IBM

International Business Machines Corporation
Saghas comhlachta	Comhlacht poiblí (NYSE: IBM)
Bunaithe	1889
Suíomh	Nua-Eabhrac, SAM
Tír (Tíortha)	{{{tír}}}
Daoine lárnacha	Samuel J. Palmisano
Méid fostaithe	380,300 (2017)
Tionscail	Ríomhairí
Láithreán gréasáin	IBM.com

Is comhlacht ríomhaireachta é International Business Machines, nó IBM mar a thugtar air de ghnáth. Déantúsaíonn agus díolann an comhlacht crua-earraí ríomhaireachta, bogearraí, agus seirbhísí comhairleacha. Faoi seo soláthraíonn IBM bainistíocht áiseanna chun seirbhísí tacaíochta a thabhairt do chomhlachtaí eile maidir le forbairt is feidhmeanna na ríomhaireachta.

Tá a cheanncheathrú lonnaithe in Armonk, Stát Nua-Eabhraic i SAM.

Stair

Ba innealtóir Meiriceánach de phór na Gearmáine é Herman Hollerith sa 19ú haois. Dhear sé meaisín táblúcháin le haghaidh daonáirimh. Bhunaigh sé an comhlacht Computing Tabulating Recording Corporation sa bhliain 1888. B'é a chomhlacht réamhtheachtaí IBM.

Sna 1950-1990idí, bhí IBM an comhlacht ba rathúla ar domhan nuair a tháirg sí mór-ríomhairí.

I 1983 lainseáil IBM an ríomhaire pearsanta. Tháinig na ríomhairí seo chun níos mó na 85% de mhargadh na ríomhairí a ghabháil. Ach bhí na PC déanta ag comhlachtaí eile freisin, agus de réir a chéile, d'éirigh cuid acu a níos mó ná IBM (tháinig Microsoft chun cinn nuair a dhear is a sholáthraigh sé an córas oibriúcháin MS-DOS i gcomhair ríomhairí pearsanta IBM).

Bhí IBM an comhlacht ríomhaireachta is mó ar domhan go dtí na 2000idí.

Ríomhaire de chuid IBM.

Aireagáin

D'athraigh na haireagáin seo an domhan:

• Comhartha-fháinne: Saghas líonra ceantair áitiúil (LAN) a d'fhorbair IBM, a bhaineann úsáid as toipeolaíocht fáinne ina gcuirtear comhartha thart ó ríomhaire go ríomhaire timpeall an fháinne.
• Tarchur dénártha sioncrónach: Foirm tarchur sonraí i líonra ríomhairí le cianfheiste amháin nó níos mó ceangailte le mór-ríomhaire. Baineann an téarma le comhlacht IBM go príomha.
• Teanga Struchtúrtha Iarratais (SQL): Teanga iarratais a d'fhorbair comhlacht IBM, anois ina teanga chaighdeánach idimáisiúnta le hiarratais a chumadh i gcomhair bunachair choibhneasta sonraí.
• Cód Idirmhalartaithe Breisithe Deachúlach: Códaithe go Dénártha (EBCDIC) Cód a d'fhorbair comhlacht IBM. Sainmhínítear 256 carachtar le cód 8 ngiotán.
• Ríomhaire pearsanta: Micriríomhairí i gcoitinne, an raon micriríomhairí a shaothraigh IBM ar dtús.

IBM 7090, 1961

Daoine

• Bill Gates (Microsoft). I 1981 chinn comhlacht IBM MS-DOS a shuiteáil ina ríomhairí pearsanta nua, céim mhór ar aghaidh do Microsoft.
• Leo Esaki. Chuaigh sé go dtí na Stáit Aontaithe i 1960 ag obair i gcomhlacht IBM, agus rinne saothar ceannródaíoch ansin ar fheiste a bhí bunaithe ar loig chandamacha is forlaitísí. Roinn sé Duais Nobel sa bhfisic le Ivar Giaever is Brian Josephson i 1973.