Pesca
La pesca ye una actividat que consiste en capturar animals aquaticos (peixes, crustacios y cefalopodos sobre tot, con cetacios se gosa dicir "caza") en lur medio natural (ociáns, mars, cursos d'augua, estanyos, lagos, basas, ecetra). L'acción y efecto de pescar a ripas ye la "pescata"[1]. Qui pesca ye un pescador, pescaire u pescataire y qui vende la pescata ye un pescatero.
Bi ha una pesca profesional como actividat productiva y una pesca esportiva como actividat d'ocio. La pesca comercial afecta en la mes gran part a bellas quaranta especies de peixes, moluscos y crustacios. Una tercera part d'a pescata global ye pa fer prenso y abono.[2]
Bi ha muitas tecnicas y enchenyos de pesca dependendo de la especie que se mire, de lo medio y de la embarcación. La pesca ye a sobén enquadrada por una reglamentación que tiende a fer-se mes estricta. Una tecnica de pesca tipica de la Val d'Ebro ye lo tresmallo.
Referencias[editar | editar código]
- ↑ (es) María Pilar Benítez Marco: L'ansotano. Estudio del habla del Valle de Ansó: Gobierno de Aragón, 2001. p 319.
- ↑ (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill, pp 313-314
