Japan

Der Artikl is im Dialekt Obaboarisch gschrim worn.

Flagge Wappen
Amtssproch	Japanisch
Haptstod	Tokio
Stootsform	Parlamentarische Monarchie
Stootsobahapt	Naruhito
Regiarungschef	Ministerpresident Shinzo Abe
Flächn	377.835(1) km²
Eihwohne	127.110.047 (2015)
Dichtn	337.08 Einwohner pro km²
Bruttoinlandsprodukt	$4.799 Mrd. (2.) (Schätzung 2005)
Brutto­inlands­produkt pro Eihwohna	$37.566 (16.)
Währung	Yen
Nationaihymne	Kimi Ga Yo
Zeidzone	UTC+9 (JST)
Kfz-Kennzoachn	J
Internet-TLD	. jp
Telefonvoawoi	+81
(1) ohne die umstrittenen Kurilen

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Japan (jap. 日本, Nihon/Nippon; anhören^?/i) is noch Indonesien, Madagaskar und Papua-Neuguinea da viatgresste Inslstoot vo da Wejd. Er liagt im Pazifischer Ozean in Nachboaschoft vo Russland, Nord- und Sidkorea, sowia vo da Voiksrepublik bzw. da Republik China. De Einwohna hoaßnd Japana.

Da Nam Japan setzt si aus de Zeichn 日 (Aussproch ni, in da Bedeitung „Tog“ oda „Sunn“) und 本 (Aussproch hon, in da Bedeitung „Ursprung“ oder „Wuazl“) zamms. Japan is deshoib aa bekannt ois „Land vo da aufgehandn Sunn“. Sowoi da friare mithologische Nam Cipangu ois aa Japan leitn si woascheinli vo da chinesischn Aussproch vo de Schriftzeichn (chin. 日本國, rìbĕnguo) ab.

Eadkund

Japan is a Inslkettn, de si entlang vo da Ostküstn vo Asien hinziagt. De Haptinsln san Hokkaido im Noadn, de zentrale und gresste Insl Honshū, sowia Shikoku und Kyūshū im Sidn. Dazua kemman 6.848 kloanare Insln, de si vor oim in da Seto-Inlandsee und ois Ryūkyū-Inseln konzentrian.

Iwan gsamtn Archipel valafft a Gebirgskettn, de ungefäah 73 % vo da Landmassn vo Japan ausmocht. Da hechste Berg vo Japan is da Fujisan af da Haptinsl Honshū mit 3.776 m iwan Meeresspiegel. Haptsächli in dena Haptballungsgebietn, wia Kantō (mit Tokio und Yokohama) oda Kansai (Ōsaka, Kyoto und Kōbe) findn sich gressare Ebenen. Af Grund vom Mangl an Flachland wern Berghäng duach Terrassnfejdbau kultiviat.

Wiatschoft

Wiatschoftlich is Japan oans von de wichtigstn Länder wos gibt. Nur de EU und d'USA hama gressars Brutto-Inlands-Produkt. In da Noachkriagszeit hot Japan gscheid wiatschoftlich aafghoit. Jäahlich hot Japan a Zuawochsrotn vo 10% und mehr ghobt, und des iba Joazehnte. Monche sogn, dees is wia ra Wunda gwen, andre moana dees wor, wei de Amis dena ghoifa hom. Oba eigntli hot Japan scho seid da Meiji-Zeit a recht erfoigreiche wiatschoftliche Entwicklung higlegt. Daher woar da Kriag nua so a Untabrechung vom oagntlichn Wiatschoftswochstum, hot oba net so an grossn Effekt ghobt wia vui denkt hom.

In de 1990er Joarn isses zura Banknkriasn kumma. Des wead aa ois "Bubble-crisis" bezeichnet. Des hoasst, in den 1980er Joarn wor vui Gejd do, deshoib hom de Bankn jedm an Kredit gem der aan gwoit hot. Ois Sicherheit fiad Bankn hom de Leid de an Kredit woitn, oiwai ihr Land und Gut oogebm. Doher sanna de Bodnpraise ins unermeßliche gschtiegn. Oiso konntn Leid ah no mehr Kredite kriagn, woi earna Grundstick jo no mea wert gworn is. Oba eigntlich hättn vui von dena Leid wo an Kredit kriagt hom eigntli bessa koan kriagt. Vui vo dena Leid san nocha nämlich pleite ganga. Und woi'd Bankn oafach jedm an Kredit gem hom und net richtig drauf gschaut hom, wems an gem, san a wiakli vui pleite gonga. Ois Sicherheit hom Bankn zwoa no de Grundstick ghobt. Woi oba jetza de ganzn Bankn earna Grundstick verkafa woidn, und somit mea Grundstick do woarn ois wo Leid kafa woitn, hams de Praise von de Grundstick senka miassa. Oiso komma sogn dos de Spekulationsblosn (bubble) plotzt is. De Bankn hom iatzt an Haffa Kredite ghobt de wo eahna koana zruckzoit hot woi vui vo dena Lait bleite ganga sind. Gleichzeitig sind a de Bodenpraise in Kella gfoin, und so konnt s dia Kredite nemma mit Grundsticksveakaf ausgleicha. Irgndwann hom deshoib a vui Bankn zuamacha oda umstrukturiern miassa. Zum Beispui homsa a Zeit long goa neamand no an Kredit gema woin. Des woar dann a wiada schlecht fia d' Wiatschoft vo Japan woi du brauchst joa an Kredit um wos auf'd Beine zu stöin. Insgsamt woar de Bubble-crisis net wirklich guat fiad japanische Wiatschoft. Do im Westn hom vui Leid scho docht, doss Japan an Berg oba gheit. Oba ma muass a seng, doss während de 10 Joar, wo di Krisn do wor, de Wiatschoft vo Japan insgsamt durchschnittlich um 1,5 % gwochsn is. Monche sogn oiso, des wor goa koa richtige Krisn, oba es hot scho an immensn Eifluss af de Wiatschoft ghobt.

Wiatschoftskennzoin

So hom si de wichtign Wiatschoftskennzoin wia Bruttoinlandsprodukt, Inflation, Haushoitssaldo und Außnhandl in de letztn Joar entwicklt:

Vaänderung voms Bruttoinlandsprodukt (BIP), real in % gegniwa am Voajoa

	1998	1999	2000	2001	2002	2003	2004	2005	2006	2007
Vaänderung in % gg. Vj.	−1,8	−0,2	2,9	0,4	0,1	1,8	2,3	2,6	~ 2,7	~ 2,1

~ = gschätzt

Entwicklung des BIP (nominal)

	2003	2004	2005
BIP in Mrd. US$	4237	4587	4567
BIP je Einw. (in US$)	33178	35914	35756

Inflationsrate und Haushaltssaldo

	2003	2004	2005	2006
Inflationsratn in % gegniwa am Voajoa	−0,3	0,0	−0,3	~ 0,2
Haushoitssaldo in % des BIP („minus“ = Defizit im Staatshaushoit)	−7,7	−6,5	−6,5	~ −6

~ = gschätzt

Haupthandelspartner (2005)

Ausfuhr (in %) nach		Einfuhr (in %) von
USA	22,5	VR China	21,0
VR China	13,5	USA	12,4
Korea (Rep.)	7,8	Saudi-Arabien	5,6
Taiwan	7,3	Vereinigte Arabische Emirate	4,9
Hongkong	6,0	Australien	4,8
Thailand	3,8	Korea (Rep.)	4,7
Deitschland	3,1	Indonesien	4,0
sunstige Lända	36,0	sunstige Lända	42,6
olle EU Lända zamma	14,7	olle EU Lända zamma	11,4

Hauptprodukte vom Außenhandl (2005)

Ausfuhrgüta (Anteil in %)		Einfuhrgüta (Anteil in %)
Kroftfoahrzeig und Kfz-Teil	19,4	mineralische Brennstoffe	25,6
Maschinen	16,4	sunstige Rohstoffe	6,0
chemische Erzeignisse	8,9	Noahrungs- und Genussmittl	9,8

Entwicklung vom Außenhandl in Mrd. US$ und sein Vaänderung gegniwa am Vorjoar in %

	2003		2004		2005		2006
	Mrd. US$	% gg. Vj.	Mrd. US$	% gg. Vj.	Mrd. US$	% gg. Vj.	Mrd. US$ (1.Hj.)	% gg.Vj.
Einfuhr	382	13,3	455	19,2	519	14,1	280	12,2
Ausfuhr	470	13,0	565	20,3	598	5,9	309	6,1
Saldo	88,4		110,3		79,6		29,5

Im Netz

 Commons: Japan – Sammlung vo Buidl, Videos und Audiodateien

 Wikimedia-Atlas: Japan – geografische und historische Koartn