 Napiling artikulo
 Si Jigme Khesar Namgyel Wangchuck (Dzongkha:  , ipinanganak noong 21 Pebrero 1980) ay ang ikalimang Haring Dragon ng Bhutan at puno ng dinastiyang Wangchuck. Siya ay kasalukuyang pinakabatang monarka at puno ng estado. Si Khesar ay panganay ng ikaapat at dating Haring Dragon ng Bhutan, Jigme Singye Wangchuck, at ang ikatlong asawa ng kanyang ama, Reynang (Ashi) Tshering Yangdon. Siya ay may mga nakababatang kapatid na babae at lalaki, gayundin may apat na kapatid na babae sa labas at tatlong kapatid na lalaki sa labas. Siya ay wala pang asawa. Kaugnay ng pamilya, si Khesar ang panganay ng ikaapat at dating Haring Dragon ng Bhutan na si Jigme Singye Wangchuck, at ang ikatlong asawa ng kanyang ama, Reynang (Ashi) Tshering Yangdon. Siya ay may mga nakababatang kapatid na babae at lalaki, gayundin may apat na kapatid na babae sa labas at tatlong kapatid na lalaki sa labas. Siya ay wala pang asawa. Noong Disyembre 2005, ipinahayag ni Haring Jigme Singye Wangchuck ang kanyang intensiyon sa pagbababa sa trono alang-alang sa kanyang anak bilang bigaylugod, at sinisimula niyang ipasa nang kagyat ang mga tungkulin sa kanya. Siya ay opisyal na pinutungan ng korona noong 6 Nobyembre 2008, sa buwan ng lalaking Daga (tahaklaw o lupang daga), sa maharlikang palasyo sa Timpu. Ang marangyang koronasyon ay binubuo ng sinauna at makulay na rituwal, dinaluhan ng mga libong dayuhang dignitaryo.
Napiling larawan
Si Niels Henrik David Bohr (Oktubre 7, 1885 – Nobyembre 18, 1962) ay isang pisikong Danes na nagkaroon ng mahalagang ambag sa pagkaunawa sa kayarian ng atomo at kwantum mekaniks. Dahil sa kanyang kontribusyon, natanggap niya ang Gantimpalang Nobel sa pisika noong 1922. Si Bohr ay isang pilosopo din at tagataguyod ng makaagham na pananaliksik. Binuo niya ang modelong Bohr ng isang atomo, kung saan kanyang ipinanukala na ang mga antas ng enerhiya sa mga elektron ay diskreto at ang mga elektron na ito ay umiikot sa mga matatag na orbita sa palibot ng nukleyus ng atomo ngunit maaring tumalon mula sa isang antas ng enerhiya (o orbita) patungo sa isa pa. Bagaman napalitan ang modelong Bohr ng iba pang mga modelo, nanatili pa rin na balido ang pinagbabatayang prinsipyo nito.
May-akda ng larawan: Bain News Service, tagapaglathala; Naipanumbalik ni: Bammesk
|
 Mga kasalukuyang pangyayari
Sa kabila ng pag-amin ng Manila Water na nahihirapan silang tugunan ang pangangailangan ng tubig sa Kalakhang Maynila, Pilipinas, nakikitang magkakaroon ng kakulangan sa tubig sa taong 2025 sa marami pang lungsod at rehiyon sa Pilipinas kung hindi tutugunan ng pamahalaan ng Pilipinas ang pag-taas ng pangangailangan ayon sa pag-aaral ng dalawang pamantasan. Kabilang sa mga lugar na maaring magkaroon ng kakulangan sa tubig ang Kalakhang Cebu, Lungsod ng Zamboanga, Lungsod ng Davao, Lungsod ng Bacolod, Lungsod ng Cagayan de Oro, at Lungsod ng Baguio.
Inulat ng NASA na natuklasan ang isang malaking pagsabog ng bulalakaw sa atmospera ng Daigdig noong Disyembre 18, 2018, sa itaas ng Tangway ng Kamchatka ng Rusya. Hindi malawakang napansin ang pagsabog dahil sa lokasyon nito. Ang pagsabog, na sampung beses na mas malakas kaysa sa hinulog sa Hiroshima, ay ang ikalawang pinakamalaki ng ganitong uri sa loob ng 30 taon.
Di bababa sa 73 katao ang namatay sa isang biglaang pagbaha sa lalawigan ng Papua, Indonesia.
Iminungkahi ng Pangulo ng Mozambique na si Filipe Nyusi ang kabuuang namatay sa Bagyong Idai (nakalarawan) ay maaring umabot ng higit sa isang libo. Ang kasalukuyang tala ay nasa 84.
Di bababa sa 50 katao ang namatay at dose-dosenang iba pa ang nasugatan sa dalawang ulit na pag-atake sa moske sa Christchurch, New Zealand.
 Alam ba ninyo
Mula sa mga pinakabagong artikulo ng Wikipedia:
- ... na sa lungsod ng Magadan sa dulong-silangang Rusya, isandaang araw lamang ang panahon ng pagtubo ng mga halaman doon dahil sa maginaw na klima?
- ... na si Chandra Bahadur Dangi (nakalarawan) ay ang pinakamaigsing tao na namatay noong 2015?
- ... na si Sultan Kösen ay ang pinakamatangkad na nabubuhay na tao sa mundo?
- ... na ang Golpo ng Leyte ay isang mayamang pinagkukunan ng alimango noong 1985?
- ... na ang Lansangang N402 ng Philippine highway network ay binubuo ng mga daan sa Kabite na dumadaan sa mga bayan ng Tanza, Naic, Indang at Mendez at lungsod ng Tagaytay?
- ... na ang pintang The Hands Resist Him ay nakilala noong 2000 bilang "nagmumultong pinta ng eBay"?
|
.jpg)
· 
· 
