Cambodia

Mula sa Wikipediang Tagalog, ang malayang ensiklopedya
Jump to navigation Jump to search
Kaharian ng Cambodia
ព្រះរាជាណាចក្រកម្ពុជា
Preăh Réachéanachâkr Kâmpŭchea
Pambansang Kasabihan: Bansa, Relihiyon, Hari
Pambansang Awit: Nokoreach
Pununglunsod
(at pinakamalaking lungsod) 		Phnom Penh
11°31′N 104°49′E / 11.517°N 104.817°E / 11.517; 104.817
Opisyal na wika Khmer; Pranses at Ingles ay kadalasang naiintindihan ng mga may mataas ang pinag-aralan
Pamahalaan Constitutional monarchy
 -  Hari Norodom Sihamoni
 -  Punong Ministro Hun Sen
Kalayaan mula sa Pransiya 
 -  idineklara 1949 
 -  kinilala 1953 
Lawak
 -  Kabuuan 181,035 km2 (89th)
69,898 sq mi 
 -  Katubigan (%) 2.5
Santauhan
 -  Pagtataya ng Hulyo 2005 14,971,000 (63rh)
 -  Lahatambilang ng 1998 11,437,656 
 -  Kakapalan 78/km2 (112st)
202/sq mi
KGK (KLP) Pagtataya ng 2006
 -  Kabuuan $36.82 billion (89th)
 -  Bawat ulo $2,600 (133nd)
TKT (2004) 0.583 (medium) (129th)
Pananalapi Riel 1 (KHR)
Pook ng oras (TPO+7)
 -  Tag-araw (DST)  (TPO+7)
Internet TLD .kh
Kodigong pantawag 855
1 Lokal na pananalapi, bagaman Dolyar ng Estados Unidos ay kadalasang ginagamit.

Ang Kaharian ng Cambodia (Khmer: ព្រះរាជាណាចក្រកម្ពុជា; transliterasyon: Preăh Réachéanachâkr Kâmpŭchea) ay isang bansa sa Timog-Silangang Asya na may populasyong mahigit-kumulang 15 milyon. Phnom Penh ang kabisera nito. Ang Cambodia ay kahalili na estado ng noon'y isang makapangyarihang kaharian ng Hindu at Buddhist Khmer na namuno sa halos kabuuan ng tangos ng Indochina mula ika-11 at ika-14 na siglo.

Kadalasang tinatawag na "Cambodian" o "Khmer" ang mamamayan ng Cambodia na tumutukoy sa sinaunang grupo ng mga Khmer. Theravada Buddhist na may impluwensiya ng Khmer ang karamihan sa mga Cambodian ngunit ang bansang ito ay mayroon ding mangilan-ngilang Muslim, Kristyano at mga tribo naman sa bulubunduking kagubatan sa hilagang bahagi ng bansa.

Ang bansa ay pinapagitnaan ng Thailand sa kanluran at hilagang-kanluran, Laos sa hilagang-silangan, at ng Vietnam sa silangan at timog-silangan. Nakaharap sa Golpo ng Thailand ang katimugang bahagi nito. Dinodomina ng Ilog Mekong (kolokyal Khmer: Tonle Thom o "the great river"; tonle = ilog, thom = malaki) at ang Tonlé Sap ("the fresh water river"; "ang tubig-tabang na ilog") ang geograpiya ng Cambodia. Ang Tonlé Sap ang isa sa pangunahing pinagmumulan ng kalakal ng isda. Ang pagiging mababa sa heograpiya ay nangangahulugan na malaking bahagi ng bansa ay nakaupo malapit sa "below sea level", at ang pangunahing pinanggagalingan ng tubig mula sa ilog ng Mekong ay dumadaloy pabalik sa katabing Ilog ng Sap tuwing tag-ulan.

Turismo at pananahi ang pangunahing industriya dito. Noong 2006, nalagpasan ng mga namumuhunang dayuhan ang 1.7 milyon na marka. Noong 2005, nadiskubre ang deposito ng langis at natural na gas sa mga baybayin malapit sa palugit ng Thailand, at kapag nasimulan ang pagmina nito sa taong 2009 o 2010, ang kikitain sa pagmina nito ay siguradong may malaki at taos na epekto sa kinabukasan na ekonomiya ng bansa.

== Etimolohiya == ./, Ang Cambodia ay tradisyonal na transliterasyon sa Ingles mula sa Pranses na Cambodge, habang direktang transliterasyon naman ang Kampuchea ng mga mapagmahal sa wikang Khmer. Ang Khmer Kampuchea ay mula sa sinaunang kaharian ng Khmer na Kambuja (Kambujadesa). Sinaunang Sanskrit ang panganlang Kambuja o Kamboja ng mga Kambojas, isang unang tribo sa Hilagang India na ipinangalan sa nakatuklas nito na si Kambu Svayambhuva, na pinaniniwalaang may lahing Cambyses.

Sa opisyal na Khmer Mul script, ang pangalan ng bansa Official name of Cambodia.png (regular na skripto Cambodia3.png), Preahreachanachâk Kampuchea, na ang ibig sabihin ay "Kaharian ng Cambodia". Kung susuriin ang salitang ito, kalakip dito ang: Preah- ("banal"); -reach- ("hari, royal", mula sa Sanskrit); -ana- (mula sa Pāli āṇā, "kawani, lakas, kapangyarihan", mula din sa Sanskrit ājñā, ganoon din ang ibig sabihin) -châk (mula sa Sanskrit cakra, na ang ibig sabihin ay "gulong", isang simbulo ng kapangyarihan at pamumuno).

Ang pormal namang pangalang ginagamit sa mga okasyon tulad ng mga pananalita sa politika at mga programang pamamahayag ay Cambodia4.png (regular na skripto Cambodia1.png), Prâteh Kampuchea, na literal na nangangahulugang "ang Bansa ng Cambodia". Prâteh ang pormal na salita na ang ibig sabihin ay "bansa".

Ang kolokyal na pangalan ng salitang pangkaraniwang ginagamit ng mga Khmer ay Cambodia2.png, Srok Khmae, na ang ibig sabihin ay "ang Lupain ng mga Khmer". Ang Srok ay isang Mon-Khmer na salita na halos katumbas din ng prâteh, ngunit ito ay hindi pormal. Isinusulat na may "r" sa dulo ng salitang Khmer ngunit ang huling "r" ponema ay nawawala sa karamihan ng kanilang mga katutubong wika noong ika-19 na siglo at ito ay hindi na binibigkas sa kontemporaryong pananalita.

Simula ng kanilang kalayaan, ang opisyal na pangalan ng Cambodia ay binago ng makailang beses at lalo na sa kapanahunan ng kaguluhan, giyera at papalit-palit na gobyerno.

  • Kaharian ng Cambodia / Royaume du Cambodge sa ilalim ng pamamahala ng monarkiya mula 1953 hanggang 1970;
  • Republika ng Khmer / République Khmère (isang literal na pagkasalin ng Republika ng Pranses) sa ilalim ng pamamahala ng gobyerno ni Lon Nol mula 1970 hanggang 1975;
  • Demokratikong Kampuchea / Kampuchea démocratique sa ilalim ng komunistang pamamahala ng Khmer Rouge mula 1975 hanggang 1979;
  • Republika ng Mamamayang Kampuchea / République populaire du Kampuchea sa ilalim ng pamamahala ng tulungang gobyerno ng Vietnam at Cambodia mula 1979 hanggang 1989;
  • Estado ng Cambodia / État du Cambodge (isang nutral na pangalan, habang dinidinig ang usapan kung ibabalik sa monarkiya) sa ilalim ng pamamahala ng Mga Nagkakaisang Bansa mula 1989 hanggang 1993;
  • Kaharian ng Cambodia / Royaume du Cambodge ginamit muli sa pagbalik ng monarkiya noong 1994

Politika[baguhin | baguhin ang batayan]

Ang politika ng Cambodia ay pormal na naganap ayon sa konstitusyon ng bansa noong 1993, sa balangkas na parlyamento, representante ng demokratikong kaharian. Ang Punong ministro ng Cambodia ang pinuno ng gobyerno, at ang pinagsanib na "multi-party system" ay pinamumunuan ng hari bilang pinuno ng estado. Ang Punong Ministro ay iniluluklok ng Hari sa pamamagitan ng payo at pagsang-ayon ng Pambansang Lupon (National Assembly); ang Punong Ministro at ang kanyang piling mga ministro ang nagpapatupad ng kapangyarihan sa gobyerno. Ang kapangyarihan ng Sangay ng Panghukuman ay ipinagkakaloob sa "executive" at sa dalawang grupo ng parlyamento, ang Pambansang Lupon ng Cambodia (National Assembly of Cambodia) at ang Senado.

Noong 14 Oktubre 2004, si Haring Norodom Sihamoni ay napili ng espesyal na Konseho ng 9 katao para sa trono, kasama sa proseso ay ang mabilisang pagpapatupad pagkatapos ng surpresang pagbaba sa pwesto ni Haring Norodom Sihanouk (Ama ni Haring Sihamoni) isang linggo ang nakakalipas. Ang pagkapili kay Haring Sihamoni ay sinuportahan ni Punong ministro Hun Sen at ng Tagapagsalita ng Pambansang Lupon na si Prinsipe Norodom Ranariddh (kapatid ni Haring Sihamoni), na parehong miyembro ng konseho sa trono. Siya ay kinoronahan sa Phnom Penh noong ika-29 ng Oktubre. Ang monarkiya ay maka-simbulo lamang at hindi nakikihati sa pampolitika na kapangyarihan. Isang batikang mananayaw si Haring Norodom Sihamoni, nag-aral siya ng sayaw na ballet sa Ruso at wala pa siyang asawa hanggang ngayon. Magaling din siya sa wikang Czech dahil matagal siyang tumira sa Republika ng Czech (kilala sa tawag na Czechoslovakia).

Ayon sa mga balita ng BBC, talamak ang kurupsiyon ng mga politiko sa Cambodia[1], kasama dito umano ay ang mga tulong pinansiyal mula sa iba't-ibang pandaigdigang bansa lalo na sa Estados Unidos kung saan ang pera ay inililipat sa mga pansarili o personal na mga "accounts"[2]. Kurupsiyon din ang dahilan ng pagkakaroon ng malaking agwad sa mga kinikita o sweldo ng mga mamamayan nito.[3]

Mga rehiyon at lalawigan[baguhin | baguhin ang batayan]

Mapa ng Cambodia

Nahahati sa 20 lalawigan (khett) at 4 na munisipalidad (krong) ang Cambodia. Nahahati pa ito sa distrito (srok), kumunyon (sangkat), malalaking distrito (khan), at pulo (koh).

Munisipalidad (Krong) Lalawigan (Khett) Pulo (Koh)
Phnom Penh Banteay Meanchey Koh Kong
Sihanoukville (Kampong Som) Battambang Koh Polaway
Pailin Kampong Cham Koh Rong
Kep Kampong Chhnang Koh Rong Samlon
Kampong Speu Koh Sess
Kampong Thom Koh Tang
Kampot Koh Thass
Kandal Koh Thonsáy
Koh Kong Koh Traolach
Kratié Koh Treas
Mondulkiri
Oddar Meancheay
Pursat
Preah Vihear
Prey Veng
Ratanakiri
Siem Reap
Stung Treng
Svay Rieng

Ang Phnom Penh ang may pinakamalaking papulasyon na may kulang-kulang sa 2 milyon sa kabuuhang 15 milyong papulasyon ng bansa. Ang bulubunduking probinsiya ng Mondulkiri sa Hilagang-Silangan sa palugit ng Vietnam ang pinakalapad ngunit pinakakaunti ang papulasyon.[4]

Heograpiya[baguhin | baguhin ang batayan]

Klima ng Phnom Penh

Ang Cambodia ay may lapad na 181,040 kilometro kuwadrado (69,900 milya kuwadrado), kaparte nito ang 800 kilometro (500 milya) na border sa may Thailand sa Hilaga-Kanluran, 541 kilometro (336 milya) na border sa may Laos sa Hilaga-Silangan, at ang 1,228 kilometrong (763 milya) border sa may Vietnam sa Silangan at Timog-Silangan. Ito ay may 443 kilometrong (275 milya) baybayin sa Golpo ng Thailand.

Ang temperatura ay mula 10°–38 °C (50°–100 °F) ang Cambodia ay nakakaranas ng mga "tropical monsoon". Ang Timog-Kanlurang monsoon ay umiihip papasok at nagdudulot ng hangin na may kasamang tubig ulan mula sa Golpo ng Thailand at Dagat India mula Mayo hanggang Oktubre, ang bansa ay nakakaranas ng pinakamalakas na ulan sa buwan ng Setyembre at Oktubre. Ang Hilaga-Silangang monsson ang nagdudulot ng tag-init na panahon mula Nobyembre hanggang Marso na may pinaka-tuyot na panahon sa buwan ng Enero at Pebrero.

Transportasyon[baguhin | baguhin ang batayan]

Mga pasahero ng motorsiklo o "motodup" (moto taxi) sa Phnom Penh

Dahilan sa sunod-sunod na digmaang sibil hanggang katapusan ng dekada 90, ang transportasyon ay higit na naapektuhan kahit na patuloy ang pagtanggap nito ng pondo at mga kagamitan sa pagpapa-unlad ng mga daanang pang-transportasyon mula sa gobyerno ng Rusya. Ang Cambodia ay mayroong dalawang linya ng riles ng tren na may lawig na 612 kilometro (380 milya). Ang linya ng riles ng tren ay nagsisimula sa kabisera nito hanggang sa Sihanoukville, Kampong Saom sa may timog bahagi ng bansa na malapit sa dagat, at meron ding mula Phnom Penh papuntang Sisophon (kadalasan ang biyahe ng tren dito ay hanggang Battambang lamang). Sa ngayon, iisang pampasaherong tren lang ang bumabyahe tuwing linggo mula Phnom Penh hanggang Battambang at pabalik.

Ang nagsanga-sanga at dugtong-dugtong na mga ilog at lawa ng Cambodia ay isa ring importanteng bahagi sa makasaysayang kalakal ng bansa, kasama dito ang ilog ng Mekong at Tonle Sap. Ang Cambodia ay may dalawang malalaking daungan ng barko, isa sa Phnom Penh at isa sa Sihanoukville at merong ding lima pang di-kalakihan. Ang Phnom Penh na matatagpuan sa kung saan ang ilog ng Bassac, Mekong at Tonle Sap ay nagtatagpo ay ang kaisa-isang ilog na pwedeng daungan ng may bigat na 8,000 toneladang barko kapag tag-ulan at mga 5,000 toneladang barko naman kapag tag-tuyot.

Kasabay ng unti-unting pag-unlad ng ekonomiya ng bansa ay ang pagdami ng mga sasakyang panlupa lalong-lalo na ang mga motorsiklo ngunit mas marami pa rin ang gumagamit ng bisikleta. Karaniwan na sa mga papaunlad pa lang na bansa, nakikitaan din ang Cambodia ng pag-dami ng mga aksidenteng pangtrapiko.[5]

Ang bansa ay mayroon labing-anim na paliparan: Phnom Penh International Airport sa Phnom Penh bilang pinakamalaki at ang pangunahing paliparan ng Cambodia. Pumapangalawa dito ang Siem Reap-Angkor International Airport na nagsisilbing internasyonal na paliparan. Mayroon ding di-kalakihang mga paliparan sa Sihanoukville, Ratanakiri, Battambang, Stung Treng, Koh Kong, Kampot, Kampong Thom, Kampong Chhnang, Pursat, Kratié, Pailin, Svay Rieng, Preah Vihear at Mondulkiri.

Pandaigdigang ranggo[baguhin | baguhin ang batayan]

Organisasyon Survey Ranggo
Heritage Foundation/The Wall Street Journal Indeks ng Malayang Ekonomikya Ika-68 sa kabuohang 157
Reporters Without Borders Index ng Pansadaigdigang Malayang Pamamahayag Ika-108 sa kabuohang 167
Transparency International Indeks ng Pananaw sa Kurupsiyon Ika-151 sa kabuohang 163
United Nations Development Programme Indeks ng Paglago ng Kabuhayan ng Mamamayan Ika-129 sa kabuohang 177
World Economic Forum Report sa Pandaigdigang Kakayahan Ika-103 sa kabuohang 125

Panitikan ng Cambodia[baguhin | baguhin ang batayan]

Ang panitikan ng Cambodia o Khmer ay mayroong lumang pinagmulan. Katulad ng mga pambansang panitikan sa Timog-silangang Asya, may dalawang natatanging aspeto o antas ang tradisyunal korpus nito:

  • Ang panitikang sinulat, na karamihan ay nakatakda lamang sa mga korteng panghari o monesteryong Budista.
  • Ang panitikang pasalita, na nakabatay sa mga lokal na alamat. Mabigat itong naimpluwensiya ng Budismo, ang namamayaning relihiyon, gayon din ang mga epikong Ramayana at Mahabharata ng Hindu.

Mga sanggunian[baguhin | baguhin ang batayan]

  1. ↑ BBC Asia-Pacific News (19 Setyembre 2005). Corruption dents Cambodia democracy. Accessed 24 Hulyo 2006.
  2. ↑ Reuters AlertNet (29 Mayo 2006). World Bank threatens $64 mln Cambodia aid freeze. Accessed 24 Hulyo 2006.
  3. ↑ BBC News (29 Mayo 2006). 'Corruption' curbs Cambodia cash. Accessed 24 Hulyo 2006.
  4. ↑ "Mondulkiri". Phnom Penh Tours. http://www.phnompenhtours.com/Mondulkiri.htm. Hinango noong 1 Setyembre 2006. 
  5. ↑ "Picking Up Speed: As Cambodia's Traffic Levels Increase, So Too Does the Road Death Toll," The Cambodia Daily, Sabado, Marso 9–10, 2002."

Mga link na panlabas[baguhin | baguhin ang batayan]

Opisyal

Ibayong pananaw

Iba pa

Samahan ng mga Bansa sa Timog-Silangang Asya
Association of Southeast Asian Nations / ASEAN
Mga Bansang Tagamasid: Papua New Guinea · Timor-Leste
Mga bansa at dependensiya sa Asya
Soberanong estado
Asia (orthographic projection).svg
Mga estadong may limitadong pagkilala
Mga dependensiya at
espesyal na rehiyong administratibo
Australia
China
United Kingdom
Kinuha mula sa "https://tl.wikipedia.org/w/index.php?title=Cambodia&oldid=1657647"