Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Saterdag, 12 Oktober 2019 Hier is tans 85 575 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Rugbywêreldbeker 2011 het vanaf 9 September tot en met 23 Oktober 2011 in Nieu-Seeland plaasgevind. Dit was die sewende rugbywêreldbeker van die vierjaarlikse rugbywêreldkampioenskap wat deur die Internasionale Rugbyraad (IRR) aangebied word en die vierde in die Suidelike Halfrond. Nieu-Seeland het saam met Australië die eerste Rugbywêreldbeker 1987 gehuisves.

20 nasionale rugbyspanne het meegeding in 48 wedstryde versprei oor 44 dae om die Webb Ellis-beker in te palm en as die wêreldkampioen gekroon te word. Suid-Afrika was die verdedigende kampioen nadat hulle die Rugbywêreldbeker 2007 in Frankryk gewen het. Suid-Afrika is egter in die kwarteindrondte deur Australië uitgeskakel en Nieu-Seeland wen die toernooi deur Frankryk met 8–7 in die eindstryd op Edenpark in Auckland te klop. Dit is die derde keer wat die gasheer die rugbywêreldbekertoernooi kon wen, ná Nieu-Seeland in 1987 en Suid-Afrika in 1995. Australië eindig in die derde en Wallis in die vierde plek. Die nasionale rugbyspan van Rusland het vir die eerste keer aan ’n rugbywêreldbekertoernooi deelgeneem. Namibië is ná vier nederlae reeds in die poelfase uitgeskakel.

Die toernooi was die grootste sportgebeurtenis wat nog in Nieu-Seeland aangebied is, groter as die Rugbywêreldbeker 1987, Statebondspele 1990, Krieketwêreldbeker 1992, America's Cup 2003 en die toer van die Britse en Ierse Leeus na Nieu-Seeland in 2005. Die organiseerders het 95 000 oorsese besoekers verwag wat na Nieu-Seeland vir die aangeleentheid sou reis.

Wedstryde het op 9 September 2011 begin en is oor sewe weke geskeduleer. Die eindstryd het op Sondag, 23 Oktober 2011 op Edenpark in Auckland plaasgevind. Die dag is gekies omdat dit op ’n lang naweek in Nieu-Seeland geval het (24 Oktober is werkersdag in Nieu-Seeland). Daar is ’n 10-ure verskil in tyd tussen Nieu-Seeland en Suid-Afrika, gevolglik is alle wedstryde vroegoggend in Suid-Afrika gebeeldsend.

...lees verder

In die nuus

Die Sowjetse ruimtevaarder en eerste mens wat 'n ruimtewandeling uitgevoer het, Aleksei Leonof, sterf op 85 in Moskou.
Die 2019-Nobelprys vir Vrede is toegeken aan die Ethiopiese eerste minister Abiy Ahmed "vir sy pogings om vrede en internasionale samewerking te bewerkstellig, en veral vir sy beslissende inisiatief om die grenskonflik met die buurland Eritrea op te los".
In Vlaandere kom 'n sentrumregse kabinet onder leiding van Jan Jambon op 2 Oktober aan bewind.
Die Negende Rugbywêreldbekertoernooi duur voort met wedstryde in verskeie stede van Japan, die gasheerland. Vir die eerste keer in die rugbywêreldbekertoernooi se geskiedenis moes twee wedstryde, dié tussen Nieu-Seeland en Italië asook tussen Engeland en Frankryk, weens die Tifoon Hagibis afgelas word.
Die Australiese krieketspan behou die As-urn nadat die 2019-reeks teen Engeland gelykop geëindig het.

Het u geweet...

...dat die diepste myn ter wêreld in Suid-Afrika is? Die Western Deep Levels-myn in Carletonville is 3,5 km diep.

...dat die wêreld se oudste restaurant in Salzburg in Oostenryk is? Die Stiftskeller St. Peter was oorspronklik 'n klooster wat reeds in 803 n.C. begin het om reisigers van maaltye te voorsien.

Vandag in die geskiedenis

12 Oktober:

1492 – Christophorus Columbus bereik die Bahamas-argipel en ontdek daarmee die Amerikas.
1762 – Gebore: Jan Willem Janssens, die laaste Nederlandse goewerneur van die Kaap.
1810 – Die eerste Oktoberfest word in München gehou om die troue van prins Ludwig I van Beiere te vier.
1899 – Die eerste skote klap in die Tweede Vryheidsoorlog nadat Brittanje die ultimatum van die Boererepublieke verwerp het.
1968 – Ekwatoriaal-Guinee word onafhanklik van Spanje.