Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Maandag, 15 Julie 2019 Hier is tans 82 754 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die nasionale vlag van die Verenigde Koninkryk, ook die Union Jack of Union Flag genoem, is op 1 Januarie 1801 amptelik in gebruik geneem. Die verhouding van die vlag is 1:2 en die kleure is rooi (Pantone 186C), blou (Pantone 280C), en wit. Die vlag het ook amptelike of halfamptelike status in ander Statebondsgebiede; dit is byvoorbeeld in Kanada deur wetgewing as die Royal Union Flag afgekondig en simboliseer Kanada se affiliasie met die Britse monargie en die Britse Statebond. Dit word ook as die amptelike vlag in sommige van die kleiner Britse oorsese gebiede gebruik. Die Union Flag verskyn ook op die wapperkant (boonste linkerkantse kwart) van die vlae van verskeie lande en gebiede wat voormalige Britse besittings of kolonies was.

Die oorsprong van die vorige vlag van Groot-Brittanje dateer terug na 1606. James VI van Skotland het in 1603 die Engelse en Ierse trone geërf as James I, en sodoende die krone van Engeland, Skotland en Ierland in ’n persoonlike unie verenig, hoewel die drie ryke afsonderlike state gebly het. Op 12 April 1606 is ’n nuwe vlag van die koninklike unie tussen Engeland en Skotland in ’n koninklike dekreet gespesifiseer, waarvolgens die vlag van Engeland (’n rooi kruis op ’n wit agtergrond, bekend as die Sint Georgskruis), en die vlag van Skotland (’n wit skuinskruis op ’n blou agtergrond, bekend as die Saltire of Sint Andreaskruis), saamgevoeg is, die vorming van die vlag van Engeland en Skotland vir maritieme doeleindes. Koning James het ook sedertdien verwys na ’n "Koninkryk van Groot Britaine", hoewel die Unie ’n persoonlikheid gebly het.

Die ontwerp van die Union Flag dateer uit ’n koninklike proklamasie ná die unifikasie van Groot-Brittanje en Ierland in 1801 (sien Verenigde Koninkryk van Groot-Brittanje en Ierland). Die vlag kombineer aspekte van drie ouer nasionale vlae: die rooi kruis van Sint Georg van die Koninkryk van Engeland, die wit skuinskruis van Sint Andreas vir Skotland (hierdie twee was verenig in die eerste Union Flag), en die rooi skuinskruis van Sint Patrick om Ierland te verteenwoordig. Wallis, ten spyte daarvan dat dit ook deel van die Unie is, is nog nooit op die Britse vlag verteenwoordig nie.

...lees verder

In die nuus

Die gasheer Engeland wen die eindwedstryd van die 12de Krieketwêreldbekertoernooi teen Nieu-Seeland volgens aantal grenshoue in die beslissende Superboulbeurt, en palm sodoende hulle eerste titel in. Australië en Indië was die ander twee semi-finaliste.
Tydens die Wimbledon-kampioenskap wen die Roemeense tennisspeler Simona Halep haar tweede Grand Slam-toernooi, terwyl die Serwiese tennisspeler Novak Đoković sy 74ste toernooi wen.
Tydens die 43ste sessie in Bakoe, Azerbeidjan, lys die Unesco onder ander Augsburg, Babilon, Conegliano, die Franse Suidelike en Antarktiese Gebiede, dele van die Geelseekus, Gran Canaria, Jaipur, Pskof en die 20ste-eeuse argitektuur van Frank Lloyd Wright as nuwe wêrelderfenisgebiede.
Daryl Impey wen die 9de skof van die Tour de France, slegs die tweede Suid-Afrikaner wat dit kon vermag.
Die Nieu-Seelandse rugbyspan Crusaders wen die eindwedstryd van die negende Superrugbyseisoen teen die Argentynse Jaguares met 19–3 in Christchurch en palm sodoende hul tiende Superrugbytitel in.

Het u geweet...

... dat die laaste moedertaalspreker van Kornies in 1780 gesterf het? Kornies is, soos Wallies en Bretons, 'n Keltiese taal van die Britonse groep. Dit is in Cornwall gepraat en pogings is in 1904 vir die eerste keer aangewend om die taal te laat herleef.
... dat 'n groot aantal immigrante uit Cornwall in myne in Suid-Afrika kom werk het? Die tinmyners het op die goudmyne in die ZAR gewerk en onder andere 'n rol gespeel in die vestiging van rugby as 'n sport in Suid-Afrika.

Vandag in die geskiedenis

15 Julie:

1606 – Die skilder Rembrandt van Rijn word in Leiden, Nederland, gebore.
1799 – Franse soldate ontdek die Rosettasteen op die dorpie Rasjid in Egipte se Nyldelta.
1916 – Die Boeing-maatskappy word in Seattle, Verenigde State, gestig.
1997 – Die Italiaanse modeontwerper Gianni Versace word voor sy huis in Miami doodgeskiet.
1999 – Die Volksrepubliek China verklaar dat hy oor die nodige tegnologie beskik om 'n neutronbom te vervaardig.