-election in Wales, cuttin Boris Johnson's wirkin majority in the Breetish Hoose o Commons tae juist ane.
3 August - 22 fowk are kilt in a mass shuitin in El Paso, Texas.
4 August - 9 fowk are kilt in a mass shuitin in Dayton, Ohio.
5 August - The govrenment o Indie strips Kashmir o its special status.
11 August - The 2019 Pan American Gemmes in Lima end.
14 August - Swadish climate chynge activist Greta Thunberg sets sail frae Plymouth for a climate summit in New York Ceety.
16 August - Greenland rejects an offer bi Donald Trump tae buy it frae Denmark.
17 August - A bomb attack on a weddin pairty in Kabul kills 63 fowk an wounds 180.

Predictit an scheculed events[eedit | eedit soorce]

September[eedit | eedit soorce]

20 September - The 2019 Rugby union Warld Cup in Japan is due tae stairt.
28 September - Preses election in Afghanistan.

October[eedit | eedit soorce]

6 October - Portuguese legislative election.
21 October - Canadian federal election.
22 October - Planned coronation o Emperor Naruhito o Japan.
26 October - The climbin o Uluru, in Australie, is due tae be banned.
31 October - The latest deadline for the Brexit process tae be completit.

November[eedit | eedit soorce]

1 November - The new term o the European Pairlament is due tae stairt.
2 November - The feenal o the Rugby union Warld Cup in Japan is due tae tak place.
9 November - Events will be held tae mairk 30 years syne the faw o the Berlin Waw.
11 November - A transit o Mercur is due tae occur.